Ka Teke Pangwa 4:9 - Yesus kamo wakai

⁹ Yomba ta sia king mina amedi moglkwa i ye kor aimande aimande moglkwa. Ana ipre taragl 4 kor-meglkwa ye ambuglangemo dipene ende te kangiye kande tendre ana diwakai yei tengo,

Ka Teke Pangwa 4:9 ပူးပေါင်းရင်းမြစ်များ

Hibru 7:25

Yeglpre Yesus kangiye mina yomba ende God moglmara unaglkwa ye pra engenge ere-inambuka kuno orkwa. Sraglpre, ye kor aimande mogltre ana God yomba akeple dinambedi pre kamange eretongwa.

Hibru 7:8

Kamambuno pepa mina yegl dungwa, Levai yomba eremogl Israel yomba taragl ake-neingwa 10 mina suwarandi ingwa ikra goraglkwa ba Melkisedek eremogl Abraham taragl 10 mina suwarandi yungwa, ita goglkrambuka ba ka dungwa ye kor-moglkwa.

Ka Teke Pangwa 1:18

Na kor-moglka yagle! Na okuna goglkra, ba kano, na kor aimande moglka, te aimande aimande mogl enaglka. Te na geglkwa ki ya geglkwa yomba dumono i ki suwo-akiye na ake moglka.

Ka Teke Pangwa 10:6

Ana ye eremogl God kor aimande yene moglkwa kangiye mina ka giglendi dungwa. Ye heven beke yei te taragl prapra heven paingwa i beke yongwa. Te makan beke yei te taragl prapra makan mina paingwa i beke yongwa. Te mundi nigl beke yei te taragl prapra suna pangwa i ama beke yongwa. Ana angelo yegl dungwa, “Enge dundinambuka magl orkwa, ipre sugl kordagl ta kan moglkrambuka.

Ka Teke Pangwa 15:7

Te taragl 4 kor-meglkwa mina suwarata gol dis 7 God kor aimande aimande moglkwa dem kumbrukwa i kausi moglko indre ana angelo 7 wagle tongwa.

Ka Teke Pangwa 21:5

Te yagl ta king bogl mina amedi moglkwa i yegl dungwa, “Na taragl prapra ere-ikor endiga.” Yegl dindre ama dungwa, “Ene ka i muno boglo, i ka kaima pangwa pre yomba prapra ka i pirngi dinaglkwa.”

Ka Teke Pangwa 4:2

Ana tambre kana Holi Spirit na ake undi narko na kaniga heven sia king ta igle yongo ana yomba ta amedi moglkwa.

Ka Teke Pangwa 4:8

Taragl 4 kor-meglkwa ikra suwara suwarandi koiyeno 6 paingwa. Ana nangino mina ongumutno merkinde pai kuno orko te koiyeno mina tembe ya atne akiye pangwa. Te ye ermine ya enduwer engenge ka yegl dingwa: “Holi, holi, holi, ye God Yaglkande Giglekui dungwa, ye okuna moglkwa, erme moglkwa, ana okuwo unambuka.”

Ka Teke Pangwa 5:1

Ana yomba ta sia king mina amedi moglkwa ikra ye ongo wokra pepa diglmbi ta kaninga. Pepamo i mina muno koglkoglo beglkwa paingo ana uglo mina boma nuglo 7 ake dangesi sigigledi kondingwa.

Ka Teke Pangwa 6:16

Ye paimogltre yegl di makan muglo ya kombuglo tengwa, “Ene yange no mounara sindre no simbre eriyo. Ana yomba sia king mina amedi moglkwa i no kankran te Sipsip Nangigle dem kumbrukwa i no mina ukrambuka.

Ka Teke Pangwa 7:15

Ipre, “God siamo king mina gumamugl andigl mogltre ana ermine ya enduwer God holi yungumo mina dembiye karaugl ertre meglkwa. Yegl eriko ana sia king mina amedi moglkwa ikra ye bogl akiye meglmbi ana sutno wakai mogl tenambuka.