Ka Teke Pangwa 5:9 - Yesus kamo wakai

⁹ Ye giglange kor ta yegl dingwa, “Ene pepa perkwa i indre ana boma nuglo dangingwa i si anda boratnga kuno orkwa. Sraglpre, ene sigeglko ana bormain mina epigl kanekane ya ka kanekane dingwa ya te yomba nangino kanekane pangwa dumo koglkoglo meglkwa i ene topo ere i-ikine God mina endinga.

Ka Teke Pangwa 5:9 ပူးပေါင်းရင်းမြစ်များ

Matyu 20:28

Yeglmere, Yomba Wam ye yomba akepledi naraglmedi pre ta ukrukwa. Ye yomba merkinde akepledi tendre, ana kor wanmoglkwa i kindekondo yomba merkinde topo ere i-ikine endinagledi pre ungwa.”

Matyu 26:28

I na bormaina kontrak kor, i yomba merkinde tandaglmeno koko endinambedi toindi endinga.

Aposel 20:28

Enene sutno wakai mogltre, te sipsip wagle prapra sutno moraglkwa pre Holi Spirit kongun i ene tongwa, God yombamo wagle sutno molo, i yene Wam bormaimo mina topo ere yungwa.

1 Korin 6:20

God kumap kande ere ene toposi i-ikine endungwa. Ipre ene nangino mina taragl kanekane eraglkwa i God kangiye dembiyesi mitna endiyo.

1 Korin 7:23

God kumap kande ertre ene topo orkwa. Ipre ene yomba nigl-konguno yoko yomba moglkriyo.

Efesus 1:7

Ana Yesus bormaimo mina nono toposi i-ikine ende ama nono tandaglmeno prapra koko ende norkwa. Sraglpre, God wakaimo i pond kaima pangwa,

Efesus 5:19

Ana enene mina giglange Buk Song mina pangwa i ka di imbor ya ende pirtre, kamambuno giglange ya te giglange kor wakai Holi Spirit akepledi tongwa i dinaglkwa, te giglange i di Yaglkande tenaglkwa, i nomane suna bogl akiye gun yendre ana Yaglkande dembiye sitenaglkwa.

Kolosi 1:14

te yene Wam kongun ormara i mina God nono toposi ikine endindre ana tandaglmeno prapra koko ende norkwa.

Kolosi 1:23

Ana ene pirngino i aimande akegi dindre ana andigl giglendi molo. Ana ene Yesus kamo wakai pirkwa i taragl kinde ta wu ere kinde eretenan ana kondo dinaglmiwo. Yesus kamo wakai ipre na Pol, nigl kongun yomba moglka. Ka wakai i ana yomba makandle meglmara i no diwai dite kuno ounga.

Taitus 2:14

Krais yene kor-moglkwa i kinde kondo yeglpre nono mambuno kinde mina wanmoungo ye nono toposi ikine ende erewakai ere norkwa. Ama yeglpre nono ye yombamo suwara mounga, yeglpre nono mambuno wakai panambere i keunde eramunga.

Hibru 11:14

Yomba ka yegl dimara i wu pene ongwa ye dumuno makano kaima kan ina pre dingwa.

2 Pita 2:1

Okuna Israel yomba meglmara pukamugl igle propet kakimbi wagle tau meglkwa. Te kuno yegl ene meglmara pukamugl yomba tau ama God kamo yomba beke tomune dindre kimbi kogl beke tenaglkwa. Ana yomba wu kinde enaglkwa pre ye uglmange ere teke pai mogl kamambuno di aglau ere tenaglkwa. Te Yaglkande ye toposi ikine endungwa ba ye mokono tenaglkwa. Yegl ere ana yene oglandi wu kinde enaglkwa.

1 Jon 1:7

Ba ye ambuglange mina moglmere kuno yegl nono ama ambuglange mina suna mouno ana nono yomba tau bogl tapsi mounga, ana ye Wam Yesus bormaimo i nono tandaglmeno prapra koko endungo nono nomano pesi yongwa.

