Kamambuno Wakai Jon muno boglkwa 9:16 - Yesus kamo wakai

¹⁶ Taragl yegl orkwa ipre Parisi wagle tau yegl dingwa, “Yagl i God mina ta ukrukwa. Sraglpre ye Sabat enge lo pamere ta erekrukwa.” Ba yomba tau dingwa, “Tandaglme yomba srambre ere yene kimagl giglendi yegl erambe?” Yegl dindre yene yumbusi wu ombuno suwo eingwa.

Kamambuno Wakai Jon muno boglkwa 9:16 ပူးပေါင်းရင်းမြစ်များ

Matyu 12:10

Ana igle yagl ta ongo kembra sungwa moglkwa. Yomba tau Yesus ta eran kandre ana ka-tange tenamnedi pre krapeglkwa, “Sabat enge yomba erewakai ere teiyo dingwa lo mina ta pamo?”

Matyu 12:2

Ye yegl erikwa i Parisi wagle kandre Yesus diteingwa, “Kanno! Ene disaipelma ye Sabat enge nono lono mane dumara yegl erikwa.”

Kamambuno Wakai Luk Muno Boglkwa 13:14

Makai yungu sugl moglkwa yagle dem kumbrukwa, sraglpre Sabat enge ambu kinde sungwa, Yesus erewakai orkwa. Ipre ana yaglmo ka kande di yomba tongwa, “Ande enge 6 nono kongun eramga enge yongwa, yeglpre enge suna igle mina wimbi kinde erewakai eraglkwa. Ba Sabat enge ta erekraglkwa.”

Kamambuno Wakai Jon muno boglkwa 10:19

Ana Juda yomba ka i pirtre aglke kordagl yumbusi wu epigl suwo eingwa.

Kamambuno Wakai Jon muno boglkwa 14:11

Na Nina mina moglko te Nina na mina moglme dinga i ene pirngi diyo, ka dimara i ene pirngi dikrimbi, ana na kimagl erimara i ene pirngi dinaglkwa.

Kamambuno Wakai Jon muno boglkwa 15:24

Ba yomba ta okuna kana wu kongun giglendi erekrimere yegl na ye mina pukamugl mogl ana kongun giglendi i ta erekriya, ana ye tandaglmeno pre angai goglkraglkwa. Ba erme ye kimagl na erika i prapra kandre ana kunda ikine ere na nare ama Nina kunda ikine ere teingwa.

Kamambuno Wakai Jon muno boglkwa 2:11

Yesus kimagl koragle kaima Kena kamun Galili dumo kande suna igle orkwa, i ye yombuglomo ombuno dungo disaipelma wagle kandre ana Yesus pirngi dingwa.

Kamambuno Wakai Jon muno boglkwa 3:2

Ye enduwer undre, Yesus moglmara yegl dungwa, “Beke Notnga, no pirkan ounga ene ka beke notnga ta God di endungo unga, ene kimagl etnere yegl yomba ta erekraglkwa, ba God eremogl yomba ta mina mogl tenan ye pra kimagl etnere yegl erambuka.”

Kamambuno Wakai Jon muno boglkwa 5:10

Yeglpre Juda yomba kande wagle ka yegl di yagle argan orkwa ikra teingwa, “Erme Sabat enge yongwa, nono lono mane dumara ene piryei kungutn ake yunga.”

Kamambuno Wakai Jon muno boglkwa 5:36

“Ba na kongun erimere Jon ka boglo kugl dipene endungwa, i kandekinde pai Jon kamo i engre tongwa, Nina kongun ero diendumere i ere kondimbo ana na kongun eraglka i embriye kandre, ana Nem kaima diendungo ungwa pamiwodi yomba kanaglkwa,

Kamambuno Wakai Jon muno boglkwa 6:52

Juda yomba ye deno kumbro tengramodi yegl dingwa, “Yagl i srambre ere ye nangiye noran ana nono ninamne?”

Kamambuno Wakai Jon muno boglkwa 7:12

Ana yomba merkinde Yesus pre ka ninu dingwa, “Ye yagl wakai moglkwa.” Ba yomba tau yegl dingwa, “Ta manga, ye kakimbi di yomba tongwa.”

Kamambuno Wakai Jon muno boglkwa 7:23

Erme yagl gak ta Sabat enge nangino punduno beglmbi ana Moses lomo i ta erekinde erekrikwa. Sraglpre na okuna yagl ta kinde sungwa, ana Sabat enge kindemo mundu erewakai ere teinga ikra pre ene deno kumbro na narimo?

Kamambuno Wakai Jon muno boglkwa 7:43

Ana yomba eremogl Yesus pre nomano perepere yongo, ana yumbusi epigl suwo erikwa.

Kamambuno Wakai Jon muno boglkwa 9:24

Ye aglke kordagl yagle ongumuglo mim orkwa ikra aglendi ikine ende ana yegl di yaglmo teingwa, “Ene God ongumuglo mina ka kaima dinatniwa! No pirkan ounga, yagl ene ongumutn erewakai orkwa i ye tandaglme yomba.”

Aposel 14:4

Ana siti suna i yomba poimsi tau pi Juda yomba akingo te tau pi aposel suwo akingwa.