Kamambuno Wakai Luk Muno Boglkwa 22:53 - Yesus kamo wakai

⁵³ Na ande engenge God holi yungumo togl suna ene bogl akiye moungra, ana ene onguno ta na nangina akekrikura. Ba ande kuiya erme i ene engeno yongo te mim yombuglomo wu pond pi yombuglo orkwa.”

Kamambuno Wakai Luk Muno Boglkwa 22:53 ပူးပေါင်းရင်းမြစ်များ

Matyu 21:23

Yesus ende ikine God holi yungumo mina suna undre, ana ka bekete moglko, pris kande wagle ya te Israel mina ende okuna eingwa yomba kande tau ye moglmara wu krapeglkwa, “Ene sragl mina yombuglo gigledi indre kongun i etne? Ene kongun yegl ira ero ditome?”

Kamambuno Wakai Luk Muno Boglkwa 22:52

Ana Yesus pre pris kande wagle ya God holi yungumo sugl meglkwa ya te yomba mina ende okuna eingwa ye inamunedi wingo, ana ye ditongwa, “Ene pirkwa na kunda gogl koglkwa yomba ta moglmedi pre, ene dikumba prak ya kumba indre wimo?

Kamambuno Wakai Luk Muno Boglkwa 22:54

Ana Yesus sikane sindre auro yend pris kande yungumugl eingwa. Ana Pita eremogl Yesus omara tau eglke dagl ongwa.

Kamambuno Wakai Jon muno boglkwa 12:27

“Erme na nomana yumbun dongwa ana na sragl we dinagle? Nina, ene akepledi naro, yumbun i na mina ukrano? Taman, yumbun ipre na winga, yeglpre yumbun unambuka enge i pra na inaglka.

Kamambuno Wakai Jon muno boglkwa 13:30

Judas bret indre ana onglandi ende menda ongwa. Ana dumo mim ere kondungwa.

Kamambuno Wakai Jon muno boglkwa 14:30

Na ene bogl ka denbi wakane ta dikraglka. Sraglpre, makandle sugl moglka king i erme ungwa. Ba ye yombuglomo ta panan kade na engre atne endekrambuka.

Kamambuno Wakai Jon muno boglkwa 7:30

Dungwa ipre yomba ye sikane sinamnedi erikwa, ba Yesus engemo magl ukrukwa. Yeglpre, yomba ta Yesus nangiye akekrikwa.

Kamambuno Wakai Jon muno boglkwa 7:45

Ana okuwo kimbirnem ende ikine pi pris kande wagle ya te Parisi wagle meglmara eingo, ana ye krapeglkwa, “Ene sragl orko ye auro isuna ya ukrime?”

Aposel 26:18

ene pi ye ongumutno ake pinedi temin ana ye mim mina kondo ende ambuglange mina unaglkwa. Te Satan yombuglomo mina mokono tendre ende God mina unaglkwa. Yegl ere pirngi dimbi tandaglmeno koko endindre i holi endimbo ana God pinde yungwa yomba meglmara igle ye ama pi moraglkwa.’

Efesus 6:12

Te nono yegl ounga i yomba nangino ya bormai pangwa i kunda bogl tena pre erekunga, ba ye yombano kande prapra ya, ye sugl moglmara i prapra ya te ye mim yombuglomo kande prapra makan mina dumo yongwa i ya te spirit kinde ake nusi heven mina wu ikine ikine engwa i mundu yene kunda bogl tenapre ounga.

Kolosi 1:13

Kaima, Satan yombuglomo ya mim deglmbi mina God nono ere-indre ana auro ipi yene Wam kanwakai yongwa kingdomo mina igle suna endungwa,