Kamambuno Wakai Jon muno boglkwa 13:1 - Yesus kamo wakai

¹ Pasova ne-ne erikwa engemo i mangigl orko. Yesus prukwa ye makandle kondo ana ende ikine Nem moglmara enambuka engemo i magl orkwa. Ye yene yombama makandle meglkwa i engenge wakai kangwa mambuno i ye mina aimande paimoran ana ye gorambuka.

Kamambuno Wakai Jon muno boglkwa 13:1 ပူးပေါင်းရင်းမြစ်များ

Matyu 26:45

Okuwo ye ende ikine disaipelma wagle meglmara undre ana dungwa, “Ene ugl kanane pai ana mogl pirmo? Kaniyo, enge magl orkwa. Yomba Wam i-pene ende tekoglo tandaglme kinde erikwa yaglkumba onguno mina yenaglkwa.

Matyu 28:20

Na taragl prapra ene dite kondingra, i ene beke tembi yomba pir pinande eraglkwa. Ana kaima yene, na ene bogl akiye engenge mogl-eimbo enge i dundinambuka.”

Kamambuno Wakai Luk Muno Boglkwa 22:53

Na ande engenge God holi yungumo togl suna ene bogl akiye moungra, ana ene onguno ta na nangina akekrikura. Ba ande kuiya erme i ene engeno yongo te mim yombuglomo wu pond pi yombuglo orkwa.”

Kamambuno Wakai Luk Muno Boglkwa 9:51

God eremogl Yesus auro yend imbo heven enambuka enge mangigl orko, ana Yesus ende Jerusalem enagledi poglodi prukwa.

Kamambuno Wakai Jon muno boglkwa 11:55

Ana Juda yomba Pasova engeno kande magl orko, dumo kande igle yomba prapra ende egli Jerusalem suna pindre ana yene tandaglmeno koko endimbi kade ana okuwo Pasova yenambuka pre eingwa.

Kamambuno Wakai Jon muno boglkwa 12:23

Yesus di ikine ende tongwa, “Yomba Wam kangiye kande inambuka engemo erme magl orkwa.

Kamambuno Wakai Jon muno boglkwa 13:29

Judas moni gagl sugl moglkwa pre disaipel tau yegl pirkwa, ye pindre Pasova enge kande pre taragl tau topo erambuka pre ditomo mo, kiuglgiunde yomba taragl tau tenambuka pre ditomedi pirkwa.

Kamambuno Wakai Jon muno boglkwa 13:3

Ana Yesus pirkan orkwa i Nem yombuglomo giglendi mundu ye tekondungwa. Ana ye prukwa yene God mina ungwa ana aglke ende ikine God moglmara enambuka.

Kamambuno Wakai Jon muno boglkwa 13:34

“Na erme lo kor ta ene teinga. Yomba prapra i ene kanwakai yeiyo. Na ene wakai kaninga yeglmere ene ama yomba prapra kanwakai yenaglkwa.

Kamambuno Wakai Jon muno boglkwa 14:28

“Ene na ka dinga i pirkwa, ‘Na ende bangeta pindre ana na aglke ende ikine ene meglmara unaglka.’ Ba ene na wakai kanimbi, ana na ende Nina moglmara enaglka i ene gun yenaglkwa. Sraglpre, Nina mogl-mitna ende na narkwa.

Kamambuno Wakai Jon muno boglkwa 14:31

Ba makandle yomba pirkan eraglkwa na Nina kanwakai yeinga. Ipre Nina taragl yegl ero dinarumere i keunde na erika. “Ende wiyo. Nono dumo igle kondo endinamuna.”

Kamambuno Wakai Jon muno boglkwa 16:28

Na Nina mina mogltre ana ende makan mina winga, ana erme na makan mina kondo, ende ikine Nina moglmara enaglka.”

Kamambuno Wakai Jon muno boglkwa 17:1

Yesus ka i dite kondindre, mokomugl ye kan mitna ende ana kamange orkwa: “Nina, enge ikra magl orkwa. Etne Wan kangiye kande i-pene ende temin, ana Wan ama ene kangin kande i-pene ende tenambuka.

Kamambuno Wakai Jon muno boglkwa 17:16

Ye makandle igle yomba ta moglkrikwa, te na ama makandle igle yomba ta moglkrika.

