Kamambuno Wakai Jon muno boglkwa 1:51 - Yesus kamo wakai

⁵¹ Yesus ka ta aine yegl dungwa, “Na ka kaima ene diteinga, okuwo heven audinan ana Yomba Wam mina God angelomo ende mitna pi ende atne wu erimbi ene kanaglkwa.”

Kamambuno Wakai Jon muno boglkwa 1:51 ပူးပေါင်းရင်းမြစ်များ

Matyu 25:31

“Yomba Wam king kaima unambuka enge ana angelo prapra ye bogl akiye unaglkwa, ye yene king boglmo mina heven ambuglange mina suna amedi morambuka.

Matyu 26:24

Yomba Wam gorambedi kamambuno pepa mina muno beglko pangwa ye kaima gorambuka. Ba Yomba Wam yaglkumba ikine tongwa yomba i yumbun kande inambuka, mam okuna kugl yeikruma daglma i wakai kaima orko.”

Matyu 3:16

Yesus baptais erekondo oglandi, nigle ende egli undre ende menda ungo. Ana enge i keunde kamun mitna audungo, ye kango God Spiritmo kua yumugl mereyegl ende atne undre ye moglmara egli moglkwa.

Matyu 4:11

Yegl dungo Satan eremogl Yesus kindekondo endongo ana angelo wu Yesus akeple dingwa.

Matyu 8:20

Ana Yesus di ikine ende tongwa, “Agl are yungumo kombuglo mur yongo, te kua ye yungumo yongwa, ba Yomba Wam ye yungumo toglmo ta yeikrukwa.”

Matyu 9:6

Ba ene yegl piryo, Yomba Wam ye yombuglo kande pangwa pre, makandle tandaglmeno prapra koko ende tenambuka.” Yesus ka yegl dikondo, ongo kagle kinde sungwa yaglmo moglko kandre yegl ditongwa, “Ene andigl kungutn indre ende yungun po.”

Kamambuno wakai Mak muno boglkwa 1:10

Ana Yesus oglandi nigle kondo ende menda undre, ye kango heven audungo ana Holi Spirit kua yumugl mereyegl ende atne ye moglmara ungwa.

Kamambuno wakai Mak muno boglkwa 14:62

Yesus di ikine endungwa, “Na moglka iwe. Ana ene prapra kanimbi Yomba Wam, God Yaglkande ongo wokra amedi mogl ana heven kamun kua kruwo bogl akiye unambuka.”

Kamambuno Wakai Luk Muno Boglkwa 2:13

Oglandi kaima heven angelo merkinde kaima wu plau dindre ana angelo suwarata ta okuna ungwa ikra bogl akiye giglange kaima dindre God dembiye yegl siteingwa,

Kamambuno Wakai Luk Muno Boglkwa 2:9

Ana Yaglkande God angelomo ye meglmara plau ditongo ana Yaglkande ambuglangemo ambuglangesi ye meglmara were tongo ana ye kundugl pond geglkwa.

Kamambuno Wakai Luk Muno Boglkwa 22:43

Ana angelo ta heven moglkwa ye moglmara plau dite ana yombuglo bogl tongwa.

Kamambuno Wakai Luk Muno Boglkwa 22:69

Ba enge erme yei ende imbor enambuka, Yomba Wam ye God yombuglo kande pangwa, ongo wokra amedi morambuka.”

Kamambuno Wakai Luk Muno Boglkwa 24:4

Ye ipre kinano gundo igle andigl meglko ana oglandi kaima yagl suwo gatno suna kruwo mundu pango ye meglmara mangigl igle andigl miurka.

Kamambuno Wakai Luk Muno Boglkwa 3:21

Yomba prapra baptais ere kondingo, okuwo Yesus ama baptais orkwa. Ye kamange ere moglko, heven audungo,

Kamambuno Wakai Jon muno boglkwa 1:50

Ana Yesus dungwa, “Ene endi kogla mambuno mina motngo, ene kaniye dinga ikra pre ene pirngi dinga ba kanere yeglmere okuwo taragl giglendi ama kanatnga.”

