Kamambuno Wakai Jon muno boglkwa 16:24 - Yesus kamo wakai

²⁴ Okuna yei ende wu etne ungwa i ene taragl ta inamunedi na kangina mina krapoglkrikura, ene krapeglmbi ana indre ene gun yenaglkwa, i ene mina kausi panambuka.

Kamambuno Wakai Jon muno boglkwa 16:24 ပူးပေါင်းရင်းမြစ်များ

Matyu 6:9

“Ipre ene kamange yegl eraglkwa: “‘No Neno ene heven suna motnga, ene kangin holi panambiwo.

Kamambuno Wakai Jon muno boglkwa 14:1

“Ene kinde pirtre nomano yumbun dekrano, ene God wedi pirngi dindre, ana na akiye pirngi diyo.

Kamambuno Wakai Jon muno boglkwa 14:14

Ana na kangina mina ene taragl ta pre krapogl dimbi ana i na pra eraglka.

Kamambuno Wakai Jon muno boglkwa 15:11

Na ka i ene diteinga, yeglpre na gun yeinga i ene mina suna yenambuka, ana ene yegl erimara ipre, gun pond kaima yenaglkwa.

Kamambuno Wakai Jon muno boglkwa 16:23

Ana engemo igle ene taragl ta pre na kra ta poglkraglkwa. Na ka kaima ene di teinga: Ene taragl ta inamunedi pre na kangina mina Nina krapogl tembi, ana ye ene tenambuka.

Kamambuno Wakai Jon muno boglkwa 3:29

Ba yagl ta ambu inan ana ambu i ye embiye moglkwa. Yaglmo i yomba ta yeinongwa ye magl mogltre ka dungwa i pirtre ana pir gun yongwa yeglmere na ama gun pond yeinga i pra kuno orkwa.

2 Tesalonaika 1:2

God Neno ya Yaglkande Yesus Krais ye wakaino ya te mambunomo pokndungwa i ene mina pandigl tenambriwo.

2 Jon 1:12

Na ka tau merkinde pangwa ene ditenagledi pirka, ba ka i pepa mina bora kiurika. Na ende ene meglmara wimbo ana nono gumano kandre ka di pirpir oun ana nono gun pond yeinamga.