Kamambuno Wakai Jon muno boglkwa 21:22 - Yesus kamo wakai

²² Yesus ka mongo di ikine endungwa, “Ye kor-mogl panambedi na pirmbo ana ye mogl panan na ende ikine unaglka, i ene sragl kanen pam? Na enaglmara ene mokonamugl wo.”

Kamambuno Wakai Jon muno boglkwa 21:22 ပူးပေါင်းရင်းမြစ်များ

Matyu 16:24

Ana Yesus disaipelma yegl ditongwa, “Yomba suwarata na bogl unagledi pirambuka, ye yene pre pirkre ana endimo-prak kake indre, ana na wimara wondo.

Matyu 24:27

Yomba Wam unambuka i kamun pogl dungwa mereyegl, ande umara ambuglange mundu si endpi ande beimara enambuka.

Matyu 24:3

Yesus Olip Kamun Muglo igle amedi moglko, ana disaipelma keunde Yesus moglmara undre dingwa, “Dinoro, taragl i enge aunake plau dinambe? Ana ene unatnga enge diu sraglmere eran kamuno ana kamkua ya makan dundinambe?”

Matyu 24:44

Yeglpre ene engenge akekun ere moraglkwa. Sraglpre, Yomba Wam unambedi ene pirkre moraglkwa enge ye unambuka.

Matyu 25:31

“Yomba Wam king kaima unambuka enge ana angelo prapra ye bogl akiye unaglkwa, ye yene king boglmo mina heven ambuglange mina suna amedi morambuka.

Matyu 8:22

Ba Yesus di ikine ende ye tongwa, “Kondo ene na mokonamugl wo. Kanwinge etn geglkwa yene geglkwa yomba maugl sinaglkwa.”

Kamambuno wakai Mak muno boglkwa 9:1

Ana ye ditongwa, “Na kaima ene diteinga, yomba tau magl ya andigl meglkwa ye goglkre mogl paimbi, God kingdom yombuglo bogl unan kanaglkwa.”

Kamambuno Wakai Jon muno boglkwa 21:19

Yesus ka yegl dungwa, i Pita sraglmere ere gogltre ana God kangiye kande tenambuka ipre dungwa. Ana okuwo Yesus di Pita tongwa, “Na wimara ene mokonamugl wo.”

Kamambuno Wakai Jon muno boglkwa 21:21

Pita yagl i kandre ana krapogl Yesus tongwa, “Yaglkande, yaglmo i sraglmere erambe?”

1 Korin 11:26

I yeglmere, ene bret ya wain i ninaglkwa enge, ama Yaglkande goglkwa kamo boglo i dinongugl ende meglmbi ana ye ende ikine unambuka.

1 Korin 4:5

Ipre, ka tanginaglkwa enge yeikrukwa pre ene yomba mambunono yumbu sikraglkwa. Ene sugl mogl-embi Yaglkande yene undre, ana taragl mim ormara teke paingwa i ake ambuglange sindre te yomba nomano suna taragl pirmeglkwa i i-pene endinambuka. Enge i yomba suwarandi kongun wakai erumere God dembiye si tenambuka.

1 Tesalonaika 2:19

Ana okuwo Yaglkande Yesus unambuka enge, no sragl taragl akeple dinan ye mambuglo wagle andigl mogl gun yenamune? Te no sragl taragl iyu ye moglmara undre ene kongunen wakai ounedi ombuno dinamune? Te no sragl topo indre gun yenamune? Taragl i prapra ene meglkwa iwe.

Jems 5:7

Angrima wagle ene nomano gigle dinan kiendi mogl-embi ana Yaglkande ikine unambuka. Ene pirkan erikwa kaiya mokna ereyaglkwa yagle kaiya moknamo bogl mongo wakai korambedi pre sugl kanmoglkwa. Ana ande ya kamun akeple dimbir mongo wakai koran uraglkra wondi, nomane giglendi yongo ana ye kiendi moglkwa.

Jems 5:8

Yaglkande unambuka engemo mangigl orkwa pre ana ene kiendi andigl giglendi molo.

Ka Teke Pangwa 1:7

Kaniyo, ye kamun kua mina suna mogl una orkwa, ana yomba prapra ongumutno mina ye kanaglkwa, te kuglange mina ya buglo-nil mina singwa yomba ikra ama kanaglkwa. Te makandle yomba prapra ye pre kinano suwo gundo piutno tagla sindre kai giglange sinaglkwa. I kaima yene, yegl panambuka.

Ka Teke Pangwa 2:25

Ana ene mambuno wakai erikwa i aimande akegidi wanmogl embi na unaglka.

Ka Teke Pangwa 22:20

Yomba taragl i prapra dinongugl endungwa yagle yegl dungwa, “Kaima yene, na oglandi unaglka!” I kaima, Yaglkande Yesus, ene wo!

Ka Teke Pangwa 22:7

Yesus yegl dungwa, “Ana piryo! Na tambre kana ene meglmara unaglka. Ye dungwa ipre, yomba ta ka propet dingwa buk i mina pangwa pir akegidi i-wan moraglkwa ye gun yenaglkwa.”

Ka Teke Pangwa 3:11

Na tambre kana unaglka, ene taragl ta idiom i akegidi moglo. Yegl etn ana ekin bitno gagl ene topon pre yongwa i yomba ta i-dinaglmiwa.