Kamambuno Wakai Luk Muno Boglkwa 16:8 - Yesus kamo wakai

⁸ “Taragl nemyagl eremogl kongun sugl yomba guagua orkwa ikra dembiye sungwa. Sraglpre, ye taragl orkwa i yomba nomano wakai pangwa mereyegl. Ana makan yomba koglkoglo pirpogl sindre nomano wakai pangwa mere kongun kanekane ere yomba tendre, ana yomba du-wakai ambuglange mina meglkwa i engrikwa.

Kamambuno Wakai Luk Muno Boglkwa 16:8 ပူးပေါင်းရင်းမြစ်များ

Matyu 12:32

Yomba ta eremogl Yomba Wam dikinde yenambuka, ye tandaglmemo God koko ende tenambuka. Ba yomba ta ye Holi Spirit kenaglmo sinambuka, ye tandaglmeno kinde i etne ya te okuwo imbo, ama akiye ta koko ende tekrambuka.”

Matyu 17:26

Pita di ikine endungwa, “Yomba yongugl mina ingwa.” Ana Yesus ditongwa, “Yegl eran, ye yene makan nem mina takis tekraglkwa pai dungwa.

Kamambuno Wakai Luk Muno Boglkwa 16:10

“Yomba ta taragl kembra mina bonma ere sugl wakai morambuka, ye taragl merkinde akiye bonma ere sugl wakai morambuka, te yomba ta taragl kembra mina bonma erekre sugl wakai moglkran, ye taragl kande ama bonma erekre sugl wakai moglkrambuka.

Kamambuno Wakai Luk Muno Boglkwa 16:4

Na erme sragl eraglmere i pirka, na konguna i yagl kande na sendinan, ana yomba yungu kei panaglmara na di yungugl endinaglkwa.’

Kamambuno Wakai Luk Muno Boglkwa 16:7

“Ana mokomugl ungwa yagle ikra krapogl prukwa, ‘Ene kur sramuna inendi?’ “Ye di ikine endungwa, ‘Plawa bek 1,000.’ “Ana ye ditongwa, ‘Kur inga pepa indre bogl i 800 endo.’

Kamambuno Wakai Luk Muno Boglkwa 18:6

Ana Yaglkande dungwa, “Ene eremogl ka tange teingwa yomba kinde ka dungwa i piryo.

Kamambuno Wakai Luk Muno Boglkwa 20:34

Yesus di ikine endungwa, “Ene erme yagl ambu bogl ingwa.

Kamambuno Wakai Luk Muno Boglkwa 20:35

Ba yagl ambu andigl ukor pindre, ana okuwo kor-moraglkwa enge yagl ambu ta bogl ikraglkwa.

Kamambuno Wakai Jon muno boglkwa 12:36

Ken ambuglange i ene mina yongwa pre i ene pirngi diyo, yegl erimbi ana ene ken ambuglange yombama moraglkwa.” Yesus ka yegl dikondo okuwo ye ende pindre, ana yomba ye kan dinaglmedi teke pangwa.

1 Korin 3:18

Aglau eran enene kakimbi di i-dinaglmiwo. Ana ene mina suna i yomba ta yene eremogl enge erme mambuno kanekane i duglo bogl ana nomana pai pogl sumedi piran, ye wu nomano pai pogl sikrukwa du mereyegl enambuka. Te yomba ta na nomana pai pogl sikrumedi pirambuka, ye nomane pai pogl sungwa.

Efesus 5:8

Okuna ene mim mina wanmeglkwa, ba erme Yaglkande ambuglangemo mina ene suna meglkwa. Ana erme ene ambuglange yombama mereyegl wanmoraglkwa.

Filipai 3:19

Sraglpre, yombamo i nangino taragl pirkwa mitna orko te taraglmo i God mereyegl nomano mina suna pangwa, ipre makan taragl pre engenge poglodi pirtre ana mambuno kinde teke pangwa eraglkwa ipre gun yeingwa ana yombamo i prapra wau bogl guglo kamun enaglkwa.

1 Tesalonaika 5:5

Ene prapra ermine ya ambuglange yombama meglkwa. Te nono enduwer ya mim pond yombama ta moglkunga.

1 Pita 2:9

Ba God ene pinde i-kondungo ene ye yombama meglkwa. Ene king pris mogltre ana yungu ombunomo holi meglkwa. Te ene ama God yombama kaima yene meglkwa. Ene mim ormara meglko ana ye aglendi yend menda wu yene ambuglange wakai mina suna endungo meglkwa. Yeglpre God mambunomo wakai i ene dembiye si tenaglkwa.

1 Jon 3:10

Ana God nangiglma ya te Satan nangiglma meglkwa i kanpogl sinamnedi pun kade ana mambuno yegl mina kanamga: Yomba mambuno du-pamere erekre te angigle ta kanwakai yeikran, ana ye God yombamo kaima ta moglkrukwa.