Kamambuno Wakai Luk Muno Boglkwa 11:9 - Yesus kamo wakai

⁹ “Yeglpre na ene diteinga, krapotn ana God ene tenambuka, dokun ana ene kanatnga. Sigiu dimin ana yungu dra yauro ende tenambuka.

Kamambuno Wakai Luk Muno Boglkwa 11:9 ပူးပေါင်းရင်းမြစ်များ

Matyu 21:22

Ene pirngi dindre kamange erimbi ana taragl ta inamunedi kraporaglkwa i pra inaglkwa.”

Matyu 21:31

“Gakmo suwo i, ira nem dumere orme?” Ye dingwa, “Gak komuno.” Ana Yesus ye ditongwa, “Na kaima ene diteinga, takis ingwa ya te nangino kunogl gundingwa yomba ye ene ake okuwo ende, ye okuna kana ende God kingdomo mina suna eingwa.

Matyu 6:29

Ana ipre ene diteimbo. Okuna King Solomon ye ekin nogl gagl wangwa, ba ye taragl kuiye wakai yeglmere ta ekin gagl i-wankrukwa.

Kamambuno wakai Mak muno boglkwa 11:24

Yeglpre na ene diteinga, ene taragl ta pre kamange ere krapogltre taragl inagliwo di pirngi dimin, ana taraglmo i inatnga.

Kamambuno wakai Mak muno boglkwa 13:37

Na ka i ene diteinga, kamo i na yomba prapra diteinga, ‘Sugl wakai molo!’”

Kamambuno Wakai Luk Muno Boglkwa 11:10

Yeglpre yomba prapra God krapogltre, inaglkwa; te ye dokindre kanaglkwa. Te ye sigiu dimbi, yungu dra yauro ende tenambuka.

Kamambuno Wakai Jon muno boglkwa 14:13

Ana ene na kangina mina taragl ta pre krapotn, i pra eraglka. Yegl erambara i Nem kangiye kande Wam mina inambuka.

Kamambuno Wakai Jon muno boglkwa 15:16

Ana ene na pinde ikrikwa, na ene pinde indre ana kere i-pere endinga i ene pindre ana mongo merkinde koraglkwa, i mongo kaneta aimande kogl panambuka. Ana ene yegl ere na kangina mina ene taragl ta inamunedi Nina krapogl tembi, ye ene tenambuka.

Kamambuno Wakai Jon muno boglkwa 15:7

Ene na mina meglmbi, ana na kanna ene mina yei panan, ana taragl kanekane ta munduno panan kra poraglkwa, i pra inaglkwa.

Kamambuno Wakai Jon muno boglkwa 4:10

Ana Yesus di ikine ende ambumo i tongwa, “Ana God wakai ere sragl tongwa i ene pirkan etn, ana yagl nigl pre krapoglkwa i ene pirkan eratnga, ana ene ye krapogl temin kade, ana nigl kor aimande meglkwa i ye ene tenambuka.”

Pol pepa muno bogl Rom yomba tongwa 2:7

Te yomba tau mambuno wakai yombuglo ere duglo bogl wanmeglkwa. Ye eremogl God bogl okuwo heven ame wakai di moramnedi pre konbauna dokindre te heven imbo kangino kande indre ana kor aimande aimande moraglkwa ipre kongun yombuglo ere meglkwa, ana God eremogl yombamo i kor aimande meglkwa tenambuka.

2 Korin 6:2

Sraglpre, God yegl dungwa, “Enge wakai ta yomara na ene ka dinga pirkra, te na ene ere-inaglka engena yongo, ana na ene akepledi teingra.” Piryo! Erme God nono erewakai ere norambuka ande kuiya wakai ta yongwa. Te enge erme i keunde God nono ere-inambuka!

Hibru 11:6

Yomba ta pirngi dimbi paikran ana taragl eraglkwa i God wakai pirkrambuka, yeglpre yomba ta ende God moglmara unambuka i ye pirngi dinambuka panan God kaima moglumiwo di pirtre doko unan ana God topo yombamo i-tenambuka.

Hibru 4:16

Yeglpre God nono wakai kangwa yaglmo ye sia kingmo mina suna enamga i kundugl goglkre enamga. Ana igle nono wakaimo ya wakai kangwa mambuno i nono inamunedi piramga enge ana nono wakaimo akepledi norambuka.

Jems 1:5

Ene meglmara suna i yomba ta nomane sungunagle pangwa ana kamange ere God tenan ana God ye nomane wakai tenambuka. Ana ye taragl wakai merkinde yomba prapra tongwa yaglmo. Ana yomba ta ye krapeglkwa i dem ta kumburo tekrukwa.

Jems 5:15

Ana pirngidi kamange erikwa pre ye kindemo argan eran, te Yaglkande akeple dinan ye andigl morambuka, te ye tandaglme ta eran panan i ama Yaglkande koko ende tenambuka.

1 Jon 3:22

Te nono ye lomo pinande ere, mambuno wakai prumere ertre ana taragl prapra pre kamange eretomgo ye norkwa.

Ka Teke Pangwa 2:24

Ba ene yomba tau Taiataira kamun meglkwa i ambumo ka kinde beke tongwa i ene erekre te ‘Satan mambunomo teke kaima pangwa,’ we dingwa i ene ta beke pirkrikwa. Ipre na yumbun tau-tau ta ene tekraglka.