Kamambuno Wakai Jon muno boglkwa 15:12 - Yesus kamo wakai

¹² Na lona i yegl pangwa, ene suwara suwarandi angro ta kan wakai yenaglkwa. Na ene wakai kanimere kuno yegl.

Kamambuno Wakai Jon muno boglkwa 15:12 ပူးပေါင်းရင်းမြစ်များ

Kamambuno Wakai Jon muno boglkwa 13:34

“Na erme lo kor ta ene teinga. Yomba prapra i ene kanwakai yeiyo. Na ene wakai kaninga yeglmere ene ama yomba prapra kanwakai yenaglkwa.

Kamambuno Wakai Jon muno boglkwa 15:17

Ana na lona i yegl pangwa, enene mina angro kanwakai yeiyo.

Pol pepa muno bogl Rom yomba tongwa 12:10

Te ene God yombamo meglkwa ipre pirimbi munduno pond panan enene mina ikine-ikine kanwakai yei moraglkwa. Te ene suwara suwarandi yomba ta pre pirimbi mitna erambuka mambuno i enene mina panambiwo.

Efesus 5:2

Yomba ta kanwakai yeingwa embriye igle mina moglpai eraglkwa i Krais ombugl nono kanwakai yendre ana nono pre goglko ana nangiye kombuglange endungo demine wakai orko God wakai prukwa.

1 Tesalonaika 3:12

Yaglkande i kangwa mambuno i ene mina pandigl tenan kau sinan ana ene angro ya te yomba tau prapra kanwakai yeinaglkwa. Kuno yeglmere no okuna ama ene deno munduno tomunere yeglkra eraglkwa.

1 Tesalonaika 4:9

Ana God yombama angro ta kanwakai yenaglkwa kanno ipre na pepa muno wakane bogl tenaglka paikrukwa. Sraglpre ene angro ta kan wakai yenaglkwa mambuno i God yene ene bekete kondungwa.

2 Tesalonaika 1:3

Angrima wagle, ene pre no God engenge diwakai yei tenamga i mambuno wakai pangwa. Sraglpre ene pirngi dingwa i yake wu kande kande ongo te ene yombano mina kanwakai yengwa mambuno i ama yake wu kande pond kaima ongwa.

1 Pita 1:22

Ene erme ka kaima pirtre duglo beglmara i mina enene wu wakai pindre ana God yombama tau kanwakai yeingwa, te ene nomano mina angro ta pre pirmbi mitna kaima erambuka.

1 Pita 3:8

Ka yegl di poriya sinaglka. Ene kindaginde nomano suwara yei ana yomba prapra mitno goraglmiwo. Te ene angro tau pre munduno panan ana argan ere tendre te enene pre pirimbi atne eran moraglmiwo.

1 Pita 4:8

Ene yomba ta kanwakai yeinaglkwa mambuno i akegidi molo. Sraglpre, kanwakai yeingwa mambuno i tandaglme merkinde simbre ertre ama mambuno wakai tau engre atne endungwa.

1 Jon 3:23

Ana ye lomo yegl pangwa: Nono ye Wam Yesus Krais kangiye pirngidi ana yomba ta pre munduno panan kanwakai yeinamga, i ye nono eriyo dinormere eramga.

1 Jon 4:21

Ana Krais ka giglendi yegl dinorkwa: Yomba ta God pre munduwo panan ana ye angigle pre munduwo ama panambuka.

2 Jon 1:5

Ambu ya, na erme lo kor ta bogl ene tekrika, okuna mambuno ere lo ta dinerko pirkondumga ikra na kordagl krapoglka: Nono yomba kanwakai yeinamga.