Kamambuno Wakai Jon muno boglkwa 9:4 - Yesus kamo wakai

⁴ Erme ambuglangesi pamere, na diendungo winga ye kongunmo nono eramga. Mim panambuka enge i yomba kongun ta erekraglkwa.

Kamambuno Wakai Jon muno boglkwa 9:4 ပူးပေါင်းရင်းမြစ်များ

Matyu 20:7

“Ye di ikine endingwa, ‘Yomba suwarata wu na konguna eraglmedi no kere ikrukwa.’ “Ana ye ditongwa, ‘Ene ama akiye pi na wainna togl mina suna kongun eriyo.’

Kamambuno wakai Mak muno boglkwa 3:3

Ana Yesus yagl ongo mau sungwa ikra ditongwa, “Yomba prapra meglmara gumanomugl igle andiglo.”

Kamambuno Wakai Jon muno boglkwa 10:32

Ba Yesus di ikine ende tongwa, “Na Nina kimagl wakai mere ero dungo ana ere ene ombuno diteinga. Ana yegl erimara igle taragl ta aglau orko pre ene kombuglo na sina erimo?”

Kamambuno Wakai Jon muno boglkwa 10:37

Na Nina kongunmo i ta erekrimbo, ana ene na pirngidi narekriyo.

Kamambuno Wakai Jon muno boglkwa 12:35

Yesus di ikine endungwa, “Ken ambuglange i enge sungunagle keunde ene mina depai enambuka. Etne ene kenno-lam depangwa ipre engenge ambuglange igle mina wanmoglpai eriyo, te tamanan ana mim pond ere wu ene ake i-atne ende dinambiwo, te yomba ta ye mim mina suna wanmoglkwa i ye ende aglokra ongwa i yene ta kanpogl sikrikwa.

Kamambuno Wakai Jon muno boglkwa 17:4

Ene yombutn na ombuno dingo makan yomba kan-kondingwa, te na kongun ero dinatnere ikra pra ere kondinga.

Kamambuno Wakai Jon muno boglkwa 4:34

Ana Yesus eremogl disaipel wagle ditongwa, “Na kaiya moknana, i na diendungwa yagle prumere ertre, ana na kongunmo ero di narkwa i ere kondinaglka.

Kamambuno Wakai Jon muno boglkwa 5:19

Yesus ka mongo ditongwa, “Na ka kaima ene diteinga, ana ye Wam yene prumere taragl ta erekrambuka. Ye Nem taragl ta orko kangwa i keunde erambuka. Sraglpre, Nem taragl kanekane ta orkwa i Wam ama orkwa.

Kamambuno Wakai Jon muno boglkwa 5:36

“Ba na kongun erimere Jon ka boglo kugl dipene endungwa, i kandekinde pai Jon kamo i engre tongwa, Nina kongun ero diendumere i ere kondimbo ana na kongun eraglka i embriye kandre, ana Nem kaima diendungo ungwa pamiwodi yomba kanaglkwa,

Kamambuno Wakai Jon muno boglkwa 7:33

Ana Yesus ditongwa, “Na ene bogl enge sungunagle ta moramga, ana okuwo na diendungo winga ye moglmara ende ikine enaglka.

Aposel 4:20

Ana no ka i ta aketorwa erambuglka paikrukwa. Sraglpre, no nono ka i pirtre te kandre ouglka pre i pradipene endinambuglka pangwa.”

Galesia 6:10

Ana ipre, nono erme yomba prapra akeple dinamga engemo yongwa ipre yomba prapra nono mambuno wakai eretenamga, te no nono yombuglo ere yomba tau Yaglkande pirngi dingwa i mendigl pandigl mambuno wakai eretenamga.

Efesus 5:16

Erme ene engeno wakai yomara i mina kongun ya taragl wakai kanekane i eraglkwa, sraglpre, enge erme mounga i yomba mambuno kinde erikwa enge yongwa.

Kolosi 4:5

Te yomba kamambuno kiurikwa bogl ene akiye ka di moglpai eraglkwa enge, ene pirdime dindre ana embriyeno wakai pangwa i eraglkwa. Te ene engenge Yesus embriye wakai ere yomba tomere yegl ene ama yegl keunde eraglkwa.