Kamambuno Wakai Luk Muno Boglkwa 1:17 - Yesus kamo wakai

¹⁷ Ye Yaglkande okuna yei tenambuka i ana propet Elaija yombuglo ya kongun giglendi ormere yeglkra erambuka. Ye nema nangiglma nomano ake i-suwara endinambuka. Ye ka sendingwa yomba nomano yake tenan ana mambuno du-yene piraglkwa. Ye erewakai eran, Yaglkande unambuka pre yomba akekun eraglkwa.”

Kamambuno Wakai Luk Muno Boglkwa 1:17 ပူးပေါင်းရင်းမြစ်များ

Matyu 11:14

Ana ene ka i pra piramnedi pirmbi, pra piryo. Ye Elaija unambedi meglkwa ikra Jon ungwa iwe.

Matyu 14:4

Sraglpre okuna Jon ka yegl ditongwa, “Ene ambu wike ina etnga i lo paikrumere etnga.”

Matyu 3:3

Jon pre God propetmo Aisaia dra mina dite yegl dungwa: “Makan waule suna yomba ta wiyau endungwa, ‘Yaglkande pre konbaunamo akekun eriyo. Ye unambuka pre konbo si-ake du endiyo.’”

Matyu 3:4

Jon bugla-kamel yungo mina gaglsuna erikwa i ende-ende orkwa. Te bugla-kau nangiye kumagl ta dane mina suna dongwa. Te kaiya moknamo i mongondo ya te brume are nuglo ne-ne orkwa.

Kamambuno Wakai Luk Muno Boglkwa 1:16

Ana ye Israel yomba merkinde auro yend ikine Yaglkandeno God mina unambuka.

Kamambuno Wakai Luk Muno Boglkwa 1:76

Ana ene na wana, ene kangin yei God Mogl Mitna Imbo endungwa, propetmo we dinaglkwa, sraglpre, ene Yaglkande konbaunamo akekun ere yeitenatnga.

Kamambuno Wakai Jon muno boglkwa 1:13

God nangiglma i neno mano bormaino mina kugl yei kiurika te yomba ka dikogl erimere i manga te enene pirmere i manga ba God yene prumere ere i nangiglma endungwa.

Kamambuno Wakai Jon muno boglkwa 1:34

Na i kandre, ana ye God Wam kaima moglme dinga.

Kamambuno Wakai Jon muno boglkwa 3:28

Na ka i okuna kana dinga ene pirkondingwa, ‘Na Krais ta manga. Ba God eremogl ye pre singiye po diendungo na okuna kana winga.’

Aposel 10:33

Yegl dungo na oglandi yomba diendingo ene motnara eingwa. Ana ene kanna pirtre unga i wakai. Ana erme igle God no mina moglko no makaisi mogltre ana Yaglkande ene ka ta no pre dito dungwa i ene dinotn piramnedi pre sugl mounga iwe.”

Pol pepa muno bogl Rom yomba tongwa 9:23

Ana yomba prapra God ambuglangemo ya yombuglomo pond i gamba gala wakai i mina God miriyemo unongugl enan kanaglmedi prukwa. Te okuna imbo ye taragl i inaglkwa pre akekun ereyei kondungwa.

Kolosi 1:12

Ene gun yendre God Neno Kande diwakai yei tenaglkwa, sraglpre, ye ere endungo ene kuno kaima orko kade ana God kingdomo ambuglange si yomara ye yombama taragl wakai inaglmedi endungo yongwa i ene ye bogl yumbusi inaglkwa.

2 Timoti 2:21

Yomba ta tandaglme kinde kanekane orkwa i kinde kondinan, ana ye gol mingi kongun wakai eraglkwa ikra mereyegl ye holi moglkwa. Ana Yaglkande kongunmo tenan ye erambuka kuno orkwa, te kongun wakai kanekane erambuka ipre akekun eremoglkwa.

1 Pita 2:9

Ba God ene pinde i-kondungo ene ye yombama meglkwa. Ene king pris mogltre ana yungu ombunomo holi meglkwa. Te ene ama God yombama kaima yene meglkwa. Ene mim ormara meglko ana ye aglendi yend menda wu yene ambuglange wakai mina suna endungo meglkwa. Yeglpre God mambunomo wakai i ene dembiye si tenaglkwa.

1 Jon 2:28

Kaima, na nangrima wagle, ene Krais mina aimande moraglmiwo. Yegl ere meglmbi ana ye wu pendigl enambuka enge igle nono andigl giglendi mogl ye mambuglo mina angai ta goglkramga.

Ka Teke Pangwa 20:4

Ana na kaniga sia king tau yongo ana yomba tau siamo igle amedingwa. Ye kot mina yomba mambunono yumbu sinaglkwa pre God kongun tongwa. Yomba merkinde sigeglkwa spiritno kaniga ye eremogl Yesus wedi pirngi dindre kangiye dembiyesi pene ende te God kamo ake gidingwa. Yegl erikwa ipre kunda ikine eremogl nunguno gariko ana geglkwa. Te na kaninga yomba eremogl kambu are ya kuiyamo dembiye karaugl erekre te ye munomo mamburo mina ya onguno mina ikrikwa yomba, ye kor-moraglkwa indre ana Krais bogl akiye buglayungu 1,000 king meglkwa.