Ka Teke Pangwa 2:2 - Yesus kamo wakai

² Ene kongun prapra etnga i na pirkan erika; yombuglo ere te andigl giglendi motnga, te mambuno kinde erikwa yomba i ene wakai kankitnga, ana yomba tau aposel moune dingwa i ene mambunono kandime dinga ye aposel ta moglkrikwa, ba ye kakimbi yomba meglkwa.

Ka Teke Pangwa 2:2 ပူးပေါင်းရင်းမြစ်များ

Matyu 7:23

Yegl dimbi okuwo na nongugl kaima yegl ditenaglka, ‘Na ene ta kanpogl sikrika. Ene ende eglke piyo, ene mambuno kinde kanekane erikwa yomba.

Kamambuno Wakai Jon muno boglkwa 6:6

Yesus eremogl Pilip ta eran kanagledi pre yegl dungwa, ba Yesus sragl taragl erambuka i yene nomane mina pango pirkondungwa.

Galesia 1:7

Kaima, “Kamambuno kaneta” i ta yeikrukwa, ba na sraglpre ka yegl diga, i yomba tau ene nomano sikugl ende ana Yesus kamo wakai ikra paikrumere guagua dingwa.

Efesus 4:14

Nono yeglmere plaudi mouno ana nono gak kembra mereyegl ta moglkramga. Taman. Ana kakimbi yomba undre kakimbi kanekane i-pene ende dindre nono kinano sinaglkwa i nono pirngino ta gugl sikran te mundi nigl pembigl undre taragl sikake i ongwa ya te kamun ir mange taragl sikuro i ongwa yeglmere nono ta ere sikake yembi pirngino ta gugl sikrambuka.

1 Tesalonaika 1:3

Ene pirngi dindre kongun erikwa te munduno yomba tau pre pango wakai eretengwa te Yaglkande Yesus Krais unambedi yombuglo ere sugl meglkwa. Te ene yegl erikwa ipre nono neno God ye mambuglo wagle no aimande pir mogl ana dite wanmounga.

1 Tesalonaika 5:21

Taragl prapra yumbusi kan, mambuno wakai panambuka akegidi.

2 Timoti 2:19

Ba God kombuglo kauglange kande sungwa gigle gaglendi pangwa. Kauglange i mina ka muno yegl beglko pangwa: “Yaglkande yombama kaima meglkwa i ye yene gumano kanpogl sungwa.” Te ka ta ama yegl pangwa: “Yaglkande kangiye dagl dinongugl ende waningwa yomba i mambuno kinde mina ye mokono tendre ana ende wu korugl enaglkwa.”

Hibru 6:10

God yomba kinde ta moglkrukwa, ene ye yombama wakai kandre ana akeple ditengwa mambuno i ombuno dungo God kangwa, te erme akeple dite pai meglkwa ipre ene kongun erikwa i God ta kinde kondokrambuka.

1 Jon 4:1

Yeinomga wagle, yomba prapra spirit no mina moglme dinaglkwa i ene pirngi dikriyo. Spirit prapra God mina wingwa mo ukrikwa i ene yomba i mina yumbusi kaniyo. Sraglpre, propet kimbi merkinde ende makan koglkoglo eingwa.

Ka Teke Pangwa 2:5

Ene okuna mambuno wakai ere wanmotnga ikra erme kindekondo yange singa. Ene okuna mambuno wakai etnga ikra poglodi pirtre ana noman yake tendre, ana mambuno wakai okuna etnere ikra aglke kordagl ero. Te yegl ta erekitn na ene motnara undre, ana ken lamnen boglmo mina yongwa i ikorugl endinaglka.

Ka Teke Pangwa 2:6

Ba ene mambunon wakai yegl ta etnga i ina wakai pirka: Nikolas yombama taragl erikwa i ene wakai pirkre kankinde yenga. I na ama kankinde yeinga.

Ka Teke Pangwa 2:9

Ene yumbun kanekane indre ana kiuglgiunde motnga i na pirkan erika. Ba heven mambuno wakai ikra merkinde ene mina paitongwa. Te yomba tau ye Juda yomba moune dindre, ene dikinde yeingwa i na pirkan erika. Ba ye Juda yomba kaima ta moglkrikwa, ye Satan yombama meglkwa.

Ka Teke Pangwa 3:1

“Ka i pepa muno bogl Sadis kamun God yombama angelono moglkwa i to: Kamo i yegl: God Spiritmo 7 ya te kugl-kuri 7 ake moglkwa yagle ye ka yegl dungwa, “Ene mambuno kanekane etnga i na pirkan erika, te yomba kanigwa ene kor-motnga mereyegl etnga. Ba tamanga. Ene gogl kondinga.

Ka Teke Pangwa 3:15

Ene kongun prapra etnga i na pirkan erika, i ene mambunon ta bi yeikrukwa te ninga dikrukwa. Na pirka ene biyei moratnga mo ningadi moratnga i pra iwe.

Ka Teke Pangwa 3:8

Ene taragl etnga i na pirka. Kano! Ene gumanomugl konbo dra yauro endiga audi yongwa i yomba ta yongugl getndikrambuka. Na pirkan erika ene yombutn kurita paimoglkwa. Ba na ka beke teimere ene sika sindre te na kangina ene di uglmange erekitnga.