Kamambuno Wakai Jon muno boglkwa 16:20 - Yesus kamo wakai

²⁰ Na ka kaima ene diteinga, ene kai pond ere te munduno kinde piraglkwa, ba makandle yomba gun yenaglkwa, te ene kinde piraglkwa, ba ene kinde piraglkwa yake tenan ana gun pond yenaglkwa.

Kamambuno Wakai Jon muno boglkwa 16:20 ပူးပေါင်းရင်းမြစ်များ

Matyu 21:38

“Ba enge i sugl yomba ye wam kaima kandre ye yene di ikine ikine ende pirkwa, ‘I wain nemyagl wam ungwa. Ende wiyo. Nono ye sigogl ana ye wainmo togl i nono inamga.’

Matyu 5:4

Yomba kai kaglkane ere meglkwa, God eran ye gun yenaglkwa, God deno munduno akebiyei tenambuka.

Kamambuno wakai Mak muno boglkwa 14:72

Yegl dungo ana oglandi konduwagle kumugl wi aglke sungo suwo orko, ana Pita eremogl Yesus ka okuna ditongwa ikra prukwa, “Konduwagle wi enge suwo sikran ene enge suwota na ye kankrika we dinatnga.” Ana ye yangesi oglmbugldi indre ana kai pond orkwa.

Kamambuno wakai Mak muno boglkwa 16:10

Ambumo i ende pi Yesus bogl akiye waningwa yomba kango, ye pre miriye gogl kaimo ere meglkwa.

Kamambuno Wakai Luk Muno Boglkwa 22:45

Ana kamange erekondo ye andigltre, ende ikine disaipelma wagle meglmara pindre, ana kango ye ugl paimeglkwa. Sraglpre, ye nomano yumbun dongo pre ugl paingwa.

Kamambuno Wakai Luk Muno Boglkwa 22:62

Ana Pita ende menda pindre kai pond kaima orkwa.

Kamambuno Wakai Luk Muno Boglkwa 23:27

Ana yomba merkinde kaima Yesus omara mokomugl eingwa. Ana eimara i ambu tau Yesus pre miriye gogl kai giglendi erikwa.

Kamambuno Wakai Luk Muno Boglkwa 24:17

Yesus krapogl tongwa, “Ene sragl taragl pre denbi di imbor ya ende umbre?” Ye andigl diglkindi miurko ana gumano drano wu kinde ongwa.

Kamambuno Wakai Luk Muno Boglkwa 24:21

Ana ye suwara Israel yomba toposi ikine endinambedi no okuna yegl punga, ba ka ta ama pangwa i taragl prapra plau dingura i erme ande enge suwota orkwa.

Kamambuno Wakai Luk Muno Boglkwa 6:21

Yomba erme kindan geglkwa God eran ye gun yenaglkwa, okuwo ene nembi kau sinambuka. Yomba erme kai erikwa. God eran ye gun yenaglkwa, okuwo ene gaugl eraglkwa.

Kamambuno Wakai Jon muno boglkwa 16:33

“Na taragl i prapra ene dite kondinga. Yeglpre na bogl akiye meglmbi ene nomano pokndi yenambuka. Makandle yomba ene yumbun tenaglkwa, ba ene andigl giglendi molo, na makan yomba yombutno i engre atne ende kondinga.”

Kamambuno Wakai Jon muno boglkwa 16:6

Na ka i erme diteinga pre ene nomano yumbun pond dongwa.

Kamambuno Wakai Jon muno boglkwa 20:20

Ye ka i di kondo okuwo, ye ongo koglkoglo ya te dangigle ombunodi disaipel wagle tongwa. Ana disaipel wagle Yaglkande kandre ye gun pond kaima yeingwa.

Aposel 5:41

Ana ye kaunsol wagle kondo ende pindre ana gun pond yei God teingwa; sraglpre, God ye wedi prukwa pre ye Yesus kangiye mina kumba bogltre angai geglkwa.

Pol pepa muno bogl Rom yomba tongwa 5:11

Ba i keme manga. Nono Yaglkandeno Yesus Krais akepledi norko ana nono God bogl nomano suwara yei mounga. Yeglpre ye mambuno ormara i mina nono gunyei God diwakai yeite moramga.

2 Korin 6:10

Kaima, no nono mitno gounga ba i manga, no engenge gun keunde yomga, te no diminge pai norokrukwa ba yomba taragl merkinde inaglkwa pre akepledi tomga. Kaima, no nono taragl merkinde ake-nekunga ba taragl wakai kaima ake-nomga i noisi moglkwa.

Galesia 5:22

Holi Spirit eremogl nono mambuno wakai yeglmere eraglmedi i-pene endungwa. Yomba tau kanwakai yenamga, ya gun yenamga ya deno munduno bipokndi yenambuka ya deno oglandi kumbrokramga ya yomba ta wakai pir tendre akeple dinamga ya gun argan bogl mogltre, te engenge embriye mambuno du-wakai ere wanmoglpai eramga,

1 Tesalonaika 1:6

Te God kamo ene pir ingwa pre ana yumbun kanekane ingwa. Ba ene ama no mambuno ounere ya Yaglkande mambunomo ene siye erikwa. Ipre Holi Spirit ene nomano ake undungo gun yeingwa.

Jems 1:2

Angrima wagle, taragl kanekane ene mina yange sinaglmedi eran, ana yegl erambara i mina ene gun yenaglkwa.

Jut pepa muno i boglkwa 1:24

God ene sutno wakai moran, ene yange sikraglkwa ye pra ene auro i ambuglangemo mina enambuka kuno orkwa. I ene aglau maglau ta paikran ana ene gun pond kaima yenaglkwa.

Ka Teke Pangwa 11:10

Ana yagl suwo geur makandle koglkoglo yagl ambu prapra gun pond yei, ama munduno argan pre taragl te imboriya endinaglkwa. Sraglpre, propet suwo i giu pond kaima makandle yagl ambu tembrika.

Ka Teke Pangwa 18:7

Ye yene nendre indre kangiye ake mitna ende te karaugl engrukwa, ye karaugl engrumere yegl ana ene giu merkinde ereteiyo. Ene yegl ereteimbi ye kai merkinde erambuka. Ye nomane suna yegl prukura, ‘Na ambu werai ta moglkrika, na ambu kande kuwin moglka. Ipre na ambu kuwin mereyegl sia mina amediga te kai kaima ta erekraglka.’