Kamambuno Wakai Luk Muno Boglkwa 13:4 - Yesus kamo wakai

⁴ Mo Siloam kamun suna yungu oltokuri kei aine ende mitna imbo eingwa ana bukondi yange yomba 18 sindakaglko geglkwa. I ene pirmbi ye aglau pond ere Jerusalem yomba tau meglkwa i prapra engrimo?

Kamambuno Wakai Luk Muno Boglkwa 13:4 ပူးပေါင်းရင်းမြစ်များ

Matyu 18:24

King mambuno bogl moni kur tongo ingwa yomba nare ikine endinaglmedi akekun orkwa enge, ana yagl ta K10,000 yungwa yaglmo ye auro i king moglmara eingwa.

Matyu 6:12

No tandaglmeno kinde kondo noro, no yomba tau ye kinde ere norikwa i kindekondo tenamga.

Kamambuno Wakai Luk Muno Boglkwa 11:4

No tandaglmeno kinde kondo noro, yeglmere yomba aglau erenorkwa i ama kinde kondo tomga. Ana bagl nusi mina no auro i suna pikro.’”

Kamambuno Wakai Luk Muno Boglkwa 13:3

Tamanga, na ene diteinga, tandaglme kindekondo nomano yake tekrimbi, ene akiye prapra ye geglmere yeglmere goraglkwa.

Kamambuno Wakai Luk Muno Boglkwa 13:5

Tamanga. Na ene diteinga, tandaglmeno kindekondo nomano yake tekrimbi, ene prapra ama ye geglmere yegl goraglkwa.”

Kamambuno Wakai Jon muno boglkwa 9:11

Ye di ikine endungwa, “Yagl ta kangiye Yesus we dingwa, ye gamba tau ere i buglkwa endindre ana ongumutna koglkoglo ake nare ana pi Siloam Niglmong paiyo dungo, ana na ende pi nigl paingo, ana ongumutna pinedungo kanpogl singa.”

Kamambuno Wakai Jon muno boglkwa 9:7

ana ditongwa, “Ene ende Siloam Niglmong pindre guman dran nigl koglo.” Siloam mambunomo yegl, ‘Diendungwa.’ Yegl dungo ana yagl ikra pi nigl pango ana ye ongumuglo pinedungo kanpogl sindre ana ende ikine yungumugl ongwa.

Aposel 28:4

Ana ailan igle yomba kandre ye yene yegl dingwa, “Yagl i kaima yomba sigogl-gogl orkwa yagle, ye nigle suna teke ende menda ungwa ba god yomba mambuno erimere ere-ikine ende tongwa yagle eremogl Pol kor-moglkrambe diprukwa.”