Kamambuno Wakai Jon muno boglkwa 1:24 - Yesus kamo wakai

²⁴ Parisi wagle yomba diendingo wingwa ikra

Kamambuno Wakai Jon muno boglkwa 1:24 ပူးပေါင်းရင်းမြစ်များ

Matyu 23:26

Parisi wagle ene ongumutno kin yengwa! Okuna kana plet ya kap sunakra nigl ende koko endimbi, ana okuwo nangiye tembe akiye wakai yenambuka.

Kamambuno Wakai Luk Muno Boglkwa 11:53

Yesus dumo igle kinde kondungwa enge, lo beke teingwa yomba ya te Parisi wagle deno kumbro tendre ana ye ka kra kanekane pogl teingwa.

Kamambuno Wakai Luk Muno Boglkwa 16:14

Parisi wagle ka prapra dungwa i pirtre ana Yesus bakagl teingwa, sraglpre ye minge moni bumbuno geglkwa.

Kamambuno Wakai Luk Muno Boglkwa 7:30

Ba Parisi wagle ya te lo beke teingwa yomba yene pre ere God mambunomo wakai kinde kondingwa. Sraglpre ye okuna kana Jon mina baptais erekrikwa.

Kamambuno Wakai Jon muno boglkwa 1:23

Jon eremogl propet Aisaia ka muno boglkwa i di ikine endungwa, “Makan waule suna yomba ta wiyau dungwa i na mina pai yungwa. Yaglkande pre konbo si-ake du endiyo.”

Kamambuno Wakai Jon muno boglkwa 1:25

krapogl Jon teingwa, “Ene Krais mo Elaija, mo Propet ta moglkitn ana ene sraglpre yomba baptais tene?”

Aposel 23:8

Sadyusi wagle yegl di-di erikwa, “Yomba geglkwa ta andigl ukor pikraglkwa, te angelo ya spirit ta moglkrikwa.” Ba Parisi wagle taragl suwota i kaima pirngi dingwa.

Aposel 26:5

Ye kamkand na embriyena pirkan erikwa, ana ye ka boglo kuramnedi pirmbi i pra dipene endiyodo. Na Parisi mogltre ana Parisi mambunono pamere ere wanmoglka. Mambunona i gigle dindre Juda yomba tau engrukwa.