Kamambuno Wakai Jon muno boglkwa 1:48 - Yesus kamo wakai

⁴⁸ Nataniel kra yegl poglkwa, “Ene sraglmere na pirkan etne?” Yesus di ikine endungwa, “Okuna imbo Pilip ene aglendi ikrukwa enge ene endi kogla mambuno mina mogl panga enge ikra, ana na ene kan-kondinga.”

Kamambuno Wakai Jon muno boglkwa 1:48 ပူးပေါင်းရင်းမြစ်များ

Matyu 10:3

Te Pilip ya Batolomiu, Tomas, te Matyu, ye takis yungwa yaglmo. Te Jems, ye Alfias wam, te Tadius.

Matyu 6:6

Ba ene kamange eragledi piratnga enge, ene ende kiule panara pi yungu dra yongugl pandigl ana Neno teke moglkwa ye kamange ere tenatnga. Ana ene Neno taragl teke pangwa pirkan orkwa nem, ye pra ene topo te ikine endinambuka.

Kamambuno Wakai Jon muno boglkwa 1:44

Pilip, ye Betsaida taun nem, dumo igle ombugl Andru ya Pita ye kamuno yongwa.

Kamambuno Wakai Jon muno boglkwa 12:21

Ana Grik yomba ikra wu Pilip moglmara wingwa, ye Betsaida kamun Galili suna igle nem. Ana Grik yomba dingwa, “Yagl kande, no Yesus kanamnedi punga.”

Kamambuno Wakai Jon muno boglkwa 14:8

Ana Pilip ditongwa, “Yaglkande, ene Nen ombunodi notn ana no munduno pangwa i kuno erambuka.”

Kamambuno Wakai Jon muno boglkwa 2:25

Yeglpre yomba ta eremogl Yesus ditendre ye mambunono yegl we ta dikrambuka, sraglpre Yesus yene yomba nomano mina taragl suna yongwa i kan-kondungwa.

Kamambuno Wakai Jon muno boglkwa 6:5

Enge igle Yesus kangwa yomba merkinde ende ye moglmara wingo, ana ye di Pilip tongwa, “Nono aglomere bret topo ertre ana yomba i tomuno ye prapra neimbi kuno erambe?”

Kamambuno Wakai Jon muno boglkwa 6:7

Ana Pilip di ikine endungwa, “Nono ba 8 kongun ere topomo ingwa i ende bret topo oun kade ana yomba prapra ye kuri-kuridi neimbi ta kuno erekrambuka.”

1 Korin 14:25

Ana ye nomano kinde suna teke pangwa i God kamo i-pene endinan, ye yange mangidi ana God dembiye karaugl ere mitna ende yegl dinambuka, “Kaima ene meglmara God suna moglkwa.”

1 Korin 4:5

Ipre, ka tanginaglkwa enge yeikrukwa pre ene yomba mambunono yumbu sikraglkwa. Ene sugl mogl-embi Yaglkande yene undre, ana taragl mim ormara teke paingwa i ake ambuglange sindre te yomba nomano suna taragl pirmeglkwa i i-pene endinambuka. Enge i yomba suwarandi kongun wakai erumere God dembiye si tenambuka.