Kamambuno Wakai Jon muno boglkwa 17:15 - Yesus kamo wakai

¹⁵ Na kamange erika i ene makandle igle ye ikorugl endo dikrika. Ba yomba kinde mina ene sutno wakai moratnedi pre na kamange erika.

Kamambuno Wakai Jon muno boglkwa 17:15 ပူးပေါင်းရင်းမြစ်များ

Matyu 5:37

Ene ka mongo bogl dinatnga. Owo din pra iwe, te tamane dimin manga iwe. Ana ka tau pitnara dinatnga ikra Satan mina ungwa.”

Matyu 6:13

Ene no auro i baglnu mina pikro. Taragl kinde mina ene no i-eglke endo.’

Kamambuno Wakai Luk Muno Boglkwa 11:4

No tandaglmeno kinde kondo noro, yeglmere yomba aglau erenorkwa i ama kinde kondo tomga. Ana bagl nusi mina no auro i suna pikro.’”

Kamambuno Wakai Luk Muno Boglkwa 22:32

Ba na ene pre kamange ere kondinga, Saimon, ene pirngi dinga yange sikrambuka. Ana ene ende ikine na mina unatnga enge, ene angitnma wagle pirngino sigigledi to.”

Galesia 1:4

Ana nono erme tandaglme mina suna mounga i Krais no ere-inagle pre ye na sigoraglmedi kanwinge orkwa, i God Neno nomane giglendi prumere ana Yesus pinande orkwa.

2 Tesalonaika 3:3

Ba Yaglkande mambuno pamere orkwa God moglkwa. Ana ye yombuglo bogl tendre sutno moran ana taragl kinde ene mina ukrambuka.

2 Timoti 4:8

Ana mukundi ende okuna wingwa topono du-yene inaglkwa ipre yei-pangwa; topomo i ekin nogl bitno gagl, i Yaglkande ka tange du-yene pirpir orkwa yagle enge kande mina i na narambuka. Te na keunde manga, ba yomba tau ye kanwakai yei unambuka pre sugl kanmeglkwa i ombugl akiye bitno gagl tenambuka.

1 Jon 5:18

Nono pirkan ounga, God nangiglma meglkwa i tandaglme aimande ta ere wanmoglkrikwa. God yene nangiglma sugl wakai moglko ana Satan ta ye erekinde eretekrukwa.

1 Jon 5:19

Nono God nangiglma mounga pre ana pirkan ounga, te makan koglkoglo mogl eimara suna igle Satan kongun akeningandi ere ende okuna ongwa.