Ka Teke Pangwa 3:4 - Yesus kamo wakai

⁴ Ba ene yombanma kurita Sadis kamun meglkwa, ye gatno sideglmbi yeikre ana wakai meglkwa. Yeglpre ye gatno kruwo endimbi ana na bogl akiye wanamga kuno orkwa.

Ka Teke Pangwa 3:4 ပူးပေါင်းရင်းမြစ်များ

Matyu 10:11

“Ana ene wan ende pi taun kande mo, kembra ta suna eimbi igle ene kanpogl siyo, yomba du-wakai ta mogl ene di gundo yungumugl enagle dinan, ene pra ye bogl moglpai pi ende enaglkwa enge dumo igle kondiyo.

Kamambuno wakai Mak muno boglkwa 16:5

Yeglpre ye ende kombuglo dra pandiglmara dumo suna pindre, igle ye kaningo yagl gakmugl suwarata gagl suna kruwo olto ta ende pandigl onguno wokra amedi moglko, ana ye waikiglkwa.

Kamambuno Wakai Luk Muno Boglkwa 20:35

Ba yagl ambu andigl ukor pindre, ana okuwo kor-moraglkwa enge yagl ambu ta bogl ikraglkwa.

Kamambuno Wakai Luk Muno Boglkwa 21:36

Ene engenge kuie kanmogltre ana kamange ere God tembi, ana yombro panan kade taragl kinde plau dina orkwa i prapra ikorugl ende ana Yomba Wam guma mina andiglmbi kuno erambuka.”

Aposel 1:15

Enge suwomta endongo yomba 120 mereyegl Yesus pirngi dingwa umakaisi meglmara ana Pita suna andigl mogltre yegl dungwa,

2 Tesalonaika 1:5

Ene mambuno yegl erimara i mina, nono kanumga mem i God mambuno du keunde orkwa ana yumbu sinambuka kuno pamere erambuka. Ene giu geglkwa i God ere endinan ene ye kingdomo mina suna wakai moraglkwa.

Jut pepa muno i boglkwa 1:23

Ana yomba tau donga domara suna meglkwa mereyegl meglkwa. Ipre ene oglandi kaima ye i menda endiyo. Ene kundugl gogltre mitno geglkwa mambuno i ene yomba tau ama teinaglkwa ba ye mambunono goglo i kungugl deglmbi kaima yomere yegl. Ene mambuno i kundugl golo.

Ka Teke Pangwa 1:11

Ana ka i yegl dungwa, “Taragl prapra kanga i pepa mina suna bogltre ana God yombama yungu ombuno 7 meglmara endinatnga: I Efesus kamun ya, Smena kamun ya, Pergamam kamun ya, Taiataira kamun ya, Sadis kamun ya, Piladelpia kamun ya te Leodisia kamun.”

Ka Teke Pangwa 11:13

Enge igle keunde imem kande ungo ana siti kande ombuno 10 meglkwa ana ombuno suwarata yange siderwagl baruwagl ertre, te yomba 7 tausen imem i mina sigoglkwa. Ana tau kor-meglkwa kuiyano taya ongo God heven Nem kangiye di mitna imbo kaima endingwa.

Ka Teke Pangwa 14:4

Yombamo i ambu bogl paikrikwa, ana ye Sipsip Nangigle dumo ta omara i ye ama sikasi eingwa. Ana God makan yomba tau meglmara suna igle ye toposi ikine endungwa. Yeglpre taragl mongo komnaiye koglmere yegl ye komnaiye mogltre, Sipsip Nangigle ya God yombamo meglkwa.

Ka Teke Pangwa 19:14

Ye endongo, heven kimbirnem wagle prapra buglano bugla-hos kruwo mina bolamugl amedi mogl omara eingwa, ye gaglsuna endingwa i kruwo wakai yene te pesi yongwa.

Ka Teke Pangwa 19:8

Ye gagl suna wakai kruwo pesindre ambuglangesi tange yongwa endinambuka pre teingwa! Gagl suna kruwo i God yombama mambunono du-yene erikwa i ombuno dungwa.”

Ka Teke Pangwa 3:18

Yeglpre na ene diteinga, gol endi dongwa mina gagltenge eriko wu gol kaima ongwa i na mina topo sinatnga. Yegl etn ene taragl merkinde paitenan ana gagl kruwo topo indre nangin yoko yongo angai gotnga i ende simbi dinatnga. Te marasin wakai topo ertre ana ongumutn kirai bogltre ene kanpogl sinatnga.

Ka Teke Pangwa 3:5

Ana yomba ta mambuno kinde engre atne ende giglendi moran ana yomba gagl kruwo endimere yegl ye teimbo endinambuka. Te ye kangiye kor aimande meglkwa pepa mina pangwa i na koko endekraglka. Ana Nina mambuglo mina ya te ye angelomo wagle mamburo mina ye kangiye na dipene endinaglka.

Ka Teke Pangwa 4:4

Te sia king yomara igle ama sia 24 yei winambo digo ana yomba mina ende okuna eingwa yomba 24 igle amedi meglkwa, ye gagl olto kruwo ende pandigl te king bitno gagl gol mina bekingwa i bitno mina pango meglkwa.

Ka Teke Pangwa 6:11

Ye yegl digo ana gagl kruwo suwara suwarandi ye tendre yegl ditongwa, “Ene enge kurita olto dagl sugl kanmeglmbi ana yaglkumba eremogl ene sigeglmere yeglkra ama ene kongun akiye erikwa ya te angro tau sigeglmbi namba God prumere kuno eran ana ene bormaino toidumara i God yumbun te ikine endinambuka.”

Ka Teke Pangwa 7:9

Taragl i dundungo okuwo na kaniga yomba merkinde kaima meglkwa. Ana yomba suwarata kere kuno erambuka manga, i dumo makan koglkoglo yomba wingwa, yungu ombuno kanekane ya yomba nangino kanekane pangwa ya te ka kanekane dingwa undre ana sia king ya Sipsip Nangigle gumanomugl andigl meglkwa. Ye gagl kruwo olto ende pandigl ana endi palm yongagle yaundo pango ake meglkwa.