Kamambuno Wakai Luk Muno Boglkwa 8:2 - Yesus kamo wakai

² ana ambu tau akiye eingwa. Ambumo i okuna spirit kinde moglkwa ya te kinde imbo kanekane pango erewakai ere tongwa. Ta Maria (ye Makdala kamun mam we dingwa) ambumo ye mina okuna spirit kinde 7 meglko simenda endungwa.

Kamambuno Wakai Luk Muno Boglkwa 8:2 ပူးပေါင်းရင်းမြစ်များ

Matyu 4:24

Ye taragl orkwa i yomba diwai digo Siria makan prapra pirkondingwa. Ana yomba kinde kanekane sungwa i-wingwa. Nangino giugl singwa ya te spirit kinde bogl meglkwa ya te kuakiku singwa ya te mau singwa i prapra i-wingo, ana ye erewakai ere tongwa.

Kamambuno wakai Mak muno boglkwa 16:1

Sabat enge dundungo, Maria Makdala kamun mam ya, te Maria Jems mam ya, te Salume ye kungo demine wakai orkwa ipi, Yesus nangiye mina kungo ere tenamnedi pre topo erikwa.

Kamambuno wakai Mak muno boglkwa 16:9

Yesus Sande enge tangina kinde kaima andigl ukor pindre, ye okuna kana Maria Makdala kamun mam moglmara plau dungwa, ambumo i okuna spirit kinde 7 suna meglko Yesus simenda endungura.

Kamambuno Wakai Luk Muno Boglkwa 23:27

Ana yomba merkinde kaima Yesus omara mokomugl eingwa. Ana eimara i ambu tau Yesus pre miriye gogl kai giglendi erikwa.

Kamambuno Wakai Luk Muno Boglkwa 23:49

Ba Yesus yeinongwa yomba prapra ya, te ambu wagle Galili yei mambuno bogl mokomugl wingwa ikra ana tau eglke dagl andigl mogltre, ana taragl prapra orkwa i kanmeglkwa.

Kamambuno Wakai Luk Muno Boglkwa 23:55

Ana ambu wagle Yesus bogl akiye Galili yei wingwa ikra Josep bogl pindre, ana nangiye sraglmere ere kombuglo dra mina suna yongwa i kanigwa.

Kamambuno Wakai Luk Muno Boglkwa 8:30

Ana Yesus krapogl tongwa, “Ene kangin irane?” Ye di ikine endungwa, “Na kangina Ami.” Sraglpre, okuna spirit kinde merkinde ende ye mina suna eingwa.

Kamambuno Wakai Jon muno boglkwa 19:25

Yesus endi-prak mina pamara mangigl kaima ambu tau andigl meglkwa, Yesus mam te ye mam ambauglo, ana Maria ye Klopas embiye te Maria Makdala kamun mam.

Aposel 1:14

Ye prapra nomano suwara yei makaisi kamange eremeglko ana Yesus mam Maria yongo te ambu tau ya Yesus angiglma wagle ama akepledi kamange erimara meglkwa.