Kamambuno Wakai Jon muno boglkwa 1:34 - Yesus kamo wakai

³⁴ Na i kandre, ana ye God Wam kaima moglme dinga.

Kamambuno Wakai Jon muno boglkwa 1:34 ပူးပေါင်းရင်းမြစ်များ

Matyu 11:27

Yesus ka aglke yegl dungwa, “Na Nina taragl prapra nare kondungwa, yomba suwarata wam ira moglkwa i ta kanpogl sikrikwa. Nem keunde kangwa, ana yomba suwarata nem ira moglkwa i ta kankrikwa. Wam keunde kangwa, ana Wam ye yomba pinde yungwa i ombuno dungo ye nem kanigwa.

Matyu 16:16

Saimon Pita yegl di ikine endungwa, “Ene Krais, God kor aimande moglkwa Wam.”

Matyu 17:5

Pita ka yegl di moglko ana kamun kua kruwo oglandi wu ye were kondungo, ana kamun kua mitna sunakra ka ta yegl dungwa, “Iwe na Wana, na ye wakai kandre gun yeiteinga. Ene ye kamo piryo!”

Matyu 26:63

Ba Yesus ka ta dikor erekrukwa. Aglke pris kande Kaiapas, ye ditongwa, “God kor aimande moglkwa kangiye mina na erme ene krapoglka. No dinoro, ene God Wam Mesaia motno?”

Matyu 27:40

ana dingwa, “Ene God holi yungumo sigurndi atne ende pandigl ana ande enge suwota mina aglke kordagl kei ikine endinatngra. Ene God Wam motn kade, enene ere-indre endi-prak mina kondo ende atne wo!”

Matyu 27:43

Ye eremogl God pirngi dindre yegl dungwa, ‘Na God Wam mole,’ dungwa, ana erme God akeple dinan nono kanamna.”

Matyu 27:54

Ana kimbirnem ende okuna ongwa yagle ta ya te kimbirnem tau ye bogl akiye Yesus suglmo meglkwa ana imem ungo, te taragl tau prapra orkwa i kandre ana ye kundugl gogl dingwa, “Kaima yene, ye God Wam moglkwa!”

Matyu 3:17

Ana heven imbo ka ta yegl dungwa, “I na Wana, na ye wakai kandre nomana wakai teinga.”

Matyu 4:3

Ana bagl nusinambuka yaglmo ye moglmara undre yegl ditongwa, “Ene God Wam kaima motnga panan kombuglo moglkwa imer dimin wu bret yeingwa no.”

Matyu 4:6

Yegl ditongwa, “Ene God Wam kaima motnga panan ene puglodi ende atne po. Kamambuno pepa mina muno yegl beglkwa pangwa: “‘God angelomo ene pre diendinan ye wu onguno mina ene boglo ere mitna endimbi, ene yange kombuglo suwarata katn boglkrambuka.’”

Matyu 8:29

Ye kaglkane kande ere dimbrika, “God Wam, ene no sragl ere noratn? Enge yeikrumara unga, ene no nangino giu ere noragledi pre un kana?”

Kamambuno wakai Mak muno boglkwa 1:1

God Wam Yesus Krais pre, kamambuno wakai i mambuno boglkwa.

Kamambuno wakai Mak muno boglkwa 1:11

Ana heven imbo ka ta yegl dungwa, “Ene na Wana, na ene wakai kandre nomana wakai ene teinga.”

Kamambuno Wakai Luk Muno Boglkwa 1:35

Angelo di ikine endungwa, “Holi Spirit ene mina unan ana God Mitna Imbo Kaima yombuglomo ya kuiyamo ene si yokonambuka. Yegl eran ene gak holi kugl yemin, ana ye kangiye God Wam we dinaglkwa.

Kamambuno Wakai Luk Muno Boglkwa 3:22

Holi Spirit kua yumugl mereyegl ende atne ye moglmara ungwa. Ana heven imbo ka ta yegl dungwa, “Ene nana Wana, na ene wakai kandre nomana wakai ene teinga.”

Kamambuno Wakai Jon muno boglkwa 1:18

Yomba ta God kankrikwa, ba God Wam suwara ye Nem bogl akiye miurka pre ye mina Nem ombuno dipene endungwa.

