Kamambuno Wakai Jon muno boglkwa 16:7 - Yesus kamo wakai

⁷ Ba na ka kaima ene diteinga, ene wu wakai enaglkwa pre na endinaglka. Na ende pikrimbo ana ene akeple dinambuka i ta ukrambuka. Ba na ende imbo ana ye di ene mina endinaglka.

Kamambuno Wakai Jon muno boglkwa 16:7 ပူးပေါင်းရင်းမြစ်များ

Kamambuno Wakai Luk Muno Boglkwa 24:49

Ana na Nina okuna taragl ene tenagledi ka dipanduglkwa ikra na di ene mina endinaglka. Yeglpre ene siti sugl kan meglmbi kamun mitna yombuglo ende atne ene mina unambuka.”

Kamambuno Wakai Luk Muno Boglkwa 4:25

Piryo, na kaima ene ditenga. Elaija moglkwa enge i ambu werai merkinde Israel dumo suna meglkwa, ana buglayungu suwota ya te ba 6 kamun sikruko, te Israel makan koglkoglo kindan pond yongwa.

Kamambuno Wakai Luk Muno Boglkwa 9:27

Na ka kaima ene diteinga, yomba tau mangigl andigl meglkwa ya, ye goglkre kor-moglpai ana God kingdom kanaglkwa.”

Kamambuno Wakai Jon muno boglkwa 14:26

Ba Holi Spirit ene akeple dinambuka, Nina eremogl na kangina mina diendinambuka. Ye ene taragl prapra beke tenambuka, te na ka okuna diteinga ikra ene prapra ditenambuka.

Kamambuno Wakai Jon muno boglkwa 14:28

“Ene na ka dinga i pirkwa, ‘Na ende bangeta pindre ana na aglke ende ikine ene meglmara unaglka.’ Ba ene na wakai kanimbi, ana na ende Nina moglmara enaglka i ene gun yenaglkwa. Sraglpre, Nina mogl-mitna ende na narkwa.

Kamambuno Wakai Jon muno boglkwa 14:3

Ana na pindre angaino dumo ake kuno ertre, na ende ikine undre ene auro i-yeimbo, ana na moraglmara igle nono akiye moramga.

Kamambuno Wakai Jon muno boglkwa 15:26

“Spirit ene akepledi tenambuka, ye Nina bogl moglkwa ana na ye diendimbo ene mina unambuka. Ye ka kaima dungwa Spirit, ana Nina bogl moglkwa. Ye undre ana na embriyena ya konguna i dipene endinambuka.

Kamambuno Wakai Jon muno boglkwa 16:8

Ana ye unambuka enge, makandle yomba tandaglmeno erikwa ombuno dindre te mambuno du-wakai ombuno dindre ana God ka-tange tenambuka mambuno i i-pene endinambuka.

Kamambuno Wakai Jon muno boglkwa 7:39

Ye ka i Holi Spirit pre yegl dungwa. Yomba ta ye wedi pirngi dinaglkwa, ana Holi Spirit inaglkwa. Ana enge igle Yesus kangiye kande ikrukwa ipre Holi Spirit ende atne ukrukwa.

Aposel 10:34

Ana Pita mambuno ere ka yegl dungwa, “Na erme kaima pirkan erika, God eremogl yomba prapra kangino ya epigl ipre ta wakai pirkrukwa.

Aposel 2:33

Yesus ukor pindre ana ende heven pi God ongo wokra moglkwa. Ana ye Nem okuna Holi Spirit tenagledi ka dipandigl dungo pamara pre ye Nem mina indre ana erme toindi no mina endungo, ana Holi Spirit i yombuglomo ene pirtre kandre erikwa.

Pol pepa muno bogl Rom yomba tongwa 8:28

God pre munduno pangwa yomba, ye God i-ikine endinagledi okuna kana prukwa panan ana pinde yungwa. Nono pirkan ounga, God ye mina taragl prapra ere akeple di wu wakai inaglkwa.

2 Korin 4:17

Ipre no erme enge sungunagle keme yumbun yumga i taragl kande tamanga, i no akepledi noro auro yenan ambuglange kande wakai mina aimande moramga inamga, i taragl kande kaima pai yumbun kembra kanekane i engre tongwa.