Kamambuno Wakai Luk Muno Boglkwa 7:13 - Yesus kamo wakai

¹³ Yaglkande ambu i kandre ye miriye pond gogl tendre ana ambumo ditongwa, “Ene kai erekro.”

Kamambuno Wakai Luk Muno Boglkwa 7:13 ပူးပေါင်းရင်းမြစ်များ

Kamambuno wakai Mak muno boglkwa 8:2

“Na yomba i mitno pond goglka. Sraglpre ye na bogl ande enge suwota mogl kondingwa pre ana erme kaiya mokna ninaglkwa ta yeikrukwa.

Kamambuno Wakai Luk Muno Boglkwa 10:1

Enge igle mokomugl Yesus yomba 72 kor dagl pinde indre ana ye suwo suwondi di taun kande ya kembra prapra aglokra yene enagledi prumara igle okuna kana piyo di endungwa.

Kamambuno Wakai Luk Muno Boglkwa 11:1

Ande enge suwarata Yesus dumo bangeta kamange ere moglkwa. Ana ye kamange ere kondungo, yene disaipelmo suwarata Yesus ditongwa, “Yaglkande, no kamange eramunere beke noro. Okuna Jon Baptais disaipelma wagle beke tomere yeglkra.”

Kamambuno Wakai Luk Muno Boglkwa 11:39

Yeglpre, Yaglkande ye ditongwa, “Erme Parisi wagle ene nigl kap ya pletno nangiye tembe nigl endigo winge di yongwa, ba ene mina sunakra nana wedi pirkwa ya nomano kinde kau sungwa.

Kamambuno Wakai Luk Muno Boglkwa 12:42

Ana Yaglkande ka mongo dungwa, “Kongun sugl yomba ira nomano wakai pango kongun pamere orme? Ye yagl kande kongunmo yomba sugl moglo diendinan ana ye kaiya moknano enge pamere yumbusi kongun yomba tau tenambuka.

Kamambuno Wakai Luk Muno Boglkwa 13:15

Ana Yaglkande di ikine ende tongwa, “Ene kakimbi dingwa yomba! Sabat enge ene suwarata buglano kau mo buglano dongi kulano mina kanno poko i menda pi nigl tekrimo?

Kamambuno Wakai Luk Muno Boglkwa 17:5

Aposel wagle di Yaglkande teingwa, “No pirngi dumga etn wu kande enano!”

Kamambuno Wakai Luk Muno Boglkwa 17:6

Yaglkande di ikine endungwa, “Ana ene pirngino kembra mastet mongo mereyegl panan, ene endi noglkun i di tenaglkwa, ‘Ene duglon bogl puro indre ana enene endpi mundi nigl suna bogl paiyo’ dimbi ana ene dimere mere erambuka.

Kamambuno Wakai Luk Muno Boglkwa 18:6

Ana Yaglkande dungwa, “Ene eremogl ka tange teingwa yomba kinde ka dungwa i piryo.

Kamambuno Wakai Luk Muno Boglkwa 19:8

Ba Sakias andigltre, ana di Yaglkande tongwa, “Kano! Yaglkande, erme enge igle na taragl ake-neinga sunawom yumbusi ikine kiuglgiunde yomba tenaglka, ana yomba taratno na kakimbi dite kunogl inga panan ana kuiya 4 pandigl tembe ende te ikine endinaglka.”

Kamambuno Wakai Luk Muno Boglkwa 22:61

Ana Yesus kan akete toro mendigl pandigl Pita kango, ana Pita pir ikine ende Yesus ka yegl ditongwa ikra prukwa, “Erme konduwagle wi sikran, ene enge suwota na ye ta kankrika we dinatnga.”

Kamambuno Wakai Luk Muno Boglkwa 24:3

ana ye ende suna eingwa, ba Yaglkande Yesus nangiye briye pango kankrikwa.

Kamambuno Wakai Luk Muno Boglkwa 24:34

ana dingwa, “I kaima! Yaglkande andigl ukor pindre, ana Saimon Pita moglmara wu nongugl pi tongwa.”

