Kamambuno Wakai Luk Muno Boglkwa 6:12 - Yesus kamo wakai

¹² Enge igle mina ande enge suwarata Yesus kamange eragledi pre ende kamun muglo ta ongwa. Ana igle enduwer enge mundu kamange ere God tongwa.

Kamambuno Wakai Luk Muno Boglkwa 6:12 ပူးပေါင်းရင်းမြစ်များ

Matyu 5:1

Yomba merkinde wingo Yesus kandre ye endpi kamun muglo ta amedungwa. Te disaipelma wagle ye moglmara wingo.

Matyu 6:6

Ba ene kamange eragledi piratnga enge, ene ende kiule panara pi yungu dra yongugl pandigl ana Neno teke moglkwa ye kamange ere tenatnga. Ana ene Neno taragl teke pangwa pirkan orkwa nem, ye pra ene topo te ikine endinambuka.

Kamambuno wakai Mak muno boglkwa 1:35

Kamun kor tange akemim ere pango, Yesus andigl yungu i kondo ende menda pi ana dumo wau yomara igle ye kamange orkwa.

Kamambuno wakai Mak muno boglkwa 3:13

Yesus kamun muglo ta pindre ana ye yomba tau pinde inagledi prukwa i agle dungo ana ye moglmara wingwa.

Kamambuno wakai Mak muno boglkwa 6:46

Ana yomba diende, okuwo Yesus kamange era pre ende makan meglmbe akete ongwa.

Kamambuno Wakai Luk Muno Boglkwa 5:16

Ba Yesus enge mere ende dumo waule yomba moglkrimara pindre ana igle ye kamange ere-ere orkwa.

Kamambuno Wakai Luk Muno Boglkwa 6:11

Ba ye deno kumbruko ana mambuno bogl ka ye yene mina di imboriya ende ana ye Yesus sragl ere tenamne dingwa.

Kamambuno Wakai Luk Muno Boglkwa 6:17

Yesus eremogl aposelmo bogl kamun muglo kondo ende atne undre, angai anduno ta yomara igle ye disaipelma wagle merkinde kaima akiye andigl meglkwa. Ana yomba pond kaima ye Judia kamun nem ya Jerusalem ya ana mundi nigle bina Taia ya Saidon yomba prapra akiye igle meglkwa.

Kamambuno Wakai Luk Muno Boglkwa 9:18

Enge suwarata Yesus yene mundu mogltre kamange ere moglko, disaipelma wagle ye moglmara wingo ana ye krapogl tongwa, “Yomba merkinde ye na pre ira we dime?”

Kamambuno Wakai Luk Muno Boglkwa 9:28

Yesus ka i dungwa ande enge 8 dundungo, ye kamange era pre Pita ya Jon te Jems auro yungo ana kamun muglo ta ende egli eingwa.

Kamambuno Wakai Luk Muno Boglkwa 9:29

Igle Yesus kamange eremoglko, ye gumadra i-yakete wu kaneta ongo, ana ye gaglmo kamun pogl dungwa mereyegl ambuglangesi kruwo kaima ongwa.

Kamambuno Wakai Jon muno boglkwa 6:3

Ana Yesus ende egli kamun muglo ta ongwa. Ana igle yene disaipelma wagle bogl akiye amedi meglkwa.

Kolosi 4:2

Ene kamange erikwa mambuno i kondokre ake gidi moraglkwa, te kamange eraglkwa enge ene pirpogl sindre ana God diwakai yei tenaglkwa.

Hibru 5:7

Ana Yesus makandle kor wanmoglkwa enge i ye kamange ere kaglkane indre kai ere ana yana di God tongwa, te i ye gorambuka enge i Yaglkande God akeple dinarambedi pre yegl orkwa. Sraglpre Yesus mambuno wakai ormara ipre God pir tongwa.