Kamambuno Wakai Jon muno boglkwa 19:9 - Yesus kamo wakai

⁹ Ye aglke ende ikine gavman yungumo mina pindre ana krapogl Yesus tongwa, “Ene kamun aglo nem?” Ba Yesus ka ta di ikine ende ye tekrukwa.

Kamambuno Wakai Jon muno boglkwa 19:9 ပူးပေါင်းရင်းမြစ်များ

Matyu 26:63

Ba Yesus ka ta dikor erekrukwa. Aglke pris kande Kaiapas, ye ditongwa, “God kor aimande moglkwa kangiye mina na erme ene krapoglka. No dinoro, ene God Wam Mesaia motno?”

Matyu 27:27

Ana Pailat kimbirmo nem Yesus yendpi gavman yungu kande Pretorim we dimara suna eingwa, ana eresi yeingwa yomba ikra ye prapra wu suwara pi ye moglmara mogl winambo dingwa.

Kamambuno Wakai Luk Muno Boglkwa 23:9

Yeglpre, Herot ka kra merkinde pogl Yesus tongwa. Ba Yesus ka suwarata di ikine endekrukwa.

Kamambuno Wakai Jon muno boglkwa 18:28

Tangina kinde kana Kaiapas yungumo mina kondo Yesus yendpi gawana yungumo mina eingwa. Ana Juda yagl kande wagle ende Pailat angaimo suna igle pikrikwa. Sraglpre ye pirkwa, no suna omun ana God ongumuglo mina no sideglmbi yenan kade ana Pasova kaiya mokna i nekramga, yeglpre ye ende angai suna igle pikrikwa.

Kamambuno Wakai Jon muno boglkwa 18:33

Pailat ende ikine gavana yungumo i yungugl pindre ana Yesus aglendi indre ye krapogl tongwa, “Ene Juda yomba kingno motno?”

Kamambuno Wakai Jon muno boglkwa 18:34

Yesus di ikine endungwa, “Ene ka krapotnga i enene pitnere dino mo yomba ta na pre diteme?”

Kamambuno Wakai Jon muno boglkwa 18:37

Yegl dungo Pailat krapogl tongwa, “Ene king ta motn kana?” Ana Yesus di ikine endungwa, “Na king ta moglme dinga i kaima dinga. Na kugl yeingo ende makandle winga i taragl suwarata pre winga. I ka kaima dinaglka pre. Yomba ka kaima mina meglkwa ana na ka dinga i pirkwa.”

Kamambuno Wakai Jon muno boglkwa 19:10

Ipre Pailat yegl di Yesus tongwa, “Sraglpre ene ka di ikine ende narekitne? Ene kane poko endinaglka mo endi-prak mina sinaglka i na pra eraglka kuno orkwa, i ene pirkitno?”

Kamambuno Wakai Jon muno boglkwa 19:8

Ana Pailat ka i pirtre ye kundugl pond goglkwa.

Kamambuno Wakai Jon muno boglkwa 8:14

Yesus yegl di ikine endungwa, “Taman, na nana pre ka dinga i kaima dinga. Sraglpre na dumo aglokra wimara i pirtre ana ende dumo aglokra enaglmara i pirkan erika. Ba ene na dumo aglokra winga mo ende dumo aglokra enaglka i ene ta pirkan erekrikwa.

Filipai 1:28

Ana yomba ta ene kongun erikwa i siget-dinamunedi erimbi ene kundutno goglkriyo, ene engenge giglendi meglkwa ipre ye yegl pirkan eraglkwa, God eran ye wau beglmbi ana God ene ere-inan ye yombuglo erambuka pamedi kanaglkwa.