Kamambuno Wakai Jon muno boglkwa 1:9 - Yesus kamo wakai

⁹ Ana ken ambuglange kaima i ambuglangesi yomba makan uglo koglkoglo tenapre ungwa.

Kamambuno Wakai Jon muno boglkwa 1:9 ပူးပေါင်းရင်းမြစ်များ

Matyu 6:23

Ba ongumutn suwo-akiye kinde eran, ene nangin mundu mim ere kondinambuka. Te noman ambuglangemo mim eran, aya, mim bongond kaima erambuka.

Kamambuno Wakai Luk Muno Boglkwa 11:36

Yeglpre ene nangin mundu ambuglange kau sindre ana nangin kurita mim suna paikran ana ene nangin mundu potndinambuka, ken-lam ambuglangemo ambuglangesi ene mina endumere yeglmere.”

Kamambuno Wakai Jon muno boglkwa 1:4

Kor meglkwa ye mina yongwa ana kor-meglkwa i yomba ambuglangeno.

Kamambuno Wakai Jon muno boglkwa 1:7

Ye ken ambuglange kamo i dipene endinan ana ye mina yomba prapra pirngi dinaglkwa pre ye ka-singiye yomba ungwa.

Kamambuno Wakai Jon muno boglkwa 12:46

Na ken ambuglange yeglmere ende makandle winga. Yeglpre yomba ta na pirngi dinambuka, ye mim ormara suna ta moglkrambuka.

Kamambuno Wakai Jon muno boglkwa 14:6

Yesus ka mongo di ikine ende tongwa, “Na nana konbauna mogl, ana ka kaima mogl, ana kor-meglkwa i na, nana moglka. Ana Nina moglmara enaglkwa i konbauna ta ta yeikrukwa. Ba na mina suwara yongwa.

Kamambuno Wakai Jon muno boglkwa 15:1

“Na wain endiye kaima moglko, ana Nina ereyaglkwa yagle.

Kamambuno Wakai Jon muno boglkwa 6:32

Yesus ditongwa, “Na ka kaima ene diteinga, Moses taragl tongwa i heven bret ta manga, ba na Nina heven suna bret kaima i ene tongwa.

Kamambuno Wakai Jon muno boglkwa 7:12

Ana yomba merkinde Yesus pre ka ninu dingwa, “Ye yagl wakai moglkwa.” Ba yomba tau yegl dingwa, “Ta manga, ye kakimbi di yomba tongwa.”

1 Jon 1:8

Ba nono tandaglmeno paikrume dumuno, ana no nono kakimbi di yumga, ipre ka kaima nono nomano mina suna yeikrukwa.

1 Jon 2:8

Ba na ka erme bogl teinga i ama lo kor. Lomo i Yesus mina ya ene mina kanigwa kaima lo kor orkwa. Sraglpre, mim ikra dundungo ana ambuglange kaima plaudi ambuglange sikondungwa.

1 Jon 5:20

Nono ama pirkan ounga God Wam undre ana pirpogl sinamga nomano norkwa. Yegl orko kade nono God kaima moglkwa i pirpogl sumga. Ana God kaima ya Wam Yesus Krais, ye mina nono sidakagl mounga. Ye God kaima moglkwa, te kor aimande meglkwa i ye mina yongwa.