Kamambuno Wakai Jon muno boglkwa 7:37 - Yesus kamo wakai

³⁷ Ana kamambuno pirkwa enge kande kaima ikra mina mogl wingwa dundinambuka enge Yesus andigl mogl ka pond dindre ana yomba prapra ditongwa, “Yomba ta nigl goran kade kanwinge erimbi ye ende na moglmara undre ana ninambuka.

Kamambuno Wakai Jon muno boglkwa 7:37 ပူးပေါင်းရင်းမြစ်များ

Matyu 11:28

“Yomba ene kongun kande ere yumbun pond kake i-wanigwa, ene prapra ende na moglmara wiyo, ana na ene mogl ir sinaglkwa tenagliwo.

Matyu 3:3

Jon pre God propetmo Aisaia dra mina dite yegl dungwa: “Makan waule suna yomba ta wiyau endungwa, ‘Yaglkande pre konbaunamo akekun eriyo. Ye unambuka pre konbo si-ake du endiyo.’”

Matyu 5:6

Yomba mambuno du-yene pre sikasi, kaiya ya nigl mere yegl kindan gogl moraglkwa, God eran ye gun yenaglkwa. God te kuno erambuka.

Kamambuno Wakai Jon muno boglkwa 1:23

Jon eremogl propet Aisaia ka muno boglkwa i di ikine endungwa, “Makan waule suna yomba ta wiyau dungwa i na mina pai yungwa. Yaglkande pre konbo si-ake du endiyo.”

Kamambuno Wakai Jon muno boglkwa 14:6

Yesus ka mongo di ikine ende tongwa, “Na nana konbauna mogl, ana ka kaima mogl, ana kor-meglkwa i na, nana moglka. Ana Nina moglmara enaglkwa i konbauna ta ta yeikrukwa. Ba na mina suwara yongwa.

Kamambuno Wakai Jon muno boglkwa 4:10

Ana Yesus di ikine ende ambumo i tongwa, “Ana God wakai ere sragl tongwa i ene pirkan etn, ana yagl nigl pre krapoglkwa i ene pirkan eratnga, ana ene ye krapogl temin kade, ana nigl kor aimande meglkwa i ye ene tenambuka.”

Kamambuno Wakai Jon muno boglkwa 4:11

Ana ambumo i dungwa, “Yagl kande, ene nigl koratnga baket ta ake moglkitnga, ana niglmaugl i mur atne ime yongwa. Ba ene niglkor aimande yange pangwa i aglokra koratne?

Kamambuno Wakai Jon muno boglkwa 4:14

Ba yomba ta na nigl tenaglka i ninan ana nigl aglketa goglkrambuka. Tamanga. Na nigl tenaglka i ye mina suna aimande yange paimogl enan ana ye kor aimande meglkwa inambuka.”

Kamambuno Wakai Jon muno boglkwa 5:40

Ene ende na mina undre ana kor aimande meglkwa ina kiurikwa.

Kamambuno Wakai Jon muno boglkwa 6:35

Ana Yesus dinongugl endungwa, “Na nana kor-meglkwa bret, yomba ta ende na mina unambuka ye kindan goglkrambuka, te yomba ta na wedi pirngi dinan, ana ye nigl goglkrambuka.

Kamambuno Wakai Jon muno boglkwa 6:37

Yomba prapra Nina na narkwa i ye ende na mina unaglmiwo, yomba ta na mina unambuka ana na ye kinde kondokraglka.

Kamambuno Wakai Jon muno boglkwa 6:55

Sraglpre na nangina i kaiya mokna kaima, te na bormaina i nigl kaima.

Kamambuno Wakai Jon muno boglkwa 7:28

Ana Yesus eremogl God holi yungumo mina togl sunakra ka bekete ka kande yegl dungwa, “Ene na pirkan ere te dumo aglokra winga i ene pirkan erimo? Na nana pirmere ta ukrika, ba Nina na diendungo winga yagle i kaima moglkwa. Ana ye moglkwa i ene ta pirkan erekrikwa.

1 Korin 10:21

Ene Yaglkande nigl mingmo mina nendre te spirit kinde wagle nigl mingno mina akiye nekraglkwa. Ana Yaglkande boglmo mina kaiya mokna nendre te spirit kinde wagle botno mina akiye nekraglkwa.

1 Korin 10:4

te spirit i keunde niglmo tongo neingwa, spirit kombuglo i ye akiye wan wingwa. Ana kombuglo i Krais.

1 Korin 11:25

Ye bret ne kondigo, ye kap wain indre ana kuno yegl keunde ere dungwa, “Kap wain i kontrak kor, i na bormaima yongwa. Ene engenge yegl ere nendre na pre poglodi piryo.”

1 Korin 12:13

Ana nono prapra ama kuno yegl; Juda yomba mo Grik yomba, mo topo ikre nigl-kongun yoko erikwa yomba mo yoko meglkwa yomba, i nono prapra Spirit suwara mina baptais ere wu yomba suwara nangiye omgo ana nono prapra nomano mina Spirit suwara i God norkwa.

Efesus 5:18

Te ene wain gigle dungwa nendre du erekraglkwa, i ene erekinde erambuka, i ene kinde kondo, ana kanwinge erimbi Holi Spirit ene mina kausi morambuka.

Ka Teke Pangwa 21:6

Te na ama yegl dinarkwa, “Taragl prapra plaudi kondungwa. Na Gumamugl moglka te Yaglemugl moglka, te na Taragl Mambuno Boglmara moglka te Dundumara moglka. Yomba ta nigl gogltre ninambuka eran ana niglmaugl mina ongo bogl ungwa kor aimande nigl i teimbo ana ye topo tekre yoko ninambuka.

Ka Teke Pangwa 22:1

Ana angelo ikra nigl kande ta ombunodi narkwa, i kor aimande moraglkwa niglmo, te niglmo i kuglmuna yei glas mereyegl yongwa. Niglmo i God ya Sipsip Nangigle siano king botno mina undre ana

Ka Teke Pangwa 22:17

Ana Holi Spirit ya Sipsip Nangigle embiye, ye yegl di ikine endimbrika, “Yesus, ene wo!” Te yomba ka i pirkwa ye ama yegl dinaglkwa, “Yesus, ene wo!” Ana yomba ta nigl gorambuka, wo do, te yomba ta ama nigl ninamnedi piraglkwa ye ukor aimande nigl ninaglkwa, i God munduwo argan pre yoko tongwa.