Kamambuno Wakai Luk Muno Boglkwa 7:47 - Yesus kamo wakai

⁴⁷ Yeglpre ene diteinga, ye tandaglmemo merkinde na kondo teingwa. Yeglpre ye na wakai kaima kangwa. Ba yomba ta tandaglmeno kurita kindekondo teingwa, i wakai kurita kanigwa.”

Kamambuno Wakai Luk Muno Boglkwa 7:47 ပူးပေါင်းရင်းမြစ်များ

Matyu 10:37

“Yomba ta ye nem mo mam pre munduwo kande panan, na wedi pirkran ye na angra morambuka kuno erekrukwa. Te yomba ta wam ya ambuglo pre munduwo kande panan, na wedi piran paikran ye na angra morambuka kuno erekrukwa.

Kamambuno Wakai Luk Muno Boglkwa 7:39

Parisi ikra ambu taragl orkwa i kandre ye yene yegl prukwa, “Yagl i propet kaima ta moran, ambu ye nangiye akungwa i pirkan erambuka te ambu i tandaglme sraglmere orkwa i ye pirkan erambuka.”

Kamambuno Wakai Luk Muno Boglkwa 7:46

Ene olip nuglo kungo ta toindi na bitna mina endekitnga. Ba ambumo i kungo demine orkwa toindi na katna mina endungwa.

Kamambuno Wakai Luk Muno Boglkwa 7:48

Ana Yesus ambumo ditongwa, “Ene tandaglmen prapra na kindekondo teinga.”

Aposel 5:31

God eremogl ye yend mitna pi yene ongo wokra endungo, ye yagl kande mogl te yomba i-ikine endinambuka yagle moglkwa, i ye Israel yomba nomano yake tembi ana tandaglmeno koko ende tenambuka.

Pol pepa muno bogl Rom yomba tongwa 5:20

Te lo ka pandigl ainungo ana yomba lomo i sendingwa mambuno wu pond ongwa. Te tandaglme erikwa mambuno i ama wu pond enambuka. Ba God wakaimo i wu pond kaima pindre ana tandaglme mambuno engre tongwa.

2 Korin 5:14

Kaima, Yesus Krais yomba kanwakai yongwa mambuno i mina no nomano anduglko kongun ounga. Sraglpre, no nomano gigle dungo yegl kanpogl sumga, i yagl suwarata yomba prapra angaino indre goglkwa, te mambuno i mina yomba prapra gogl kondumga mereyegl mounga.

Galesia 5:6

Ana no Yesus Krais mina sidakagl mounga yomba i nangino punduwo beglkwa mo boglkrikwa i kongunmo ta paikrukwa, ba God wedi pirngi dindre yomba ta wakai kaningwa mambuno i taragl kaima.

Efesus 6:24

Yomba Yaglkandeno Yesus Krais pre kanwakai yei tengwa, i aimande aimande pai enambuka. God wakaimo yomba i mina tenan panambuka.

Filipai 1:9

Ene pre na kamange ere teinga i yegl, ene Filipai yomba kanwakai yeingwa mina pirpogl singwa ya nomane wakai ene mina yake wu pond kaima enambuka.

1 Timoti 1:14

Ana Yaglkande Yesus ombugl wakaimo kaima ere narko na ye pre pirngidi ana munduna pangwa.

1 Jon 1:7

Ba ye ambuglange mina moglmere kuno yegl nono ama ambuglange mina suna mouno ana nono yomba tau bogl tapsi mounga, ana ye Wam Yesus bormaimo i nono tandaglmeno prapra koko endungo nono nomano pesi yongwa.

1 Jon 3:18

Nangrima wagle, nono drano mina ya ka dumunara yomba wakai kaniye dikramga ba nono nomano tendre ana taragl kaima tenamga.

1 Jon 4:19

God komnaiye kana nono pre argan ere kanwakai yongwa, ipre nono ama God ya yomba kanwakai yeinamga.

1 Jon 5:3

Nono God pre munduno panan, ye lomo prapra pinande eramga. Ye lomo i wirigl ta paikrukwa.