Kamambuno Wakai Jon muno boglkwa 10:1

“Na ka kaima ene di teinga, sipsip togl sunakra meglmbi, ana yomba ta ye togl dra yomara ende suna ukrambuka, ba ye togl bange oglosi ende suna unan, ana ye kunogl gogl yomba taragl wau sina pre ungwa.

Kamambuno Wakai Jon muno boglkwa 10:7

Yeglpre Yesus ka kordagl dungwa, “Na ka kaima ene diteinga, na nana sipsip konbono dra moglka.

Kamambuno Wakai Jon muno boglkwa 13:16

Na ka kaima ene diteinga, kongun yomba yoko ye mogl-mitna ende suglmo yomba ta engre tekrukwa, te kakep yongwa yomba ye mogl-mitna ende ana ka diendungwa yagle ta engre tekrukwa.

Kamambuno Wakai Jon muno boglkwa 13:38

Ana Yesus di ikine endungwa, “Na pre ene kaima goragledi pitno? Na kaima ene diteinga, konduwagle kumugl wi sikran, ana enge suwota na ye kankrika we dinatnga.

Kamambuno Wakai Jon muno boglkwa 14:12

Na ka kaima diteinga, yomba ta na wedi pirngi dinan, ana na taragl prapra erika i ye ama erambuka. Ba i kaima, na kongun erimere yegl ye kongun pond kaima ere kawa tenambuka. Sraglpre, na ende Nina moglmara eingwa.

Kamambuno Wakai Jon muno boglkwa 16:20

Na ka kaima ene diteinga, ene kai pond ere te munduno kinde piraglkwa, ba makandle yomba gun yenaglkwa, te ene kinde piraglkwa, ba ene kinde piraglkwa yake tenan ana gun pond yenaglkwa.

Kamambuno Wakai Jon muno boglkwa 16:23

Ana engemo igle ene taragl ta pre na kra ta poglkraglkwa. Na ka kaima ene di teinga: Ene taragl ta inamunedi pre na kangina mina Nina krapogl tembi, ana ye ene tenambuka.

Kamambuno Wakai Jon muno boglkwa 21:18

Na ka kaima ene diteinga, ene yagl gakmugl motnga enge, enene akekun ere kumagl de pandigl ana ta ena pitnara i ende enga, ba ene kindagl yenatnga enge ene ongun duglo simin yomba ta ene kumagl detendre ana dumo ta ene enakiratnara i auro yenaglkwa.”

Kamambuno Wakai Jon muno boglkwa 3:3

Yesus yegl di ikine endungwa, “Na ka kaima ene di teinga, yomba ta ye kor kugl yeikrimbi ukor pikran ye God kingdomo ta kankrambuka.”

Kamambuno Wakai Jon muno boglkwa 3:5

Yesus ka mongo ditongwa, “Na ka kaima diteinga, yomba ta nigl ya Holi Spirit mina ta kugl yeikrambuka, ye God kingdomo mina suna ta pikrambuka.

Kamambuno Wakai Jon muno boglkwa 5:19

Yesus ka mongo ditongwa, “Na ka kaima ene diteinga, ana ye Wam yene prumere taragl ta erekrambuka. Ye Nem taragl ta orko kangwa i keunde erambuka. Sraglpre, Nem taragl kanekane ta orkwa i Wam ama orkwa.

Kamambuno Wakai Jon muno boglkwa 5:27

Ana ye ka-tange yomba tenambuka pre yombuglomo i Wam tekondungwa. Sraglpre, ye Yomba Wam moglkwa.

Kamambuno Wakai Jon muno boglkwa 6:26

Yesus ka mongo di ikine endungwa, “Na ka kaima ene di teinga, ene na pre dokingwa, i ene kimagl kanigwa ikra pre ta manga, ba ene bret neingwa dano orkwa ikra pre erikwa.

