Kamambuno Wakai Luk Muno Boglkwa 3:22 - Yesus kamo wakai

²² Holi Spirit kua yumugl mereyegl ende atne ye moglmara ungwa. Ana heven imbo ka ta yegl dungwa, “Ene nana Wana, na ene wakai kandre nomana wakai ene teinga.”

Kamambuno Wakai Luk Muno Boglkwa 3:22 ပူးပေါင်းရင်းမြစ်များ

Matyu 12:18

“Kaniyo, i na konguna yomba, na ye morambedi pinde i kondiga. Ye pre suwara munduna pangwa, te ye wakai kaninga. Nana Spiritna di ye mina endinaglka, ana ye yomba makan koglkoglo mambuno du-wakai eraglmedi pre, dipendigl ende tenambuka.

Matyu 17:5

Pita ka yegl di moglko ana kamun kua kruwo oglandi wu ye were kondungo, ana kamun kua mitna sunakra ka ta yegl dungwa, “Iwe na Wana, na ye wakai kandre gun yeiteinga. Ene ye kamo piryo!”

Matyu 27:43

Ye eremogl God pirngi dindre yegl dungwa, ‘Na God Wam mole,’ dungwa, ana erme God akeple dinan nono kanamna.”

Matyu 3:13

Enge igle Yesus Galili kamun kondo Jon baptais ere narambedi pre ende Jodan Nigle ongwa.

Matyu 3:16

Yesus baptais erekondo oglandi, nigle ende egli undre ende menda ungo. Ana enge i keunde kamun mitna audungo, ye kango God Spiritmo kua yumugl mereyegl ende atne undre ye moglmara egli moglkwa.

Matyu 3:17

Ana heven imbo ka ta yegl dungwa, “I na Wana, na ye wakai kandre nomana wakai teinga.”

Kamambuno wakai Mak muno boglkwa 1:11

Ana heven imbo ka ta yegl dungwa, “Ene na Wana, na ene wakai kandre nomana wakai ene teinga.”

Kamambuno wakai Mak muno boglkwa 1:9

Ana enge igle Yesus Nasaret kamun Galili dumo kindekondo ende ungo ana Jon eremogl Jodan Nigle suna ye baptais eretongwa.

Kamambuno wakai Mak muno boglkwa 9:7

Ana kamun kuakawa ta plau dindre, ana ye prapra were isuna ende si yokungo ana ka ta kamun kua mina igle menda ungwa, “I na Wana, ye na wakai kaninga, ye kamo piryo.”

Kamambuno Wakai Luk Muno Boglkwa 2:14

“God dembiyesi mitna imbo kaima heven endiyo, Ana makandle yomba deno munduno pokndi yenano, God yomba kan wakai yeitongwa konbo i-pene endungwa.”

Kamambuno Wakai Luk Muno Boglkwa 4:21

Ana Yesus yegl ditongwa, “Erme kamambuno kerika pirkwa i okuna muno beglko pangura i kaima paiyungwa.”

Kamambuno Wakai Jon muno boglkwa 1:32

Ana Jon yene mambunomo dipene ende tongwa, “Na kaninga Holi Spirit kua yumugl mereyegl heven imbo ende atne undre ye mina moglkwa.

Kamambuno Wakai Jon muno boglkwa 12:28

Nina, ene etn kangin kande wu pene enano.” Ana okuwo heven imbo ka ta dungwa, “Na kangina ere i-kande ende kondiga, te kordagl ere i-kande endinaglka.”

Kamambuno Wakai Jon muno boglkwa 5:37

te Nina ye na diendungo winga, na mina ye yene ka dinongugl endungwa. Ana ene ye nungo embriye ta pirkre te ye gumadra ta kankrikwa.

Aposel 10:38

Te Yesus Krais Nasaret kamun nem, God eremogl ye pinde indre ana Holi Spirit ya yombuglomo kande toindi ye mina endungwa. Ana Juda makan ye wan winambodi kongun wakai ere ana Satan yomba erekinde eretongo meglkwa i ye erewakai eretongwa. Sraglpre, God ye bogl moglkwa pre sragl yegl orkwa.

Kolosi 1:13

Kaima, Satan yombuglomo ya mim deglmbi mina God nono ere-indre ana auro ipi yene Wam kanwakai yongwa kingdomo mina igle suna endungwa,

1 Pita 2:4

Ene ende Yaglkande mina wiyo. Ye kombuglo mereyegl kor-moglkwa. Yomba komnaiye kana ye kombuglo kinde wedi plendi menda endingwa. Ba God pinde i-pere ende kondindre ana kombuglo i wakai kaima we dungwa.