Kamambuno Wakai Jon muno boglkwa 17:26

Na ene kangin ye mina dipene endingo ye pirpogl singwa, te na dimere yegl dimogl eimbo ana na wakai kanga mambuno ikra ye mina panan kade ye yomba tau kanwakai yembi ana na ye mina moraglka.”

Kamambuno Wakai Jon muno boglkwa 17:5

Nina, okuna dumo makan plau dikrukwa enge na ene bogl akiye mouglka, ana na kangina kande pangwa. Ana kangina kande ikra erme aglke nare ikine endimin ana na ene bogl akiye morambuglka.

Kamambuno Wakai Jon muno boglkwa 18:4

Yesus yene mina taragl prapra plau dinambuka i pirtre, ana ye ende okuna undre krapogl tongwa, “Ene ira pre dokime?”

Kamambuno Wakai Jon muno boglkwa 19:28

Yesus pirkan orkwa enge erme ye kongunmo prapra erekondungwa, orkwa i kamambuno pepa mina okuna muno beglko pamere mere wu giu dungwa, ye yegl dungwa, “Na nigl ninaglka orkwa.”

Kamambuno Wakai Jon muno boglkwa 2:13

Juda yomba Pasova kaiya mokna bir ninaglkwa enge kande magl orko. Yesus ende imbo Jerusalem ongwa.

Kamambuno Wakai Jon muno boglkwa 6:4

Ana Juda yomba Pasova ne-ne erikwa engeno i ende magl ungwa.

Kamambuno Wakai Jon muno boglkwa 7:30

Dungwa ipre yomba ye sikane sinamnedi erikwa, ba Yesus engemo magl ukrukwa. Yeglpre, yomba ta Yesus nangiye akekrikwa.

Kamambuno Wakai Jon muno boglkwa 7:6

Ipre Yesus di ikine endungwa, “Na engena ta magl ukrukwa. Ba engenge i ene engeno yongwa.

Kamambuno Wakai Jon muno boglkwa 8:20

Yesus ka prapra dungwa i God holi yungumo mina yungugl kra, ofa teimara dumo igle mogltre ana ka beke tongwa. Ba yomba ta ye sikane sikrikwa sraglpre ye engemo ta magl erekrukwa.

Pol pepa muno bogl Rom yomba tongwa 8:37

Yumbun kanekane nono mounara plau dungwa ere yenambuka, ba Krais nono mitno goglkwa mambuno i mina nono kunda yombuglo ounga.

1 Korin 1:8

Te ye yombuglo bogl tenan ene gigle kuindi wanmoglpi ana Yaglkandeno Yesus Krais unambuka enge, ene mina aglau ta paikrambuka.

Hibru 3:14

Nono okuna kamambuno punga enge, Krais bogl giglendi bengane yomgra, komnaiye oun ere yegl keme ere mogl omun engeno dundinambuka.

Hibru 3:6

Ana Yesus Krais God wam moglkwa pre yomba prapra God yungumo mereyegl meglkwa i sutno morambuka. Te nono ka ake giglendi norambedi pre sugl kan moun. Ana nono God yungunmo mounga.

Hibru 6:11

No punga ene prapra kongun yombuglo ere ama eremogl embi enge dundinambuka, ene pirngi dingwa i ake gidi meglmbi ana wu yoko pikrambuka yegl eran engemo i plau dinambuka i mongomo inaglkwa ipre no wakai punga.

1 Pita 1:13

Ipre ene nomano du-wakai yenan akekun eremoraglkwa. Te nomano mundu koglosi pirngino mina pandigl, ana Yesus Krais unongugl enan God wakaimo i tenambuka ipre suglmo moraglkwa.

1 Jon 4:19

God komnaiye kana nono pre argan ere kanwakai yongwa, ipre nono ama God ya yomba kanwakai yeinamga.

Ka Teke Pangwa 1:5

Te Yesus Krais ye God kamo pamere dindre, te geglkwa mina ye komnaiye andigl ukor pindre ana makandle king prapra ye sutno moglkwa. Ye ama arganmo ya dem munduwo pokndungwa ene tenambiwo. Ye nono wakai kandre ana bormaimo mina tandaglmeno koko endungo nono wu wakai omga.