Kamambuno Wakai Jon muno boglkwa 6:32

Yesus ditongwa, “Na ka kaima ene diteinga, Moses taragl tongwa i heven bret ta manga, ba na Nina heven suna bret kaima i ene tongwa.

Kamambuno Wakai Jon muno boglkwa 6:47

Na ka kaima ene diteinga, yomba ta pirngi dinambuka ye kor aimande meglkwa inambuka.

Kamambuno Wakai Jon muno boglkwa 6:53

Yesus di yomba tongwa, “Na ka kaima di ene teinga, Yomba Wam nangiye ya ye bormaimo i ene ta nekrimbi ana kor-moraglkwa i ene mina paikrambuka.

Kamambuno Wakai Jon muno boglkwa 8:34

Yesus di ikine endungwa, “Na ka kaima ene di teinga, yomba ta tandaglme erikwa i ana ye tandaglme kanemo paingwa.

Kamambuno Wakai Jon muno boglkwa 8:51

Na ka kaima di ene teinga, yomba ta na ka dimere pinande eran ye ta goglkrambuka.”

Kamambuno Wakai Jon muno boglkwa 8:58

Yesus yegl di ikine endungwa, “Na ka kaima di ene teinga, Abraham mam kugl yeikruko, na okuna mogl painga.”

Aposel 10:11

Ye kangwa heven audungo taragl ta gagl alap kande mereyegl punduno 4 mina tongumasi pandigl ake mogltre ana kiendi endingo ende atne makan mina ungwa.

Aposel 7:56

Ye dungwa, “Kaniyo. Na heven audungo kaninga ana Yomba Wam God ongo wokra andigl moglkwa!”

2 Tesalonaika 1:7

Ana okuwo Yesus ya angelomo gigle dingwa wagle bogl heven kondo te donga bauglo bogl ende atne ombuno dinaglkwa enge i ene yumbun ingwa pre God ere endinan wakai meglmbi te no ama yegl wakai moramga.

2 Tesalonaika 1:9

Yomba kinde topono waule kinde aimande moraglkwa. Ye Yaglkande mambuglo mina ya ambuglangemo kande mina mogl eglke ende ana ye aimande kamun wu kinde pi moraglkwa.

1 Timoti 3:16

Kaima. God kamo i mem pond kaima pangwa, ana yomba ta eremogl kamo i di uglmange erekraglkwa. I mambuno yegl: Ye wu yomba kaima ongo ana yomba prapra kaningwa. Ye mambuno du-wakai Holi Spirit ombuno dungo angelo wagle kaningwa. Ye kamo yomba dipene ende waidi dumo bange bange eingo ana uglomugl koglkoglo yomba ye wedi pirngi dingwa. Ana God ye yend heven pindre kangiye kande tongwa.

Hibru 1:14

Ana angelo wagle ye spirit wakai meglkwa pre, God eremogl yomba ta ere-inagledi prukwa mere, ana angelo wagle kongun tongo ye wu yombamo i akeple diteingwa.

Jut pepa muno i boglkwa 1:14

Adam mina yei mogl ende inda wingwa i Inok epigl 7 moglkwa. Ana yombamo i mambuno kinde eremeglkwa pre Inok ka propet dungwa: “Kaniyo. Yaglkande angelomo holi tausen tausen bogl akiye wingwa,

Ka Teke Pangwa 19:11

Na kaninga heven audungo bugla-hos kruwo ta nongagle moglkwa, te yomba bolamugl amedi moglkwa, ye kangiye yegl, “Ka Kaima ya Mambuno Du-wakai Kongun Pamere Orkwa,” ana ye yomba yumbusi tendre te kunda orkwa i ye mambuno du-wakai pamere kuno ere orkwa.

Ka Teke Pangwa 4:1

Taragl yegl dundungo, ana na kaniga heven imbo konbo dra ta yauro audi yongo ana nungo embriye ta komnaiye kana dungo na pirka, i biukul bendumere yeglkra aglkekor dungwa, “Ene ende egli ya wo, ana taragl okuwo plau dinambuka i na ombuno dimbo kanatnga.”