Kamambuno Wakai Jon muno boglkwa 12:27 - Yesus kamo wakai

²⁷ “Erme na nomana yumbun dongwa ana na sragl we dinagle? Nina, ene akepledi naro, yumbun i na mina ukrano? Taman, yumbun ipre na winga, yeglpre yumbun unambuka enge i pra na inaglka.

Kamambuno Wakai Jon muno boglkwa 12:27 ပူးပေါင်းရင်းမြစ်များ

Matyu 11:25

Enge igle Yesus ka yegl dungwa, “Nina, ene heven ya te makandle Yaglkande motnga, na ene dembin si teinga. Taragl pirpogl singwa yomba ene kamambunon aketeke yeitendre, te gak kembra mere nomano pangwa yombamo i ene ombunodi tenga.

Matyu 11:26

Owo, Nina, ene taragl i panambedi pitnga mere plau dungwa iwe.”

Matyu 26:42

Ye aglke kordagl ende ikine pi ana kamange orkwa, “Na Nina, geu mingi i pra i-eglke endekratnga panan, i pra na ninaglka, ene pitnere ero.”

Matyu 26:45

Okuwo ye ende ikine disaipelma wagle meglmara undre ana dungwa, “Ene ugl kanane pai ana mogl pirmo? Kaniyo, enge magl orkwa. Yomba Wam i-pene ende tekoglo tandaglme kinde erikwa yaglkumba onguno mina yenaglkwa.

Kamambuno Wakai Luk Muno Boglkwa 22:44

Ana Yesus yumbun pond pirtre, ana kamange merkinde orkwa, ana ye pitnboglkwa i bormai mereyegl kuglosi yange makandle sungwa.

Kamambuno Wakai Luk Muno Boglkwa 22:53

Na ande engenge God holi yungumo togl suna ene bogl akiye moungra, ana ene onguno ta na nangina akekrikura. Ba ande kuiya erme i ene engeno yongo te mim yombuglomo wu pond pi yombuglo orkwa.”

Kamambuno Wakai Jon muno boglkwa 11:41

Yegl dungo ana yomba kombuglo egla pagl i-eglke endingwa. Ana Yesus kanimbo heven ende yegl dungwa, “Nina, na ene diwakai yeinga, sraglpre ene kamange okuna erika pirpir etngra.

Kamambuno Wakai Jon muno boglkwa 12:23

Yesus di ikine ende tongwa, “Yomba Wam kangiye kande inambuka engemo erme magl orkwa.

Kamambuno Wakai Jon muno boglkwa 13:21

Yesus ka i di kondo, okuwo ye nomano yumbun pond dongo ana nongugl dipene endungwa, “Na kaima ene diteinga, ene mina suwarata na i-pene ende kunda ikine tenambuka.”

Kamambuno Wakai Jon muno boglkwa 18:37

Yegl dungo Pailat krapogl tongwa, “Ene king ta motn kana?” Ana Yesus di ikine endungwa, “Na king ta moglme dinga i kaima dinga. Na kugl yeingo ende makandle winga i taragl suwarata pre winga. I ka kaima dinaglka pre. Yomba ka kaima mina meglkwa ana na ka dinga i pirkwa.”

1 Timoti 1:15

Yesus Krais tandaglme yomba nono ere-ina pre ende makandle ungwa. Ka i ka kaima pangwa yomba prapra pirtre ana pirngi dinaglkwa. Ana na nana tandaglme pond ere ende okuna kaima einga yagle.

Hibru 2:14

Ana Yesus gak we dungwa i yagl ambu nangino ya bormai pango erme mounga ipre dungwa. Te Yesus erme ama wu yomba mounere kuno yegl mogltre te geglkwa mambuno i mina ana geglkwa yombuglo Satan ake moglkwa i Yesus ere kinde orkwa.

Hibru 5:7

Ana Yesus makandle kor wanmoglkwa enge i ye kamange ere kaglkane indre kai ere ana yana di God tongwa, te i ye gorambuka enge i Yaglkande God akeple dinarambedi pre yegl orkwa. Sraglpre Yesus mambuno wakai ormara ipre God pir tongwa.