Kamambuno Wakai Jon muno boglkwa 1:49

Nataniel di ikine endungwa, “Beke Notnga, ene God Wam, Israel yomba Kingno.”

Kamambuno Wakai Jon muno boglkwa 10:30

Nina ya na yomba suwara yene mouglka.”

Kamambuno Wakai Jon muno boglkwa 10:36

Ba na Nina pinde indre na di makandle endungwa. Ipre na God Wam kaima mole diga, ba ene sraglpre na God dikinde yome dime?

Kamambuno Wakai Jon muno boglkwa 11:27

Marta di ikine endungwa, “Owo, Yaglkande. Kaima na pirngi dinga. Ene Mesaia, God Wam. Ene ende makandle unatne dingura.”

Kamambuno Wakai Jon muno boglkwa 19:7

Juda yomba di ikine endingwa, “No lono ta pangwa, lo igle mina ye gorambuka, sraglpre ye okuna God Wam mole dungwa.”

Kamambuno Wakai Jon muno boglkwa 20:28

Ana Tomas di ikine endungwa, “Na Yaglkandena te na Godna!”

Kamambuno Wakai Jon muno boglkwa 20:31

Ana ka ya te kongun tau orkwa i na boglka pangwa, i ene pirngi dinaglkwa. Yesus ye Mesaia, God Wam moglkwa. Ana ye wedi ene pirngi dimbi ana ye kangiye mina, kor aimande moraglkwa i inaglkwa.

Kamambuno Wakai Jon muno boglkwa 6:69

Ana no etne pirngi dumga, te pirkan ounga i ene Suwara Holi mogltre, God mina unga.”

Pol pepa muno bogl Rom yomba tongwa 1:4

Te wam goglko ana Nem ye ikor endungo, ye Yaglkande kaima mogl ana Holi Spirit mambuno du-wakai orkwa i ye yombuglomo mina dinongugl ende ana Yesus Krais nono Yaglkandeno we dungwa.

2 Korin 1:19

Sraglpre, Yesus Krais, God Wam, ye kamo na ya Sailas te Timoti, no ene dipene ende tomga i “Owo” ya “Mane” suwo-akiye ene ditekunga. Krais mina ka kaima yegl pangwa, “Owo” i keunde pangwa.

Hibru 7:3

Ana Melkisedek ye nem ya mam ya kowamo awamo te ye kugl yeingwa enge ya te gorambuka engemo i ta pepa mina beglko paikrukwa. Ye God Wam mereyegl mogltre ana pris aimande aimande moglkwa.

1 Jon 2:23

Yomba ta Wam ditorwa erambuka i ye Nem ama akiye ditorwa orkwa. Te yomba ta Wam dinongugl endinambuka i ye Nem ama dinongugl endungwa.

1 Jon 3:8

Yomba ta tandaglme ningadi erambuka ye Satan yombamo moglkwa. Sraglpre, Satan okuna mambuno bogl tandaglme orkwa. Ana God Wam ende nongugl ungwa i Satan mambunomo kinde i sidundina pre ungwa.

1 Jon 4:9

Ye Wam suwara kaima di makandle endumara mambuno igle mina, ye nono pre munduwo pango wakai kangwa i ombunodi norkwa. Ipre ye Wam mina nono kor-moramga.

1 Jon 5:20

Nono ama pirkan ounga God Wam undre ana pirpogl sinamga nomano norkwa. Yegl orko kade nono God kaima moglkwa i pirpogl sumga. Ana God kaima ya Wam Yesus Krais, ye mina nono sidakagl mounga. Ye God kaima moglkwa, te kor aimande meglkwa i ye mina yongwa.

2 Jon 1:9

Yomba ta Yesus Krais kamo beke teingwa i ta akegidi moglkre ana puglondi endpi ka ta mina enan ana God yombamo i mina ta mogl tekrukwa. Te yomba ta Yesus Krais kamo beke tengwa i akegidi moran ana Nem ya Wam akiye ye mina moglkwa.

Ka Teke Pangwa 2:18

“Ene ka i pepa muno bogl Taiataira God yombama angelono moglkwa i to: Ka i God Wam kamo yegl: Na ongumutna donga bauglo mereyegl ambuglange sungo te katna ain bras donga mina de gogl kaima ormere yegl orkwa.