1 Jon 2:2

Ye yene kongun ere ana nono tandaglmeno koko ende norkwa, i nono keme pre manga. Ba makan yomba prapra tandaglmeno pre orkwa.

Ka Teke Pangwa 10:11

Ana ka yegl dinarkwa, “Ene God kamo propet i yomba koglkoglo mogl-eingwa ya te yomba yungu ombuno ombuno ya te yomba kanno perepere pangwa ya te king merkinde i aglke kordagl kamo propet i ditenatnga.”

Ka Teke Pangwa 11:9

Ana ande enge suwota ya te ta ikine yomba nangino kanekane pangwa ya te yungu ombuno ombuno ya te ka kanekane dingwa, te makan koglkoglo yomba prapra yagl suwo i nangino briye kanaglkwa ba ta boglo ere ipi maugl siyo dikraglkwa.

Ka Teke Pangwa 13:7

Te God ama kan winge orko ye ombugl God yomba du-wakai meglkwa kunda erete ana kunda yombuglo ere si-atne endungwa. I God yombuglomo tongo ana yomba yungu ombuno kanekane ya te makan koglkoglo yomba mogl-eingwa ya te ka kanekane dingwa ya nangino kanekane pangwa i mina ye kingno morambuka,

Ka Teke Pangwa 13:8

te yomba makandle koglkoglo mogl-eingwa, ye God dumo makan ereyongwa enge kangino kor aimande meglkwa buk mina paikrukwa, ye kambu are dembiye karaugl ere tenaglkwa. Ana bukmo i Sipsip Nangigle okuna sigeglkwa ikra bukmo.

Ka Teke Pangwa 14:6

Ana na kaniga angelo ta kamun mitna wau yomara suna pigladi wongwa, ye kamambuno wakai aimande pangwa i yomba makandle koglkoglo mogl-eingwa ya te yungu ombuno perepere ya ka kanekane dingwa ya te nangino singigle kanekane pango meglmara ye kor aimande ka i ditenambuka.

Ka Teke Pangwa 15:3

ana God kongunmo yomba Moses giglangemo dindre te Sipsip Nangigle giglangemo dingwa: “O God, Yaglkande, ene yombutn kande kaima pangwa. Ene kongun prapra etnga, i kande kaima pangwa, no kandre ana pirpogl sinamga mere manga! Ene yomba prapra kingno motnga, ene mambunon du-yene pandre te kaima keunde pangwa!

Ka Teke Pangwa 17:15

Te angelo ama yegl di narkwa, “Ene nigl prapra kanga, ana ambu mambuno kinde kanekane orkwa i bolamugl amedi moglkwa. I makan koglkoglo ya yomba yungu ombuno kanekane ya ka kanekane dingwa ya nangino kanekane pangwa i umakai singwa.

Ka Teke Pangwa 4:11

“No Yaglkandeno ya Godno motnga, ene kangin kande tendre te dembin sumga ya yombutn kande pangwa i ene inatnga kuno orkwa. Sraglpre, ene taragl prapra ereyei kondinga, ana enene pitnere mere taragl prapra ereyengo ana erme paimeglkwa.”

Ka Teke Pangwa 5:12

Ye ka kande di giglange yegl dingwa: “Sipsip Nangigle okuna sigeglkwa. Ye kangiye kande ya taragl wakai kanekane ya nomane wakai ya te yombuglomo inambuka kuno orkwa. Ana yomba prapra ye kangiye ake mitna imbo ende gunyei tendre ana dembiye si tenaglkwa.”

Ka Teke Pangwa 5:6

Ana na kaniga sia king yomara igle taragl kor-meglkwa 4 ikra ya ende okuna eingwa yomba 24 mogl winambo dimara sunawom igle Sipsip Nangigle sigeglkwa mereyegl singigle pango andigl moglkwa. Ye bre yongagle 7 pango te ongumuglo 7 pangwa. Ana 7 i God Holi Spiritmo, ye diendungo endpi makan koglkoglo eingwa.