Kamambuno Wakai Jon muno boglkwa 16:32 - Yesus kamo wakai

³² Ba enge ta unambuka ikra wu kondungwa. Engemo igle ene teke wu perepere pindre ana ende enene yungunomugl enaglkwa. Na kondimbi mundu moraglka, ba nana mundu ta moglkraglka, Nina na bogl akiye mouglka.

Kamambuno Wakai Jon muno boglkwa 16:32 ပူးပေါင်းရင်းမြစ်များ

Matyu 26:31

Ana Yesus disaipelma wagle ditongwa, “Erme enduwer i keunde ene prapra na pre teke ende pindre ana na kondinaglkwa. Kamambuno pepa mina yegl dungwa: “‘God eremogl sipsip sugl yomba sigoran, ana sipsip undupagl ere ende perepere enaglkwa.’

Matyu 26:56

Ba taragl prapra plau dungwa i propet yegl erambedi kamambuno pepa mina suna boglmere kaima plau dungwa.” Ana disaipelma wagle prapra ye kindekondo ana teke ende perepere eingwa.

Kamambuno wakai Mak muno boglkwa 14:27

Yesus disaipelma wagle ditongwa, “Ene prapra teke pindre ana na kondinaglkwa. Sraglpre, kamambuno mina muno yegl beglkwa pangwa: “‘Na sipsip sugl yomba sigoglmbo, ana sipsip prapra undupagl eraglkwa.’

Kamambuno wakai Mak muno boglkwa 14:50

Ana disaipelmo wagle prapra ye kindekondo undupagl ere teke ende perepere eingwa.

Kamambuno Wakai Jon muno boglkwa 12:23

Yesus di ikine ende tongwa, “Yomba Wam kangiye kande inambuka engemo erme magl orkwa.

Kamambuno Wakai Jon muno boglkwa 16:2

Ye makai yungu mina ene simenda ende, te okuwo enge ta unan yomba ene sigogltre, ana ye God kongunmo wakai ere tomunedi piraglkwa.

Kamambuno Wakai Jon muno boglkwa 16:25

“Okuna na ka pandum keunde dite wingra, ba enge ta yenan na ka pandum ta dikraglka. Ba okuwo na Nina pre ka nongugl mongo bogl ene ditenaglka.

Kamambuno Wakai Jon muno boglkwa 16:31

Yesus yegl di ikine endungwa, “Ene erme pirngi dimo?

Kamambuno Wakai Jon muno boglkwa 19:27

Te ama yegl di disaipel ikra tongwa, “Ambu i ene man.” Ana enge igle disaipel ikra Yesus mam Maria auro yend yungumo mina ongwa.

Kamambuno Wakai Jon muno boglkwa 20:10

Ana disaipel suwo ikra ye ende ikine yungunomugl embrika.

Kamambuno Wakai Jon muno boglkwa 4:21

Yesus yegl di ambumo tongwa, “Ambu ya, ene na ka dinga i pirngi do, okuwo enge ta plau dinan kade ana makan muglo i mo Jerusalem suna i keunde ta yomba ye nina dembiye karaugl ere te moglkraglkwa.

Kamambuno Wakai Jon muno boglkwa 4:23

Ba enge ta plau dina orkwa ikra, ana erme wu pene ongwa. Yomba God dembiye kaima karaugl ere tenaglkwa engemo, ana ye Holi Spirit yombuglomo mina ya te mambuno wakai kaima mina nina dembiye sitembi, ana yomba yeglmere nina dembiye karaugl ere tenaglkwa, ye wakai pirambuka.

Kamambuno Wakai Jon muno boglkwa 5:25

Na ka kaima di ene teinga, enge ta unagledi orkwa, i erme wu kondungwa, enge i yomba geglkwa ana God Wam kamo piraglkwa. Ana yomba ta ka i piran kande ye kor-moraglkwa i inaglkwa.

Kamambuno Wakai Jon muno boglkwa 5:28

“Ka ipre ene sipuglo dikriyo, enge ta unan ana yomba geglkwa mauglno mina paingwa ye eremogl Yesus nungomo embriye pirtre,

Kamambuno Wakai Jon muno boglkwa 8:16

Ba na ta yumbu sinaglka mere pama dagl, na kaima pamere yumbu singo, sraglpre, nana mundu ta manga, Nina na diendungo winga bogl akiye mouglka.

Kamambuno Wakai Jon muno boglkwa 8:29

Na diendungo winga ye na bogl mouglka, ye na kondungo mundu ta moglkrika, sraglpre na engenge ye prumere i keunde erika.”

Aposel 21:6

Ye no diwakai yeingo te no ye diwakai yeitendre okuwo no sip mina ende suna omgo ana ye ende ikine yungunomugl eingwa.

Aposel 8:1

Ana ande enge suwara i keunde God yombama Jerusalem kamun meglmara yumbun pond ungwa. Yeglpre ana God yombama ye teke ende perepere pi Judia ya te Samaria makan eingwa. Te aposel wagle yene mundu Jerusalem meglkwa.