Kamambuno Wakai Luk Muno Boglkwa 7:12

Yesus taun togl dra yomara mangigl ungo, yomba goglkwa ta kake i menda wingwa. Yagl goglkwa i ambu ta wam suwara kaima, ye mam ambu werai. Ana taun suna i yomba mere ambumo i bogl akiye meglkwa.

Kamambuno Wakai Luk Muno Boglkwa 7:14

Ana Yesus ende mangigl pindre, yomba goglkwa suna pandiglkwa endimo bokis i akungo ana yomba kake i wingwa prapra andigl diglkindi meglko ana Yesus dungwa, “Yagl gakmugl, na ene diteinga, andiglo.”

Kamambuno Wakai Luk Muno Boglkwa 7:19

Ana ye suwo pi Yaglkande moglmara kra yegl porambrika pre diendungwa, “Yomba ta unambe dingwa ikra ene uno mo manan no yomba ta unambuka pre suglmo moramno?”

Kamambuno Wakai Luk Muno Boglkwa 8:52

Ana yomba prapra igle meglkwa ye ambai pre kaimo ere kai giglange si meglko, ana Yesus dungwa, “Kai erekriyo, ambai goglkrukwa ye ugl keunde pangwa.”

Kamambuno Wakai Jon muno boglkwa 11:2

Ambumo Maria i angigle Lasarus kinde sungo pangwa, ambumo suwara i kungo demine orkwa toindi Yaglkande kagle mina endindre, ana bre yungo pagl ye kagle mina koko endungwa.

Kamambuno Wakai Jon muno boglkwa 11:3

Ana Maria ya Marta ka-singiye yegl di Yesus moglmara endimbrika, “Yaglkande, ene wakai kanga yagle ikra kinde sungwa.”

Kamambuno Wakai Jon muno boglkwa 20:13

Ye krapogl Maria tembrika, “Ambu ya, ene sragl orko pre kai etne?” Maria di ikine endungwa, “Na Yaglkandena yend korugl eingwa, ana ye ipi aglokra pandiglkwa i na kankrika!”

Kamambuno Wakai Jon muno boglkwa 20:15

Ana Yesus krapogl Maria tongwa, “Ambu ya, ene sraglpre kai eremotne? Ene ira pre dokune?” Ana Maria prukwa yagl i kongun ereyaglkwa yagl ta moglmedi pre, ye ka yegl dungwa, “Yagl kande, ene eremogl ye yend bangeta emin, ana ye ipi yenara dumo i dinatn ana na pi inaglka.”

Kamambuno Wakai Jon muno boglkwa 4:1

Parisi wagle yegl pirkwa: Yesus kongun ere ende okuna pindre disaipel mere baptais erete ana Jon orkwa i engrukwa.

Kamambuno Wakai Jon muno boglkwa 6:23

Ana okuwo bot tau, Tiberias yei ende wu Yesus ye bret diwakai yei tongo yomba neimara igle kra magl wingwa.

1 Korin 7:30

Te yomba kai erikwa ana ye kai erekrikwa mereyegl moraglmiwo. Yomba gun yeingwa ana ye gun yeikrikwa mereyegl moraglmiwo. Te ye taragl topo ere ingwa ana ye taragl ake-nekrikwa mereyegl moraglmiwo.

1 Tesalonaika 4:13

Ba angrima wagle, no nomano yegl pangwa pirngi dingwa yomba geglkwa ye pre ene nomano pir aglau maglau erekriyo. Te yomba God wedi pirngi dikrikwa ye kai kaglkane erimere yegl ene erekriyo.

Hibru 2:17

Ana taragl yegl kanekane erambuka i mina ye angiglma wagle meglmere yegl kaima kuno ere morambuka. Yegl ere yene pris kande mogl yomba mitno gogl tendre, te God kamo prapra duglo bogl kongunmo orko ana God eremogl yomba prapra tandaglmeno koko ende tongwa.

Hibru 4:15

Nono prisno kande moglkwa i nono tandaglme mina yange sumun, ana ye nono ta kinde kondokrambuka, taman, nono mitno gorambuka. Sraglpre, ye tandaglme kanekane mina yange sinambedi pre bagl nusingwa ba ye tandaglme ta erekrukwa.