Ka Teke Pangwa 2:9 - Yesus kamo wakai

⁹ Ene yumbun kanekane indre ana kiuglgiunde motnga i na pirkan erika. Ba heven mambuno wakai ikra merkinde ene mina paitongwa. Te yomba tau ye Juda yomba moune dindre, ene dikinde yeingwa i na pirkan erika. Ba ye Juda yomba kaima ta moglkrikwa, ye Satan yombama meglkwa.

Ka Teke Pangwa 2:9 ပူးပေါင်းရင်းမြစ်များ

Matyu 4:10

Dungo Yesus yegl di ikine endungwa, “Satan, ene ende eglke po. Kamambuno pepa yegl muno beglko pangwa, ‘Yaglkande ene Godnen suwara dembiye karaugl ere tendre ana ye suwara kongunmo eratnga.’”

Kamambuno Wakai Luk Muno Boglkwa 12:21

Yesus dungwa, “I yeglmere yomba yene pre taragl merkinde i bir singwa. Ba God mina ye kiuglgiunde meglkwa.”

Kamambuno Wakai Luk Muno Boglkwa 22:65

Ana ye ka kinde kanekane di Yesus teingwa.

Kamambuno Wakai Luk Muno Boglkwa 4:18

“Yaglkande Spiritmo na mina moglkwa. Sraglpre, kiuglgiunde yomba kamambuno dipene ende tenaglka pre ye na pinde yungwa. Na dipene endimbo yomba kane paingwa kondo yoko meglmbi, te ongumutno kin yongwa aglke kanimbi, te yomba mina yumbun i waningwa i yendinaglka pre ye na diendungwa.

Kamambuno Wakai Luk Muno Boglkwa 6:20

Yesus yene disaipelma wagle kandre ana dungwa, “Kiuglgiunde yomba God eran ene gun yenaglkwa, God kingdomo ene pre yongwa.

Kamambuno Wakai Jon muno boglkwa 16:33

“Na taragl i prapra ene dite kondinga. Yeglpre na bogl akiye meglmbi ene nomano pokndi yenambuka. Makandle yomba ene yumbun tenaglkwa, ba ene andigl giglendi molo, na makan yomba yombutno i engre atne ende kondinga.”

Aposel 14:22

Igle disaipel wagle pirngi dingwa i mina moraglmedi pre ka di giglendi tendre ana diwakai yei tendre ana dimbrika, “Nono God kingdomo mina suna enamunedi pun kade, ana komnaiye kana yumbun kanekane i-wanmogltre, ana ende suna enamga.”

Aposel 26:11

Te enge merkinde na makai yungu bange bange yomara yomba eresi kane sindre te Yesus wedi yomba pirngi dingwa i kenaglmo sinaglmedi pre bagl nusi-si erika. Te na dena kumbro yomba tendre ana yomba bangeta dumo kande yemara pirngi dingwa yomba meglkwa na eresi te kane sina pre wan einga.

Pol pepa muno bogl Rom yomba tongwa 12:12

Te Yaglkande wakai erenorambedi sugl kanmeglkwa i ene gunyei moraglkwa, te meglmara yumbun unan ene kiendi mogl ana kamange akeningandi eraglkwa.

Pol pepa muno bogl Rom yomba tongwa 2:17

Ba erme na ka ta di ene Juda yomba tenaglka pangwa. Ene lo pra kot mina no akeple dinambuka kuno ormedi pirkwa. Ene enene kangino dembiyesi yegl dingwa, “No God yombama mounga.”

Pol pepa muno bogl Rom yomba tongwa 5:3

Te i keunde ta gun yeikramga, tamanga, yumbun kanekane ungwa i indre nono gun yeinamga. Sraglpre, nono pirkan ounga yumbun yumunara i mina nono nomano sigigledi norkwa,

Pol pepa muno bogl Rom yomba tongwa 8:35

Ana Krais nono kanwakai yongwa i mina yomba ira i yeglke endinambe? Nono yumbun yumga i mo, giu gounga i mo, yomba erekinde erenorkwa i mo, kindan gounga i mo, kungugl gagl paikruko mounga i mo, taragl kinde wu nono erekinde eragledi orkwa i mo, nono mounara kunda panan. Taragl yeglmere Krais nono mitno goglkwa mambuno i mina i-eglke endinaglmo?

Pol pepa muno bogl Rom yomba tongwa 9:6

God ka Juda yomba ditongwa na ka i uyoko ome ta dikrika. Tamanga! Ana Israel yungu ombuno meglmara suna igle tau Israel yomba kaima ta moglkrikwa.

2 Korin 6:10

Kaima, no nono mitno gounga ba i manga, no engenge gun keunde yomga, te no diminge pai norokrukwa ba yomba taragl merkinde inaglkwa pre akepledi tomga. Kaima, no nono taragl merkinde ake-nekunga ba taragl wakai kaima ake-nomga i noisi moglkwa.

2 Korin 8:2

Yumbun kande kaima ye mina plau dindre ama nomano suwo yenaglmedi orkwa. Ye ama kiuglgiunde meglkwa. Ba ye gun yeingwa i pond kaima pango ana i mina ye angro ta akeple dinaglkwa i nomano anduglko ana ye moni merkinde imakai singwa.

2 Korin 8:9

Sraglpre, nono Yaglkandeno Yesus Krais wakaimo i ene pirkan erikwa. Ye heven taragl merkinde paitongwa ba ene pre ye ere wu gonduglme ongwa. Ye wu gonduglme omara mambuno i ene akeple dinan ana ene taragl wakai merkinde pai tenambuka.

1 Tesalonaika 3:4

No okuna ene meglmara mogl yegl ditomga, “Okuwo ere no sinaglkwa.” I kaima plau dungo ene pirkan erikwa.

1 Timoti 1:13

Ba na okuna kana ye kenaglmo sindre, te ere sindre, te dena kumbro ka kinde diteingra. Ba God eremogl na mitna goglkwa, sraglpre, na Yesus wedi pirngi dikrisre te pirkan erekrika pre taragl i erika.

1 Timoti 6:18

Ana taragl merkinde ake-neingwa yomba ene ditemin ye kongun wakai prapra i eraglkwa, te kongun wakai prapra i ye mina pai kuno erambuka, te deno munduno argan bogl ere ana taragl yomba tenaglkwa.

Ka Teke Pangwa 1:9

Na Jon, ene angro, nono Yesus bogl wu suwara pi ye kingdomo mina i yumbun ya giugl indre pirwinge ere wanmounga. Na God kamo dipene ende te Yesus wedi pirngi diga i dinongugl endiga pre na sendigo ailan Patmos moglka.

Ka Teke Pangwa 2:13

Ene dumo ta moglpai etnga i na pirkan erika. Dumomo igle Satan king boglmo yongwa. Ba na kangina ene kaima akegidi motnga, ipre ene na wedi pirngi dinga i ta uglmange erekitnga. Te Antipas engemo yongwa enge na pre pirngi dungwa i dinongugl endungwa pre ana ene dumun mina igle ye sigeglkwa, dumomo igle Satan moglmara.

Ka Teke Pangwa 2:2

Ene kongun prapra etnga i na pirkan erika; yombuglo ere te andigl giglendi motnga, te mambuno kinde erikwa yomba i ene wakai kankitnga, ana yomba tau aposel moune dingwa i ene mambunono kandime dinga ye aposel ta moglkrikwa, ba ye kakimbi yomba meglkwa.

Ka Teke Pangwa 2:24

Ba ene yomba tau Taiataira kamun meglkwa i ambumo ka kinde beke tongwa i ene erekre te ‘Satan mambunomo teke kaima pangwa,’ we dingwa i ene ta beke pirkrikwa. Ipre na yumbun tau-tau ta ene tekraglka.

Ka Teke Pangwa 3:9

Ene pro! Satan epiglma igle meglkwa i ye Juda yomba moune dingwa, ba ye Juda yomba kaima ta moglkrikwa, ye kakimbi yomba meglkwa. Na ere endimbo ye wu ene katn mina mangi dindre ana na ene kanwakai yeinga i ye kanpogl sinaglkwa.

Ka Teke Pangwa 7:14

Ana na ka yegl di ikine endiga, “Yagl kande, i ene pirkan etnga.” Ana ye yegl di narkwa, “Yomba i kunda ikine onguno mina ye pigle goglne wanmogl wingwa, te ye gatno suna Sipsip Nangigle bormaimo mina nigl keglko wu kruwo kaima ongwa.