Kamambuno Wakai Luk Muno Boglkwa 6:3 - Yesus kamo wakai

³ Yesus di ikine ende tongwa, “Devit yombama bogl kindan gogltre ana sragl erikwa i ene kere kankrimo?

Kamambuno Wakai Luk Muno Boglkwa 6:3 ပူးပေါင်းရင်းမြစ်များ

Matyu 19:4

Ana Yesus di ikine endungwa, “Ene God kamo pepa mina pangwa i ene pirkrim kana? Okuna imbo God taragl prapra ereyendre ana yomba yagl ya ambu akiye beke yongwa.

Matyu 21:16

Ana ye krapogl Yesus teingwa, “Ene gak kembra ka dingwa i pitno?” Ana Yesus yegl di ikine ende tongwa, “Owo, ene kamambuno pepa mina pangwa i kerekrimo? “‘Gak kembra ya, kuglambu ye drano mina ene dembin si tenaglkwa.’”

Matyu 21:42

Yesus ditongwa, “Ene kamambuno mina ka suna okuna beglko pangwa i kere pirkrimo? “‘Yungu keingwa yomba kombuglo i kinde yomedi plendi menda endingwa, ba kombuglo i yungu uglomugl kauglange giglendi pangwa, i Yaglkande ye yene orkwa. Ana taragl i no ongumutno mina wakai kaima pango kamga.’

Matyu 22:31

Ana yomba geglkwa andigl ukor enaglkwa i God ka ene ditongwa ikra kere pirkrimo? God dungwa,

Matyu 4:2

Igle Yesus ermine 40 ya te enduwer 40 kaiya mawagl ere nekre mogl kindan goglkwa.

Kamambuno wakai Mak muno boglkwa 12:10

Kaima ene kamambuno okuna muno beglkwa i kerekrimo? “‘Kamda wagle kombuglo kinde wedi egla pagl menda endingwa, ba kombuglomo i giglendi kauglange sunawom pangwa.

Kamambuno wakai Mak muno boglkwa 12:26

Ba yomba geglkwa andraglkwa ene Moses pepamo mina suna kerekrimo? Okuna imbo endi mina suna donga dongwa i God ye pre ka sraglmere ditongwa, ‘Na Abraham Godmo mogl, Aisak Godmo mogl, ana Jekop Godmo moglka.’