Kamambuno Wakai Jon muno boglkwa 5:37 - Yesus kamo wakai

³⁷ te Nina ye na diendungo winga, na mina ye yene ka dinongugl endungwa. Ana ene ye nungo embriye ta pirkre te ye gumadra ta kankrikwa.

Kamambuno Wakai Jon muno boglkwa 5:37 ပူးပေါင်းရင်းမြစ်များ

Matyu 17:5

Pita ka yegl di moglko ana kamun kua kruwo oglandi wu ye were kondungo, ana kamun kua mitna sunakra ka ta yegl dungwa, “Iwe na Wana, na ye wakai kandre gun yeiteinga. Ene ye kamo piryo!”

Matyu 3:17

Ana heven imbo ka ta yegl dungwa, “I na Wana, na ye wakai kandre nomana wakai teinga.”

Kamambuno wakai Mak muno boglkwa 1:11

Ana heven imbo ka ta yegl dungwa, “Ene na Wana, na ene wakai kandre nomana wakai ene teinga.”

Kamambuno Wakai Luk Muno Boglkwa 24:27

Ana ye mambuno bogl Moses ya propet wagle prapra ka okuna muno beglko pangwa i yene pre dipene ende yagl suwo tekondungwa.

Kamambuno Wakai Luk Muno Boglkwa 3:22

Holi Spirit kua yumugl mereyegl ende atne ye moglmara ungwa. Ana heven imbo ka ta yegl dungwa, “Ene nana Wana, na ene wakai kandre nomana wakai ene teinga.”

Kamambuno Wakai Jon muno boglkwa 1:18

Yomba ta God kankrikwa, ba God Wam suwara ye Nem bogl akiye miurka pre ye mina Nem ombuno dipene endungwa.

Kamambuno Wakai Jon muno boglkwa 14:9

Ana Yesus ka mongo ditongwa, “Na ene bogl enge olto nono akiye mogl umgra, Pilip, i ene pirpogl sikitno? Ana yomba na kanigwa i Nina ombugl kanigwa. Ba ene sraglpre Nen ombunodi noro dine?

Kamambuno Wakai Jon muno boglkwa 15:24

Ba yomba ta okuna kana wu kongun giglendi erekrimere yegl na ye mina pukamugl mogl ana kongun giglendi i ta erekriya, ana ye tandaglmeno pre angai goglkraglkwa. Ba erme ye kimagl na erika i prapra kandre ana kunda ikine ere na nare ama Nina kunda ikine ere teingwa.

Kamambuno Wakai Jon muno boglkwa 5:32

Ba yomba ta igle moglkwa. Ye ombugl na kongun erika ya embriyena i dipene endinambuka, ana na pirka ye na pre ka dipene endinambuka i kaima yene dinambuka.

Kamambuno Wakai Jon muno boglkwa 6:27

Ene kaiya mokna kinde orkwa ipre kongunmo erekraglkwa ba ene kaiya mokna kor aimande moraglkwa ipre kongunmo eriyo. Te kaiya mokna kor-moraglkwa i yene kaneta, Yomba Wam ene tenambuka, taragl i pra erambedi pre ana Nem God yombuglomo te kondungwa.”

Kamambuno Wakai Jon muno boglkwa 8:18

Ana na nana pre ka dinga ba Nina na diendungwa yagle ombugl na pre dipene endungwa.”

1 Timoti 1:17

God suwara king aimande moglkwa, ye goglkrambuka te nono ye kankramga, yeglpre ye wakai pirtre kangiye kande aimande aimande ake mitna ende moramga. I kaima.

1 Timoti 6:16

Ye suwara goglkrukwa, te goglkrambuka. Ye ambuglange kande mina suna moglkwa pre yomba ta magl pikraglkwa. Yomba ta ye kankrikwa, te ama ye kankraglkwa. Ye suwara kangiye kande ya yombuglomo pond i aimande aimande pai morambuka. I kaima.

1 Jon 4:12

Yomba ye kaima God kankrikwa, ba nono yombano bogl argan ere nomano suwara yei mouno ana God nono mina morambuka. Te ye kanwakai yongwa mambuno i nono mina pai kuno erambuka.

1 Jon 4:20

Ana yomba ta na God kanwakai yei ye dinambuka, ba ye angigle kankinde yei tenan ana ye kakimbi yomba moglkwa. Te yomba ta angigle magl moglko kangwa i kanwakai yeikran ana God teke moglko kankrukwa pre ye eremogl God kanwakai yeikrambuka.

1 Jon 5:9

Yomba ka dipene endigo nono punga, ba God ka di nongugl endungwa i yombuglo ere yomba kanno engre tongwa. Sraglpre, God ka dungwa i yene Wam pre dipene endungwa.