Kamambuno Wakai Jon muno boglkwa 18:17 - Yesus kamo wakai

¹⁷ Ambai yungu dra sugl moglkwa ikra krapogl Pita tongwa, “Ene ye disaipelmo ta motn kana?” Ana Pita di ikine endungwa, “Na ta manga.”

Kamambuno Wakai Jon muno boglkwa 18:17 ပူးပေါင်းရင်းမြစ်များ

Matyu 26:33

Pita di ikine endungwa, “Yumbun ene mina unan tau kuinoko ene pre pirngi dingwa i gugl sinan ene kondinaglkwa ba na ene ta kondokraglka.”

Kamambuno Wakai Luk Muno Boglkwa 22:54

Ana Yesus sikane sindre auro yend pris kande yungumugl eingwa. Ana Pita eremogl Yesus omara tau eglke dagl ongwa.

Kamambuno Wakai Jon muno boglkwa 18:16

Ba Pita ye togl dra mendakra moglkwa. Ana disaipel ta pris kande pirkan orkwa ikra, ye ende ikine wu ambai dua sugl moglkwa i ditongo, ye yungu dra yauro endungo, ana Pita auro yend togl suna ongwa.

Kamambuno Wakai Jon muno boglkwa 18:25

Endi gaglmara igle Pita andigl endi pir moglko, ana yomba tau yegl di ye teingwa, “Ene ombugl yagl i disaipelmo ta motngra iwe?” Ba Pita ditorwa ere yegl dungwa, “Taman, na ta manga.”

Kamambuno Wakai Jon muno boglkwa 18:5

Ye di ikine endingwa, “Yesus Nasaret nem.” Ana Yesus dungwa, “I na moglka iwe.” Ana Judas ipi kunda ikine tenambuka yagle ye akiye igle andigl meglkwa.

Kamambuno Wakai Jon muno boglkwa 18:8

Ana Yesus di ikine endungwa, “Na ene diteingra, i na moglka iwe, ba ene na pre dokimbi prawa, yagl wagle tau i kondimbi ende piyondo.”

Kamambuno Wakai Jon muno boglkwa 21:15

Ye kaiya mokna ne kondingo, Yesus di Saimon Pita tongwa, “Saimon, ene Jon wam, yomba tau na wakai kanigwa ba ene na pre mundun kaima kaima pamo?” Saimon Pita di ikine endungwa, “Kaima, Yaglkande, ene pirkan etnga, na ene pre munduna kaima pangwa.” Yesus di Pita tongwa, “Na sipsipna nangigle ene kaiya mokna to.”

Aposel 12:13

Ana Pita yungu dra mendakra yungu dra sigiu dungo ana nigl-kongun ambai ta kangiye Roda we dingwa, ye ira umedi kanapre dua mina ungwa.