Kamambuno Wakai Jon muno boglkwa 15:21 - Yesus kamo wakai

²¹ Ye taragl yegl pra ere ene tenaglkwa, sraglpre ene na yombana meglkwa, yeglpre na diendungo wingwa yagle i ye ta pirkan erekrikwa.

Kamambuno Wakai Jon muno boglkwa 15:21 ပူးပေါင်းရင်းမြစ်များ

Matyu 10:18

Ana ene na nangrima meglkwa pre, ene ipi king ya gavman mina ka-tange tenaglkwa. Yegl erimbi ene yomba kande ya Yomba Bina ye gumano mina andigl mogl ana kamambuno diteyo.

Matyu 10:22

Yomba prapra ene kankinde yenaglkwa, i na kangina ene mina pangwa pre yegl eraglkwa. Ba yomba ta pirngidi wanmogl pi enge pradinambara enan, God ere-inambuka.

Matyu 10:39

Te yomba ta yene kor-moragledi kongunmo ere wanmoran ana orkwa i pra taya enambuka. Ba yomba ta na pre ere kor-morambuka i kinde kondinan ye kor-morambuka tenaglka.

Matyu 24:9

“Ana enge igle ene kanesi, ana eresi te ene sigoraglkwa pre tekoglo endinaglkwa. Na kangina ene mina pangwa ipre yomba uglomugl koglkoglo pir kinde yei ene tenaglkwa.

Matyu 5:11

“Yomba kanimbi ene na yombanma meglmbi, ana ye eremogl ene ka kinde dite, ere sindre te, kakimbi kanekane ditembi, ana God eran ene gun yenaglkwa.

Kamambuno wakai Mak muno boglkwa 13:13

Ana yomba prapra ene kankinde yenaglkwa i na kangina ene mina pangwa pre yegl eraglkwa. Ba yomba ta ye andigl giglendi moran ana enge pradinan God eremogl yombamo i ereinambuka.

Kamambuno Wakai Luk Muno Boglkwa 21:12

“Taragl i prapra plau dikrimbi, yomba ene eresindre ana sikanesi ipi makai yungu pindre ana kane yungu endinaglkwa. Ye ene ipi king wagle ya gavman kande dumonomugl enaglkwa, ana i na kangina ene mina yongwa pre yegl eraglkwa.

Kamambuno Wakai Luk Muno Boglkwa 21:17

Yomba prapra nomano kinde pir ene tenaglkwa, sraglpre, na kangina ene mina yongwa.

Kamambuno Wakai Luk Muno Boglkwa 6:22

Yomba ta ene kankinde yeimbi God eran ene gun yenaglkwa, ene mane ditendre ka kinde dite, ana ene yomba kinde we dinaglkwa enge God eran ene gun yenaglkwa. Sraglpre i prapra Yomba Wam pre erikwa.

Kamambuno Wakai Jon muno boglkwa 15:24

Ba yomba ta okuna kana wu kongun giglendi erekrimere yegl na ye mina pukamugl mogl ana kongun giglendi i ta erekriya, ana ye tandaglmeno pre angai goglkraglkwa. Ba erme ye kimagl na erika i prapra kandre ana kunda ikine ere na nare ama Nina kunda ikine ere teingwa.

Kamambuno Wakai Jon muno boglkwa 16:3

Ye na Nina pre pirpogl sikre te na ama pirpogl sikrikwa, ipre ye mambuno yegl eraglkwa.

Kamambuno Wakai Jon muno boglkwa 17:25

“Nina ene du-wakai kaima motnga, makan yomba ene pre pirpogl sikrikwa, ba na ene pirkan eriko te yomba na bogl meglkwa i ye pirkan erikwa, ene na diendingo winga.

Kamambuno Wakai Jon muno boglkwa 8:19

Parisi wagle yegl di Yesus teingwa, “Nen aglokra moglme?” Yesus yegl di ikine ende tongwa, “Ene na ta pirkan erekrimbi, Nina ombugl ta pirkan erekraglkwa. Ba ene na pirkan erimbi ana Nina ama pirkan eraglkwa.”

