Kamambuno Wakai Luk Muno Boglkwa 2:51 - Yesus kamo wakai

⁵¹ Ana Yesus nem ya mam bogl akiye ende ikine Nasaret eingwa. Igle ye nem ya mam kanno pinande orkwa. Ba yene mam ka i prapra i nomano suna ende pir moglkwa.

Kamambuno Wakai Luk Muno Boglkwa 2:51 ပူးပေါင်းရင်းမြစ်များ

Matyu 12:46

Yesus yomba ka dite moglko, mam ya angiglma wagle ye wu mendakra andigl mogl, ka ditenamnedi pre sugl mogl krapeglkwa.

Matyu 3:15

Ana Yesus ka yegl di ikine ende tongwa, “Yegl manga, erme na dimere yeglmere ero. Embriye du-yene yegl mina nono pra God munduwo pamere yegl ouglo kade kuno erambuka.” Ana Jon eremogl Yesus dumere orkwa.

Kamambuno wakai Mak muno boglkwa 1:9

Ana enge igle Yesus Nasaret kamun Galili dumo kindekondo ende ungo ana Jon eremogl Jodan Nigle suna ye baptais eretongwa.

Kamambuno wakai Mak muno boglkwa 6:3

Ye kamda moglkrum kana? Ye Maria wam moglkrum kana, te ye angiglma Jems, Josep, Judas te Saimon moglkrim kana? Ana ye ambaglma nono bogl akiye moglkuno?” Ana ye ka yegl dindre deno kumbro teingwa.

Kamambuno Wakai Luk Muno Boglkwa 18:37

Ana yomba eremogl ye ditengwa, “Yesus Nasaret nem mangigl ende wongwa ya.”

Kamambuno Wakai Luk Muno Boglkwa 2:19

Ba Maria ka i prapra pirtre ana i pir nomane mina suna kra ende moglkwa.

Kamambuno Wakai Luk Muno Boglkwa 2:39

Enge igle Josep ya Maria Yaglkande lomo dungo pamere okuna kana taragl prapra ere kondo ye ende ikine Galili taun ye yene kamuno Nasaret eingwa.

Kamambuno Wakai Luk Muno Boglkwa 4:16

Yesus ende Nasaret ongwa, igle ye mogl yakumara dumo. Ana Sabat enge ye ende makai yungu yungugl pipi ormere mere ertre ana ye God kamo kera pre anduglkwa.

Kamambuno Wakai Luk Muno Boglkwa 4:23

Yesus di ye tongwa, “Na pirka ene na pre kaima ka yegl dinaglkwa, ‘Dokta, enene kinden erewakai ero! No punga ene Kaperneam kamun suna etnere ikra mere kuno yegl ama enene kamun kande mangigl igle ero dinaglkwa.’”

Efesus 5:21

Ana ene eremogl Yesus Krais wedi pirtre ye mina tengete meglkwa yeglmere enene mina suwara suwarandi yegl ertre ana mogl-atne ende moraglkwa.

1 Pita 2:21

Sraglpre, ene mambuno yegl eraglmedi pre God ene agle di yungwa. Yesus Krais ene akeple dina pre giu goglkwa. Ye mambunomo i ene sika sinaglkwa pre yegl ombuno dungwa. Kamo muno bogl pandiglkwa: