Ka Teke Pangwa 2:7 - Yesus kamo wakai

⁷ Yomba ta kina panan ana Holi Spirit ka di God yombama wagle tongwa i pirpogl sinambuka. Te yomba ta mambuno kinde engre atne ende andigl giglendi moran ana kor aimande meglkwa endimo i mina prawe dimbo kaiya mokna ninambuka, endimo i God dumomo wakaile suna pangwa.

Ka Teke Pangwa 2:7 ပူးပေါင်းရင်းမြစ်များ

Matyu 11:15

Yomba ta ye kina panan kade ka i pra pirondo.

Matyu 13:43

Te du-yene meglkwa yomba ye Neno kingdom mina sunakra ande mereyegl ambuglangesi moraglkwa. Yomba ta ye kina panan ka i pra pirondo.

Matyu 13:9

Ana yomba ta kina panan, ka i pro do.”

Kamambuno wakai Mak muno boglkwa 4:9

Ana Yesus dungwa, “Yomba ta ka pirambuka pre kina panan, ye ka i pra pirondo!”

Kamambuno wakai Mak muno boglkwa 7:15

Taragl menda yongwa ende yomba mina suna ongwa i yomba ta ere sideglmbi yeikrukwa. Kaima tamanga. Taragl yomba mina suna yei ende menda ungwa i ere yomba sideglmbi yongwa.

Kamambuno wakai Mak muno boglkwa 7:16

Yomba ta ka pirambuka pre kina panan kade pirondo.”

Kamambuno Wakai Luk Muno Boglkwa 23:43

Yesus di ikine ende tongwa, “Na ka kaima ene diteinga, erme ene na bogl akiye dumo wakaile suna moratnga.”

Kamambuno Wakai Luk Muno Boglkwa 8:8

Ana mongo tau yange makan wakaile suna singwa, ana mokna bogltre mongo keglkwa ana suwarandi mongo 100 100 keglkwa.” Ana Yesus ka di uglo yongwa, “Ene kinano panan ana ka i piryo.”

Kamambuno Wakai Jon muno boglkwa 16:33

“Na taragl i prapra ene dite kondinga. Yeglpre na bogl akiye meglmbi ene nomano pokndi yenambuka. Makandle yomba ene yumbun tenaglkwa, ba ene andigl giglendi molo, na makan yomba yombutno i engre atne ende kondinga.”

1 Korin 2:10

Kamo i okuna teke pangwa, ba no pre ere God ye Spiritmo mina ombunodi norkwa. Te taragl prapra teke paingwa ya te God taraglmo uglmange kaima ere paingwa i Holi Spirit mundu kan-kondungwa.

2 Korin 12:4

ana ye dumo wakaile pi kangwa ya ka tau prukwa i yomba ta di nongugl ende tenambuka kuno erekrukwa, mane pangwa

1 Jon 2:13

Nenma wagle, na pepa i bogl ene teinga. Sraglpre, yagl i okuna imbo mogl ungwa erme moglkwa i mambunomo ene pirkan erikwa. Yagl gakmugl wagle, na pepa i bogl ene teinga. Sraglpre, Satan mambunomo kinde ene engre atne ende kendingwa. Nangrima kembra wagle, ene God Neno pirkan kendingwa. Ipre na pepa i bogl ene teinga.

Ka Teke Pangwa 13:9

Ana yomba ta kina panan ka i pirdime dinambuka:

Ka Teke Pangwa 14:13

Ana heven imbo ka ta yegl dungo na pirka, “Ene ka i muno boglo. Erme mambuno bogl mogl ende imbor enaglkwa yomba Yaglkande wedi pirngi dindre goraglkwa ye gun yenaglimiwo.” Te Holi Spirit ama dungwa, “Ye gun kaima yenaglkwa; sraglpre, ye kongun pitnbogl erikwa ikra erme kindekondo ana mogl ir si piraglkwa. Ana ye yoko ta ende pikrikwa. Tamanga. Ye mambuno wakai okuna erikwa ikra ye enaglmara akiye enambuka.”

Ka Teke Pangwa 15:2

Te na taragl ta kaninga, i mundi nigl kande i glas mereyegl endi donga bogl sikuglmagl endigo potndi yongwa. Ana yomba kambu are ya te ye kuiyamo te kangiye nambamo engre atne endingwa i keunde mundi nigl glas mereyegl potndi yomara bina ye andigl meglkwa. Ye God gitamo tongo akindre,

Ka Teke Pangwa 2:11

Yomba ta kina panan ana Holi Spirit ka di God yombama wagle tongwa i pirpogl sinambuka. Ana yomba ta kunda yombuglo erambuka ye okuwo aimande goraglkwa mambuno i ye aglke ta sigoglkrambuka.

Ka Teke Pangwa 2:17

Yomba ta kina panan ana Holi Spirit ka di God yombama wagle tongwa i pirpogl sinambuka. Te yomba ta mambuno kinde engre atne ende giglendi andigl moran ana heven suna bret-mana teke yongwa i tau ye tenaglka. Te kombuglo kruwo ta ombugl tenaglka. Ana kombuglomo i mina ye kangiye kor ta bogl pandiglka i yene kombuglo inambuka yombamo i keunde pirkan erambuka. Ba kangiye i yomba ta pirkan erekrikwa.

Ka Teke Pangwa 21:7

Ana yomba ta kunda yombuglo ere wanmoglkwa, ye taragl i prapra inan ana na ye Godmo moglmbo te ye na wana morambuka.

Ka Teke Pangwa 22:14

“Yomba gatno suna nigl endingwa ye gun yenaglkwa, ye pra kor aimande moraglkwa endi mongo nendre te siti i toglmo konbo dra yemara ye ende suna enaglkwa.

Ka Teke Pangwa 22:17

Ana Holi Spirit ya Sipsip Nangigle embiye, ye yegl di ikine endimbrika, “Yesus, ene wo!” Te yomba ka i pirkwa ye ama yegl dinaglkwa, “Yesus, ene wo!” Ana yomba ta nigl gorambuka, wo do, te yomba ta ama nigl ninamnedi piraglkwa ye ukor aimande nigl ninaglkwa, i God munduwo argan pre yoko tongwa.

Ka Teke Pangwa 22:2

siti konbauna sunawom wopi pangwa. Ana niglmo womara bina koglkoglo kor aimande endi pangwa, endimo i buglayungu suwara mina mongo enge 12 koglkwa, i ba gere yomere yomere mongo koglkwa. Te endimo yaundo i makandle yomba erewakai erambuka pre pangwa.