Kamambuno Wakai Jon muno boglkwa 21:18 - Yesus kamo wakai

¹⁸ Na ka kaima ene diteinga, ene yagl gakmugl motnga enge, enene akekun ere kumagl de pandigl ana ta ena pitnara i ende enga, ba ene kindagl yenatnga enge ene ongun duglo simin yomba ta ene kumagl detendre ana dumo ta ene enakiratnara i auro yenaglkwa.”

Kamambuno Wakai Jon muno boglkwa 21:18 ပူးပေါင်းရင်းမြစ်များ

Kamambuno Wakai Luk Muno Boglkwa 12:37

Kongun yomba yeglmere gun yeiyondo, sraglpre yagl kandeno ende ikine wu kango ye pre suglmo meglkwa. Na ka kaima ene diteinga, yene ekin gagl kumagl de gidi ana diendinan amedi meglmbi ye undre kaiya mokna tenambuka.

Kamambuno Wakai Jon muno boglkwa 13:36

Ana Saimon Pita krapogl Yesus tongwa, “Yaglkande, ene ende aglokra enatne?” Ana Yesus di ikine endungwa, “Na dumo aglokra enaglmara i ene erme ta ukratnga, ba okuwo, na enaglmara i ene unatnga.”

Kamambuno Wakai Jon muno boglkwa 21:17

Ana aglke kordagl Yesus krapoglko ana suwota orkwa, “Saimon Pita, Jon wam, ene na pre mundun pamo?” Pita kinde prukwa, sraglpre Yesus ka kra enge suwota yegl pogl ye tongwa, “Pita, ene na pre mundun kaima pamo?” Ana Pita ditongwa, “Yaglkande ene taragl prapra pirkan etnga, ipre ene pirkan etnga, na ene pre munduna kaima pangwa.” Yesus di Pita tongwa, “Na sipsipna ene sugl wakai moglo.

Kamambuno Wakai Jon muno boglkwa 21:19

Yesus ka yegl dungwa, i Pita sraglmere ere gogltre ana God kangiye kande tenambuka ipre dungwa. Ana okuwo Yesus di Pita tongwa, “Na wimara ene mokonamugl wo.”

Aposel 21:11

Ye wu no mounara undre ana Pol kumaglmo indre ana kumagl i pagl ye yene ongo kagle kan sindre dungwa, “Holi Spirit yegl dungwa, ‘Kumagl i nemyagl pi Jerusalem kamun plau dinan Juda yomba mambuno yegl ere ana tekoglo Yomba Bina onguno mina yenaglkwa.’”

2 Korin 5:4

Ana makandle yungu akrika i mina moglpai umga i, yumbun kanekane no engre atne endungo gingin-akin ere mounga. I no makan nangino kondinamnedi ta pirkunga, no heven yungu kor yongwa i gagl alap kor mereyegl were norambedi punga. Yegl eran kade ana geglkwa nangino i kondo ana kor aimande meglkwa nangino i inamga.