Kamambuno Wakai Jon muno boglkwa 8:54

Yesus yegl di ikine endungwa, “Ana na, nana kangina ta akeple dinagledi erimbo na kangina ta paikrambuka. Yomba ta na kangina akeple dungwa i na Nina. Ye suwara i ene Godno we dingwa.

Kamambuno Wakai Jon muno boglkwa 8:55

Ene ye kaima ta kankrikwa, ba na ye kaninga. Ana na ye ta kankriye dimbo, ene kakimbi yomba meglmere yegl eraglka. Ba na ye pirkan erika pre ye kamo dumere pinande erika.

Aposel 17:23

Na yegl diga i sraglpre, na ene kamunomugl wu ikine-ikine pi wanmogl ene dembiye karaugl erimara dumo yeingwa igle wakai ere kaninga, te alta suwarata mina muno yegl beglko pangwa kaninga, ‘I GOD TA PIRKUNGA YE TARAGLMO.’ Ana ene God ta pirkre dembiye karaugl erete meglkwa i na erme ye kamo dipene ende ene tenaglka.

Aposel 26:9

“Ana Yesus Nasaret kamun nem, ye kangiye erekinde eragledi pre na okuna ama kongun kinde yegl merkinde erika.

Aposel 3:17

“Angrima wagle, na erme pirkan erika, ene yombano kande bogl mambuno kaima pir pogl sikre Yesus erekinde ereteingwa.

Aposel 4:17

Ba ka i waidi ende yomba prapra mina pi dinambiwa, ipre nono manedi ye tomun, ana ye eremogl Yesus kangiye aglketa dagl yomba tekrambrika.”

Aposel 5:41

Ana ye kaunsol wagle kondo ende pindre ana gun pond yei God teingwa; sraglpre, God ye wedi prukwa pre ye Yesus kangiye mina kumba bogltre angai geglkwa.

Aposel 9:14

Te pris kande wagle yombuglo tengo ana yomba ene dembino site meglkwa i prapra sikane sina pre ye ende Damaskas ungwa.”

Aposel 9:16

Te na kangina pre ere ye yumbun kanekane inambuka i nana ombuno ditenaglka.”

Pol pepa muno bogl Rom yomba tongwa 1:28

Ye eremogl God wedi nomane mina pirpogl sikrikwa pre, God kan winge orko ana ye nomano kinde anduglmara i ende eingwa. Yegl ere, ana mambuno kinde kanekane paikrumere mere ere wanmeglkwa.

1 Korin 15:34

Ene nomano kinde kindekondo nomano wakai iyo, te tandaglme erikwa mambuno i kindekondiyo. Ana ene mina yomba tau God mambunomo kiure meglkwa i ene angai goraglkwa pre ka yegl diga.

1 Korin 2:8

Makandle kaungo yomba ye nomano wakai kamo mambuno i ta pirpogl sikrikwa. Ye i pirpogl sima daglma ana Yaglkande kangiye kande pangwa ye endi-prak mina sikriko.

2 Tesalonaika 1:8

Yegl ere yomba God mambunomo kiure meglkwa ya nono Yaglkandeno Yesus ye kamo mambuno wakai pinande erekrikwa yomba ye punduwo kinde bagl ikine ende tenambuka.

1 Jon 3:1

Kaniyo! Neno Kande nono pre munduwo pond kaima pangwa. Yegl orko ye nono pre God nangiglma we dungwa, i kaima nono God nangiglma mounga iwe. Ana makan yomba eremogl God pirkan erekrikwa mambuno ipre, nono ama pirkan erekrikwa.

3 Jon 1:7

Yesus Krais kangiye dimitna endina-pre kamambuno kongun ere ende menda eingwa ba kamambuno kiurikwa yomba mina taragl akeple dinambuka ta ikrikwa.

Ka Teke Pangwa 2:3

Na kangina pre ere ene yumbun pond inga, ba ene ta oglka ere kinde kondokitnga. Ene giglendi motnga.