Ka Teke Pangwa 7:9 - Yesus kamo wakai

⁹ Taragl i dundungo okuwo na kaniga yomba merkinde kaima meglkwa. Ana yomba suwarata kere kuno erambuka manga, i dumo makan koglkoglo yomba wingwa, yungu ombuno kanekane ya yomba nangino kanekane pangwa ya te ka kanekane dingwa undre ana sia king ya Sipsip Nangigle gumanomugl andigl meglkwa. Ye gagl kruwo olto ende pandigl ana endi palm yongagle yaundo pango ake meglkwa.

Ka Teke Pangwa 7:9 ပူးပေါင်းရင်းမြစ်များ

Kamambuno Wakai Luk Muno Boglkwa 12:1

Enge i yomba tausen merkinde makai singwa, yeglpre, ye nangino kitne ere katno bolamugl ikine ikine engre meglko, Yesus mambuno bogl yene disaipelma wagle okuna kana ditongwa, “Parisi wagle yisno pre ene kankun eriyo ye kakimbi dingwa pre na dinga.

Kamambuno Wakai Luk Muno Boglkwa 21:36

Ene engenge kuie kanmogltre ana kamange ere God tembi, ana yombro panan kade taragl kinde plau dina orkwa i prapra ikorugl ende ana Yomba Wam guma mina andiglmbi kuno erambuka.”

Kamambuno Wakai Jon muno boglkwa 12:13

Ipre yomba endi palm yaundongo bukondi ake indre ana ye umara kanamnedi ende menda pindre ana ye mangre, oodi, dingwa, “God dembiye siyo!” “God ere wakai ere yomba i tenambuka, ye Yaglkande kangiye mina ungwa!” “God ere wakai ere Israel yomba kingno tongwa!”

Pol pepa muno bogl Rom yomba tongwa 11:25

Angrima wagle, ka ta teke pangwa, i ene pir aglau eredinaglmiwo na ditenaglka. Ene aglau eran no pirpogl sumga yomba mounedi pirdinaglmiwa: Israel yomba tau nomano gigle dungwa i bange sungunagle keunde paimoran, ana enge igle Yomba Bina sramuna ende suna unaglmedi God prumere i suna wu kondimbi ana Israel yomba nomano gigle dungwa ikra pradundinambuka.

Efesus 6:13

Ana yeglpre God kunda kungugl gaglmo mundu endinaglkwa, yegl ere meglmbi ana yumbun enge unan, ene pra makan mina engre gidi moraglkwa, ana ene taragl i prapra engre atne ende dundindre ana andigl moraglkwa.

Hibru 11:12

Ana Abraham kindagl kaima yei gorambuka magl orkwa, ba ye suwara mina nangiglma gawama merkinde kaima plau dingwa, i kamkua mina imbo kugl-kuri mereyegl ya te mundi nigl dangine okupo mereyegl meglkwa, i ta kere kuno eraglkwa manga.

Hibru 12:22

Ba ene Saion muglo wingwa i ana God kor-moglkwa sitimo i heven Jerusalem we dingwa, suna igle angelo tausen merkinde kaima gunyei meglmara igle ene ende suna wingwa.

Ka Teke Pangwa 11:15

Ana angelo namba 7 biukulmo bendungo, heven imbo tau nunguno embriye binan bogl yegl dungwa: “Yaglkande God ya te ye Kraismo bogl makan koglkoglo yei-ongwa i ye king miurkura. Ana Yaglkande king aimande aimande morambuka.”

Ka Teke Pangwa 22:3

Ana igle taragl God ta prukrumere i suna igle ta yeikrambuka. God ya Sipsip Nangigle ye siano king i keunde siti suna i yenan ana ye God kongunmo yombamo prapra ye dembiye karaugl erete moraglkwa.

Ka Teke Pangwa 3:18

Yeglpre na ene diteinga, gol endi dongwa mina gagltenge eriko wu gol kaima ongwa i na mina topo sinatnga. Yegl etn ene taragl merkinde paitenan ana gagl kruwo topo indre nangin yoko yongo angai gotnga i ende simbi dinatnga. Te marasin wakai topo ertre ana ongumutn kirai bogltre ene kanpogl sinatnga.

Ka Teke Pangwa 4:4

Te sia king yomara igle ama sia 24 yei winambo digo ana yomba mina ende okuna eingwa yomba 24 igle amedi meglkwa, ye gagl olto kruwo ende pandigl te king bitno gagl gol mina bekingwa i bitno mina pango meglkwa.

Ka Teke Pangwa 5:11

Na aglke kanigo ana angelo merkinde kaima ka digo nunguno embriye pirka. Ye nambano tausen tausen mogl ende mitna pi ana andret milion meglkwa. Ye mogl winambodi ana sia king ya taragl kor-meglkwa 4 ikra ya te yomba mina ende okuna eingwa 24 ikra isuna endingwa.

Ka Teke Pangwa 5:9

Ye giglange kor ta yegl dingwa, “Ene pepa perkwa i indre ana boma nuglo dangingwa i si anda boratnga kuno orkwa. Sraglpre, ene sigeglko ana bormain mina epigl kanekane ya ka kanekane dingwa ya te yomba nangino kanekane pangwa dumo koglkoglo meglkwa i ene topo ere i-ikine God mina endinga.

Ka Teke Pangwa 6:11

Ye yegl digo ana gagl kruwo suwara suwarandi ye tendre yegl ditongwa, “Ene enge kurita olto dagl sugl kanmeglmbi ana yaglkumba eremogl ene sigeglmere yeglkra ama ene kongun akiye erikwa ya te angro tau sigeglmbi namba God prumere kuno eran ana ene bormaino toidumara i God yumbun te ikine endinambuka.”

Ka Teke Pangwa 7:8

te Sebulun yungumo ombuno mina 12,000, te Josep yungumo ombuno mina 12,000, te Bensamin yungumo ombuno mina 12,000.