Kamambuno Wakai Jon muno boglkwa 16:30 - Yesus kamo wakai

³⁰ Erme no kamga, ene taragl prapra pirpogl singa, ana yomba suwarata krapogl ene tekrikwa. Ye poglodi pirkwa i ene kan-kondinga, yegl etnara i no pirngi dumga, ene God moglmara mogltre unga.”

Kamambuno Wakai Jon muno boglkwa 16:30 ပူးပေါင်းရင်းမြစ်များ

Kamambuno Wakai Jon muno boglkwa 16:17

Ye disaipelma tau ye yene krapogl imboriya endingwa, “Ye ka dungwa i mambuno sraglmere pame? Ye yegl di norkwa, ‘Enge sungunagle ta ene na kankraglkwa, ana okuwo enge sungunagle ta na aglke kanaglkwa. Te ye ombugl yegl dungwa, na ende Nina moglmara enaglka?’”

Kamambuno Wakai Jon muno boglkwa 16:23

Ana engemo igle ene taragl ta pre na kra ta poglkraglkwa. Na ka kaima ene di teinga: Ene taragl ta inamunedi pre na kangina mina Nina krapogl tembi, ana ye ene tenambuka.

Kamambuno Wakai Jon muno boglkwa 16:26

Enge i plau dinan ene na kangina dagltre ana Nina kraporaglkwa. Ene dinaglmere na Nina krapogl tenagle ta dikrika.

Kamambuno Wakai Jon muno boglkwa 16:31

Yesus yegl di ikine endungwa, “Ene erme pirngi dimo?

Kamambuno Wakai Jon muno boglkwa 17:8

Sraglpre, ene ka dinatnga i ye diteingo ana ye pir i-kondingwa. Na ene mina winga i ye pirkwa, ka i ka kaima pangwa, ana na diendingo winga i ye pirngi dingwa.

Kamambuno Wakai Jon muno boglkwa 2:11

Yesus kimagl koragle kaima Kena kamun Galili dumo kande suna igle orkwa, i ye yombuglomo ombuno dungo disaipelma wagle kandre ana Yesus pirngi dingwa.

Kamambuno Wakai Jon muno boglkwa 21:17

Ana aglke kordagl Yesus krapoglko ana suwota orkwa, “Saimon Pita, Jon wam, ene na pre mundun pamo?” Pita kinde prukwa, sraglpre Yesus ka kra enge suwota yegl pogl ye tongwa, “Pita, ene na pre mundun kaima pamo?” Ana Pita ditongwa, “Yaglkande ene taragl prapra pirkan etnga, ipre ene pirkan etnga, na ene pre munduna kaima pangwa.” Yesus di Pita tongwa, “Na sipsipna ene sugl wakai moglo.

Kamambuno Wakai Jon muno boglkwa 5:20

Ana Nem eremogl Wam kanwakai yendre, ana yene taragl kanekane ta orkwa i Wam ombuno ditongwa. Kaima, ye ama Wam taragl kande kaima erambuka pre ombunodi tenan ana ye taragl pond kaima eran ene prapra kandre alagl sinaglkwa.

Kamambuno Wakai Jon muno boglkwa 8:42

Yesus yegl di ye tongwa, “Ene Neno kaima God moran kade ana ene na wakai kanaglkwa. Sraglpre, na God mina undre ana erme igle moglka. Na pirmere ta wu erekrika, ba ye na diendungo wingwa.

Hibru 4:13

Ana God ongumuglo mina taragl prapra ereyongwa i teke ta paikraglkwa, taragl prapra i tu poko ende ye ongumuglo mina nongugl yongwa. Te yomba nono mambuno kanekane ounga i okuwo ye dipogl norambuka ana nono di ikine endinamga.