Kamambuno Wakai Luk Muno Boglkwa 4:4 - Yesus kamo wakai

⁴ Yesus yegl di ikine endungwa, “Kamambuno pepa mina muno beglko pangwa, ‘Yomba bret keunde ta nendre kor aimande moglkraglkwa.’”

Kamambuno Wakai Luk Muno Boglkwa 4:4 ပူးပေါင်းရင်းမြစ်များ

Matyu 4:4

Ba embi Yesus yegl di ikine endungwa, “Kamambuno pepa mina muno beglkwa pangwa, ‘Yomba bret keunde ta nendre kor aimande moglkraglkwa. God dra mina ka prapra ungwa i engenge pir sikasi moglpai eraglkwa.’”

Matyu 6:31

Ipre ene pirngidi yegl dikraglkwa, ‘Sragl taragl i-ne moglpai eramne, mo sragl taragl were i-wanamune?’

Kamambuno Wakai Luk Muno Boglkwa 22:35

Ana Yesus disaipelma wagle krapogl tongwa, “Na ene dimenda endinga enge i moni paus ya gagl kamban ya te katno towo ta ikre yoko engura. Ene taragl ta dokindu no?” Ye di ikine endingwa, “Tamangra.”

Kamambuno Wakai Luk Muno Boglkwa 4:10

Kamambuno pepa mina yegl muno beglko pangwa, “‘God ene pre ere angelomo wagle yegl eriyo di endinan, ana wakai ere ene kan sugl moraglkwa.

Kamambuno Wakai Luk Muno Boglkwa 4:3

Ana Satan di Yesus tongwa, “Ene God Wam motn kade kombuglo i dimin yakete wu bret enano.”

Kamambuno Wakai Luk Muno Boglkwa 4:8

Yesus di ikine endungwa, “Kamambuno pepa muno yegl beglko pangwa, ‘Yaglkande ene Godnen suwara dembiye karaugl ere tendre ana ye suwara kongunmo eratnga.’”

Efesus 6:17

God ene ere-yungwa i gagl pugla gigle dungwa endimere yegl panan, te Spirit dikumba prakmo inaglkwa, i God kamo yongwa.