Kamambuno Wakai Luk Muno Boglkwa 2:11 - Yesus kamo wakai

¹¹ Erme Devit taunmo suna yomba ere-inambuka yagle ene pre kugl yongwa. Ye Krais, Yaglkande.

Kamambuno Wakai Luk Muno Boglkwa 2:11 ပူးပေါင်းရင်းမြစ်များ

Matyu 1:16

te Jekop ye wam Josep. Ana Josep ye Maria wiye moglkwa. Te Maria Yesus kugl yongwa, ye kangiye Krais we dingwa.

Matyu 1:21

Ye yagl gak ta kurambuka, ene kangiye Yesus we dinatnga. Sraglpre, ye yombama tandaglmeno koko ende te, ye ere-inambuka.”

Matyu 16:16

Saimon Pita yegl di ikine endungwa, “Ene Krais, God kor aimande moglkwa Wam.”

Matyu 16:20

Ana Yesus yene disaipelma wagle ditendre yene pre Mesaia moglmedi, yomba ta ditekriyo di mane dungwa.

Kamambuno Wakai Luk Muno Boglkwa 1:43

Sraglpre taragl kande i na mina plau dinambuka pre, ana Yaglkandena mam wu na kanme?

Kamambuno Wakai Luk Muno Boglkwa 1:69

Ye kongunmo yomba Devit yungumo ombuno mina. Yaglkande giglekui dungwa ta, Ye nono ere-inambuka pre i-pene endungwa.

Kamambuno Wakai Luk Muno Boglkwa 2:26

Ana Holi Spirit okuna kana ye ombunodi te kondungwa. Ye ta goglkre mogl pi God Yaglkande yomba ikine endinambe dungwa ikra kanambuka.

Kamambuno Wakai Luk Muno Boglkwa 2:4

Yeglpre Josep ama Nasaret taun Galili kamun kondo, ende, ana Judia kamun kande King Devit taunmo Betlehem suna ongwa. Sraglpre, Josep ye Devit gawamo ta moglkwa.

Kamambuno Wakai Jon muno boglkwa 1:41

Ana komnaiye Andru ta orkwa i, ye angigle Saimon doko kan indre ana ditongwa, “No Mesaia kan imbuglka.” (I mambuno Krais we dingwa.)

Kamambuno Wakai Jon muno boglkwa 1:45

Pilip eremogl Nataniel kandre yegl ditongwa, “Yomba ta pre Moses lo mina pepa muno boglko te propet wagle ye pre ama pepa beglko pangwa ikra no kan yumga. I Yesus ye Josep wam. Nasaret kamun nem.”

Kamambuno Wakai Jon muno boglkwa 11:27

Marta di ikine endungwa, “Owo, Yaglkande. Kaima na pirngi dinga. Ene Mesaia, God Wam. Ene ende makandle unatne dingura.”

Kamambuno Wakai Jon muno boglkwa 20:31

Ana ka ya te kongun tau orkwa i na boglka pangwa, i ene pirngi dinaglkwa. Yesus ye Mesaia, God Wam moglkwa. Ana ye wedi ene pirngi dimbi ana ye kangiye mina, kor aimande moraglkwa i inaglkwa.

Kamambuno Wakai Jon muno boglkwa 4:25

Ana ambumo yegl dungwa, “Na pirka Mesaia kangiye ta Krais we dingwa i unambuka, ana ye unambuka enge taragl prapra dipene ende norambuka.”

Kamambuno Wakai Jon muno boglkwa 4:42

Ana ye ambu i diteingwa, “Ene ka dinotnga i pre erme no ta pirngi dikunga, sraglpre erme nono ye dra mina dungo punga i pre, no pirkan ounga. Yagle i kaima yene dumo koglkoglo yomba prapra ikine endinambuka.”

Kamambuno Wakai Jon muno boglkwa 6:69

Ana no etne pirngi dumga, te pirkan ounga i ene Suwara Holi mogltre, God mina unga.”

Kamambuno Wakai Jon muno boglkwa 7:41

Te tau ye Krais moglme dingwa. Ba tau ama krapeglkwa, “Galili kamun igle Krais sraglmere unambe?”

Aposel 10:36

God ka di Israel yomba no mina endungwa i ene pirkwa, ana nomano pokndi yenambuka pre kamambuno wakai Yesus Krais mina dingwa. I ye yomba prapra Yaglkandeno moglkwa.

Aposel 13:23

“Ana Devit gawamo mina God eremogl yomba ere-inambuka yagle Yesus i-pene ende Israel yomba tongwa, i okuna ye ka dipanduglmere orkwa.

Aposel 17:3

Ana Mesaia giu gogltre, gogl te andrambuka i kamo pepa mina pango, ye yomba ditendre, dipogl site, ana ye ama yegl dungwa, “Yaglmo Yesus i erme na dipene ende ene teinga, ye Mesaia moglkwa.”

Aposel 2:36

“Yeglpre, ene Israel yomba prapra piryo, yaglmo Yesus ene ipi endi-prak mina sigeglkwa ikra, God erme ere endungo ye Yaglkande ya Mesaia akiye moglkwa!”

Aposel 5:31

God eremogl ye yend mitna pi yene ongo wokra endungo, ye yagl kande mogl te yomba i-ikine endinambuka yagle moglkwa, i ye Israel yomba nomano yake tembi ana tandaglmeno koko ende tenambuka.

1 Korin 15:47

Adam komnaiye ungwa i ye makan gamba yomba moglkwa. Sraglpre, God ye makan kungane indre beke yongwa. Te Adam okuwo ungwa i ye heven yomba moglkwa.

Filipai 2:11

Ana yomba prapra drano mina yegl dinongugl endinaglkwa, “Yesus Krais ye Yaglkande moglkwa” ana mambuno yegl mina Neno Kande God kangiye ake mitna kaima endinaglkwa.

Filipai 3:8

Na Juda yomba taratno i keunde pre ta dikrika. Na Yaglkande Yesus Krais pre pirkan eraglka i na nomana pond kaima pangwa, te makandle taragl wakai kanekane i kinde kondiga. Krais pre ere taragl i prapra pirka wu taragl yoko ongwa, ipre na Yesus kamo sika sindre akegidi moglka.

Kolosi 2:6

Ene eremogl Yesus Krais Yaglkandeno mereyegl ingwa, ipre erme ene ye mina aimande moglpai moraglkwa,

1 Jon 4:14

Te Neno Kande Wam makan yomba i-ikine endinambedi pre diendungo ungwa i no kandre ana ye kamo dipene endumga.

1 Jon 5:1

Yomba ye Yesus pre Mesaia moglmedi pirngi dingwa, ye God nangiglma meglkwa. Yomba ta eremogl neno pre munduno panan, ana ye nangiglma pre akiye munduno pangwa.