Kamambuno Wakai Jon muno boglkwa 2:2 - Yesus kamo wakai

² Ana Yesus ya disaipelma wagle bogl ama wiyo dingo, ye wu yaglambu bogl imbrara igle meglkwa.

Kamambuno Wakai Jon muno boglkwa 2:2 ပူးပေါင်းရင်းမြစ်များ

Matyu 12:19

Ye nongasi kaglkane ta erekrambuka, te konbauna ka kande ta dinan yomba pirkraglkwa.

Matyu 25:40

“Ana king di ikine endinambuka, ‘Na ka kaima ene ditenga, ene taragl ta na angrima wagle kiuglgiunde atne meglkwa i suwarata eretengwa, i ene na ere narikwa.’

Matyu 25:45

“Ana ye di ikine ende tenambuka, ‘Na ka kaima ene diteinga, ene na angrima kiuglgiunde kangino paikrukwa ta ene akewakai ere tekrikura, i ene na ere narekrikwa.’

Kamambuno Wakai Jon muno boglkwa 2:12

Ana okuwo Yesus ya mam ya angiglma ya te disaipelma bogl akiye end-ime Kaperneam kamun eingwa. Ye ande enge suwomta igle meglkwa.

Kamambuno Wakai Jon muno boglkwa 2:17

Yesus disaipelma wagle ye mambuno yegl orkwa i kandre, ana kamambuno pepa mina muno ta beglko pangwa ikra pirkwa. Ana ka i yegl: ‘Ene yungun holi na wakai kaima pirtre ana wakai yenambedi kongunmo erika i donga bauglo mereyegl na mina suna dongwa.’

Kamambuno Wakai Jon muno boglkwa 2:22

Okuwo Yesus gogltre andigl ukor ongo, ye disaipelma wagle okuna kana ka ditongwa ikra poglodi pir ikine endingwa. Ana ye kamambuno pepa mina okuna beglko pangwa ikra ya Yesus ka okuna dungwa i pirngi dingwa.

Kamambuno Wakai Jon muno boglkwa 2:3

Enge igle wain neingwa dundungo, ana Yesus mam pi wam ditongwa, “Wain dundungo yomba ninaglkwa ta yeikrukwa.”

Kamambuno Wakai Jon muno boglkwa 3:22

I mokomugl Yesus ya disaipelma wagle ende pi Judia dumo kande pindre enge tau ye bogl igle mogltre, ana yomba baptais ere teingwa.

Kamambuno Wakai Jon muno boglkwa 4:2

Ba Yesus ye yene yomba ta kaima baptais ere tekrukwa, ye disaipelma wagle keunde yomba baptais ere teingwa.

Kamambuno Wakai Jon muno boglkwa 4:33

Yegl dungo, disaipel wagle yene di imboriya ende dingwa, “Yomba tau kaiya moknamo iteim kana?”

Kamambuno Wakai Jon muno boglkwa 4:8

(Yene disaipelma wagle kaiya mokna topo era pre ende taun suna eingwa.)

Kamambuno Wakai Jon muno boglkwa 6:12

Enge igle yomba prapra neingwa kuno orko, Yesus yegl di disaipelma wagle tongwa, “Ikine tau yoko moglkwa i ene gande makai siyo, nono diurkwa suwarata akesi dinamuniwo.”

Kamambuno Wakai Jon muno boglkwa 6:16

Ande beinagledi orko, Yesus disaipelma wagle ende ime niglmong eingwa.

Kamambuno Wakai Jon muno boglkwa 6:60

Disaipelma wagle ya yomba merkinde Yesus kamo pirtre ana yegl dingwa, “Ka giglendi kaima beke norkwa, ka i ira pir-inambe?”

Kamambuno Wakai Jon muno boglkwa 6:66

Enge igle Yesus ka dikondungo ana yomba mokomugl eingwa ikra ende ikine pindre ana Yesus omara aglketa pikrikwa.

Kamambuno Wakai Jon muno boglkwa 6:67

Yeglpre Yesus krapogl disaipel 12 wagle tongwa, “Ene ama na kondo endinamnedi pirmo?”

Kamambuno Wakai Jon muno boglkwa 6:70

Yegl dingo ana Yesus di ikine endungwa, “Ene 12 prapra na ta pinde ikrisino? Ba ene mina suwarata spirit kinde moglkwa.”

Kamambuno Wakai Jon muno boglkwa 6:71

Yesus eremogl Judas pre dungwa, ye Saimon Iskariot wam, ana disaipel 12 mina Judas okuwo Yesus i-pene ende kunda ikine tenambuka.

Kamambuno Wakai Jon muno boglkwa 6:8

Ye disaipelma wagle suwarata kangiye Andru, ye Saimon Pita angigle, yegl dungwa,

Kamambuno Wakai Jon muno boglkwa 7:3

Yeglpre Yesus angiglma wagle diteingwa, “Ene dumo igle kondo ende Judia po, ana ene disaipelnen wagle kimagl etn kanaglkwa.

Aposel 11:26

Ye pi Sol kan indre ana auro yungo ende Antiok embrika. Ana Barnabas ya Sol buglayungu suwarata mundu ye God yombama bogl akiye wanmogl ana yomba merkinde kaima Yaglkande kamo beke tembrika. Ana Antiok kamun igle Krais disaipelma kangino kor Kristen we dingwa.

Aposel 11:29

Ana disaipel wagle ka dikogl minge moni ya taragl tau ye paitomere imakai sindre ana ye yene angro wagle Judia kamun meglkwa akepledi tenamne dingwa.

1 Korin 10:31

Yeglpre ene kaiya mokna ya nigl nendre te sragl ta eraglkwa, i God kangiye dembiyesi mitna ende ama eraglkwa.

1 Korin 7:39

Ambu ta ye wiye kor-moran ye wiye mina sidakagl moglkwa. Ba wiye goran ana ye yoko moglkwa pre ana ye yagl ta enagledi piran i pra enambuka, ba yagl kamambuno prukwa ta enambuka.

Kolosi 3:17

Ana ene taragl kanekane ta ertre te kongun eraglkwa mo ka ta dinaglkwa, i prapra Yaglkande Yesus kangiye mina keunde eraglkwa. Te ye kangiye mina Neno God diwakai yei tenaglkwa.

Hibru 13:4

Yaglambu bogl ingwa i taragl wakai pangwa pre munduno panan ana wino ya embino kanwakai ikine ikine yei, yaglambu kunogl gundingwa ya te kunogl kanekane gundo waningwa ye prapra God kot eretenambuka.

Ka Teke Pangwa 3:20

Ene pro! Na yungu dra mina andigl mogl ana sigiu-giudi moglka. Ana yomba ta na nunguna embriye ye pirtre yungu dra yauro naran ana ye moglmara yungugl pi na kaiya mokna ye bogl neimbo, te ye na bogl ninambuka.