Kamambuno Wakai Jon muno boglkwa 20:25 - Yesus kamo wakai

²⁵ Ana disaipel tau ikra di Tomas teingwa, “No Yaglkande kamga!” Ba Tomas di ikine endungwa, “Na nana ye ongo koglkoglo buglo-nil boglmara i kandre ana ake pirtre te dangigle mina kuglange boglmara i onguna ende suna endimbo, ana na kaima pirngi dinaglka.”

Kamambuno Wakai Jon muno boglkwa 20:25 ပူးပေါင်းရင်းမြစ်များ

Matyu 27:42

“Ye yomba tau ere-yungwa ba ye yene ere-ikrambuka pangwa! Ye Israel yomba Kingno moglkrum kana! Ye kanwinge erimbi endi-prak mina kondo ana erme ende atne unan nono prapra ye pirngi dinamga.

Kamambuno wakai Mak muno boglkwa 16:11

Ana ambumo i Yesus kor-moglko kaniwo dungo ye pirtre ana ye ambu dungwa i pirngi dikrikwa.

Kamambuno wakai Mak muno boglkwa 16:13

Ye ende ikine pindre ana disaipel wagle tau ditembrika. Ba ye ka i pirngi dikrikwa.

Kamambuno wakai Mak muno boglkwa 16:14

Okuwo Yesus disaipel 11 ye kaiya mokna ne meglmara plau dindre, ye ka-tongwa. Sraglpre, ye pirngino paikrukwa, te nomano sikugl endungo, ana yomba okuna kana Yesus kor-moglko kanmuniwo dingwa i ye pirngi dikrikwa.

Kamambuno Wakai Luk Muno Boglkwa 24:25

Yesus di yagl suwo tongwa, “Ene du eur kana, propet okuna ka prapra dingwa i kra ene nomano mina suna paikruko, ana pirngidi kiurika!

Kamambuno Wakai Jon muno boglkwa 1:41

Ana komnaiye Andru ta orkwa i, ye angigle Saimon doko kan indre ana ditongwa, “No Mesaia kan imbuglka.” (I mambuno Krais we dingwa.)

Kamambuno Wakai Jon muno boglkwa 20:27

Te ye ama yegl di Tomas tongwa, “Ene ongun mongo magl ya yei ana na onguna kano, te ene ongun duglosi na dangra mina suna endo. Ene noman suwo yeikre ana pirngi kaima do!”

Kamambuno Wakai Jon muno boglkwa 21:7

Yesus yene disaipelmo ta wakai kangwa ikra yegl di Pita tongwa, “I Yaglkande moglkwa!” Ana enge i Saimon Pita prukwa, Yaglkande we dungo, ye gaglmo suna olto gugl yongwa yendindre ana ye oglosi ende nigle ongwa.

Kamambuno Wakai Jon muno boglkwa 6:30

Ipre ye krapogl Yesus teingwa, “Ene sragl kimagl etn no i kandre ana ene pirngi dinamune? Mo ene sragl taragl eratne?

Hibru 3:12

Na angrima wagle, ene kanpogl siyo, ene meglmara suna igle yomba tau nomano kinde panan ya te pirngi dikraglkwa, God kor aimande nem moglmara i ye mokono tenaglkwa.

Hibru 3:18

Yomba ira pre God ka gidi dindre na mogl ir singwa dumo ta ye ende suna ukraglme dume? Ye kamo sendingura yomba pre dungwa.