Kamambuno Wakai Jon muno boglkwa 19:6 - Yesus kamo wakai

⁶ Ana pris kande wagle ya te God holi yungumo sugl meglkwa yomba Yesus kandre ye mangre kaglka dindre dingwa, “Endi-prak mina siyo! Endi-prak mina siyo!” Ba Pailat di ikine endungwa, “Ene ye indre endi-prak mina siyo te na ye aglau ta eran panan doko i-pene ende kot ere tenaglka manga.”

Kamambuno Wakai Jon muno boglkwa 19:6 ပူးပေါင်းရင်းမြစ်များ

Matyu 26:58

Ba Pita, Yesus omara mokomugl kurita eglke dagl pi, pris kande Kaiapas yungumo toglmo mina ende suna pindre, ana igle kimbirnem sugl meglmara akiye amedi mogl, Yesus taragl ta ere tenaglkwa i kanagledi pre moglkwa.

Matyu 27:22

Pailat ye krapogl tongwa, “Yesus ye Krais we dingwa, i na sragl ere tenagle?” Yomba prapra di ikine endingwa, “Ye endi-prak mina siyo.”

Matyu 27:24

Ana Pailat i kangwa yomba ye yene oglagldi kunda gua beglmbi, ye di akedu endinambuka mere mango ana ye nigl tau indre yomba merkinde meglmara gumanomugl ye ongo nigl kogl ana dungwa, “Yagl du-yene i gorambuka aglau i na mina paikrukwa. I ene konguno pangwa!”

Kamambuno Wakai Luk Muno Boglkwa 23:4

Ana Pailat eremogl pris kande wagle ya te yomba prapra ditongwa, “Na yagl i kot ere tenaglka, i ye aglau ta orko kan ikrika.”

Kamambuno Wakai Jon muno boglkwa 18:3

Ana Judas eremogl kimbirnem ya te pris kande wagle konguno yomba ya te Parisi wagle tau auro yungo ana ye ken gagl indre te kunda taragl ama ake indre ana Yesus pre doko eingwa.

Kamambuno Wakai Jon muno boglkwa 18:31

Ana Pailat di ye tongwa, “Enene ye indre lono ta panambere ka-tange teiyo.” Ana Juda wagle di ikine endingwa, “No lono mina yomba ta sigolo dikrukwa.”

Kamambuno Wakai Jon muno boglkwa 18:38

Pailat krapoglkwa, “Ka kaima i sratne?” Ana okuwo Pailat ende ikine mendakra yomba meglmara pindre yegl ditongwa, “Ye mambunomo kinde ta panan na kan i-pene ende ana kot eretenaglka mere manga.

Kamambuno Wakai Jon muno boglkwa 19:15

Ana Juda yomba ka muglkumdi di ikine endingwa, “Ye sigolo! Sigolo! Ye endi-prak mina siyo!” Pailat krapogl ye tongwa, “Ene kingno i na endi-prak mina sinambedi pirmo?” Ana pris kande wagle di ikine endingwa, “No kingno ta-ta moglkrikwa, Sisa suwara kaima moglkwa.”

Kamambuno Wakai Jon muno boglkwa 19:4

Ana Pailat aglke ende menda pindre Juda yomba merkinde meglmara ditongwa, “Kaniyo na ye imenda ene meglmara endimbo kanaglkwa. Ye aglau ta eran panan na doko i-pene ende ana kot ere tenaglka manga.”

Aposel 2:23

God yene kamkand eragledi di panduglmara pre ana yagl i tekoglo ene mina endungo ana yomba kinde akeple dingo ene ye ipi endi-prak mina buglo-nil si pandiglkwa.

Aposel 7:52

Okuna ene kowano awano wagle ye propet wagle eresi tekrisiuno? Te God kongunmo yomba du-yene ta unambuka pre ka kepmo yomba kamo dingwa ikra ama ye sigeglkwa. Ana erme ye yene ungo ene yaglkumba onguno mina yeingwa ana sigeglkwa.