Kamambuno Wakai Jon muno boglkwa 6:52 - Yesus kamo wakai

⁵² Juda yomba ye deno kumbro tengramodi yegl dingwa, “Yagl i srambre ere ye nangiye noran ana nono ninamne?”

Kamambuno Wakai Jon muno boglkwa 6:52 ပူးပေါင်းရင်းမြစ်များ

Kamambuno Wakai Jon muno boglkwa 1:19

Jerusalem dumo suna Juda yomba eremogl pris ya Levai wagle diende ana Jon ira moglmda krapogl piryo dingwa.

Kamambuno Wakai Jon muno boglkwa 10:19

Ana Juda yomba ka i pirtre aglke kordagl yumbusi wu epigl suwo eingwa.

Kamambuno Wakai Jon muno boglkwa 3:4

Nikodimas aglkekor Yesus diprukwa, “Yomba yake kondungwa sraglmere mam aglkekor kugl yenambe? Kaima yene ye ende ikine mam dane suna kra enan mam aglkekor ta kugl yeikrambuka!”

Kamambuno Wakai Jon muno boglkwa 3:9

Nikodimas krapoglkwa, “Taragl i srambre ere plau dinambe?”

Kamambuno Wakai Jon muno boglkwa 4:11

Ana ambumo i dungwa, “Yagl kande, ene nigl koratnga baket ta ake moglkitnga, ana niglmaugl i mur atne ime yongwa. Ba ene niglkor aimande yange pangwa i aglokra koratne?

Kamambuno Wakai Jon muno boglkwa 6:41

Enge igle Juda yomba deno kumbro Yesus teingwa, sraglpre Yesus ka yegl dungwa ipre, “Na bret heven suna imbo ende atne winga.”

Kamambuno Wakai Jon muno boglkwa 6:60

Disaipelma wagle ya yomba merkinde Yesus kamo pirtre ana yegl dingwa, “Ka giglendi kaima beke norkwa, ka i ira pir-inambe?”

Kamambuno Wakai Jon muno boglkwa 9:16

Taragl yegl orkwa ipre Parisi wagle tau yegl dingwa, “Yagl i God mina ta ukrukwa. Sraglpre ye Sabat enge lo pamere ta erekrukwa.” Ba yomba tau dingwa, “Tandaglme yomba srambre ere yene kimagl giglendi yegl erambe?” Yegl dindre yene yumbusi wu ombuno suwo eingwa.

Aposel 17:32

Pol eremogl yomba gogltre andraglkwa kamo i dungo pirtre, ana yomba tau Pol bakagl teingwa ba yomba tau yegl dingwa, “Ene kamo i kordagl dimin no piramga.”

1 Korin 2:14

Ba yomba Holi Spirit bogl moglkrambuka, God Spiritmo mina taragl ungwa i ye ta ikrambuka. Sraglpre, ka i prapra kinde dumedi prukwa. Ana ye kamo i mambuno ta pirpogl sikrambuka; sraglpre, taragl i prapra Holi Spirit mina ungwa.