Kamambuno Wakai Jon muno boglkwa 1:1 - Yesus kamo wakai

¹ Okuna imbo Ka i pai moglkwa. Ana Ka i God bogl moglkwa. Ana Ka i God moglkwa.

Kamambuno Wakai Jon muno boglkwa 1:1 ပူးပေါင်းရင်းမြစ်များ

Matyu 1:23

“Piryo, ambai mor ta ye yagl bogl ta akiye wanmoglpai erekrambuka. Ye gak dane panan yagl gak ta kugl yenambuka. Ana ye kangiye Imanuel we dinaglkwa.” Kangiye i mambunomo yegl, “God nono bogl akiye moglkwa.”

Kamambuno Wakai Luk Muno Boglkwa 24:53

Ye ende ikine Jerusalem pindre, ana God holi yungumo mina yungugl mogltre, God dembiye engenge site meglkwa.

Kamambuno Wakai Jon muno boglkwa 1:14

Ana Ka wu yomba pindre nono mina suna moglkwa. No ye ambuglangemo kamga. Ana ambuglange i ye suwara, Nem diendungo ungwa. Yeglpre ye wakaimo ya Ka kaima ye mina kau sungwa. Ye God Wam kaima moglkwa.

Kamambuno Wakai Jon muno boglkwa 1:18

Yomba ta God kankrikwa, ba God Wam suwara ye Nem bogl akiye miurka pre ye mina Nem ombuno dipene endungwa.

Kamambuno Wakai Jon muno boglkwa 1:2

Ye okuna imbo God bogl moglkwa.

Kamambuno Wakai Jon muno boglkwa 16:28

Na Nina mina mogltre ana ende makan mina winga, ana erme na makan mina kondo, ende ikine Nina moglmara enaglka.”

Kamambuno Wakai Jon muno boglkwa 17:5

Nina, okuna dumo makan plau dikrukwa enge na ene bogl akiye mouglka, ana na kangina kande pangwa. Ana kangina kande ikra erme aglke nare ikine endimin ana na ene bogl akiye morambuglka.

Kamambuno Wakai Jon muno boglkwa 20:28

Ana Tomas di ikine endungwa, “Na Yaglkandena te na Godna!”

Kamambuno Wakai Jon muno boglkwa 8:58

Yesus yegl di ikine endungwa, “Na ka kaima di ene teinga, Abraham mam kugl yeikruko, na okuna mogl painga.”

Pol pepa muno bogl Rom yomba tongwa 9:5

Okuna imbo kowano awano meglkwa i Israel yomba kowano meglkwa, ye epitno mina igle Yesus Krais wu yomba ongwa. Ye God kaima mogl taragl prapra Yaglkandeno moglkwa. Ana nono engenge ye dembiye si te mitna ende wanmoramniwo! Kaima.

Efesus 3:9

te God okuna imbo taragl prapra beke yendre ana kongun ta eragledi prukwa i yene mina teke pai moglko buglayungu merkinde ende wongwa i na dipene endimbo yomba prapra pirkan eraglkwa pre kongun narkwa.

Filipai 2:6

Yesus ye God kaima moglkwa, ba ye kangiye kande indre God moglmere kuno yegl morakrukwa.

Kolosi 1:15

Ana Krais ye God moglmere yegl moglkwa, i God uglmange ere teke moglkwa, ba yene Wam i wu pene ongo kanumga. Yene Wam i komnaiye kaima moglko ana taragl prapra okuwo beke yongwa.

Kolosi 1:17

Te Krais yene okuna kana plaudi moglko ana taragl kanekane i okuwo plau dingwa, ana ye mina taraglmo i prapra wakai paimogltre ana kongun wakai erikwa.

1 Timoti 3:16

Kaima. God kamo i mem pond kaima pangwa, ana yomba ta eremogl kamo i di uglmange erekraglkwa. I mambuno yegl: Ye wu yomba kaima ongo ana yomba prapra kaningwa. Ye mambuno du-wakai Holi Spirit ombuno dungo angelo wagle kaningwa. Ye kamo yomba dipene ende waidi dumo bange bange eingo ana uglomugl koglkoglo yomba ye wedi pirngi dingwa. Ana God ye yend heven pindre kangiye kande tongwa.

Taitus 2:13

Te nono taragl wakai inamunedi pre sugl mounga. Te Yesus Krais nono ye Yaglkande no God nono ikine endungwa yagle ambuglangemo kande bogl enge kande mina wu pene enambuka,

Hibru 13:8

Yesus Krais embriye mambunomo ikra kuno yegl keme enduwendi pangwa, te erme pangwa te aimande aimande panambuka.

Hibru 7:3

Ana Melkisedek ye nem ya mam ya kowamo awamo te ye kugl yeingwa enge ya te gorambuka engemo i ta pepa mina beglko paikrukwa. Ye God Wam mereyegl mogltre ana pris aimande aimande moglkwa.

2 Pita 1:1

Na Saimon Pita, Yesus Krais kongunmo yomba ya aposelmo moglka. Na ka i muno bogl ene pirngi dingwa yomba teinga. Ana ye nono Godno ya nono i-ikine endungwa yagle Yesus Krais mambunomo du-yene mina ene pirngi dingwa i no pirngino bogl wu suwara ongwa.

1 Jon 5:20

Nono ama pirkan ounga God Wam undre ana pirpogl sinamga nomano norkwa. Yegl orko kade nono God kaima moglkwa i pirpogl sumga. Ana God kaima ya Wam Yesus Krais, ye mina nono sidakagl mounga. Ye God kaima moglkwa, te kor aimande meglkwa i ye mina yongwa.

1 Jon 5:7

Ana taragl suwota mambuno i dipeglkwa:

Ka Teke Pangwa 1:11

Ana ka i yegl dungwa, “Taragl prapra kanga i pepa mina suna bogltre ana God yombama yungu ombuno 7 meglmara endinatnga: I Efesus kamun ya, Smena kamun ya, Pergamam kamun ya, Taiataira kamun ya, Sadis kamun ya, Piladelpia kamun ya te Leodisia kamun.”

Ka Teke Pangwa 1:17

Na ye kandre ana ukandi yange kagle mina si, geglkwa mereyegl du painga. Ana ye ongo wokra na nangina ake yegl dungwa, “Ene kundugl goglkro! Na gumamugl moglka te pundunomugl moglka.

Ka Teke Pangwa 1:2

Ana na Jon taragl prapra ta kaninga i pepa muno boglka, i God kamo ya te Yesus Krais ka dungwa ya te kongun orkwa i ama akiye dipene end-iwa.

Ka Teke Pangwa 1:8

Yaglkande God yegl dungwa, “Na mambuno boglmara kaima mogl te dundumara kaima moglka.” Ana God i yombuglo pond pangwa ye erme moglkwa okuna imbo moglkwa te okuwo unambuka.

Ka Teke Pangwa 19:13

Ye gaglmo suna olto endungwa i bormai dangungwa, te ye kangiye “God Kamo” we dingwa.

Ka Teke Pangwa 2:8

“Ka i pepa muno bogl Smena God yombama angelono moglkwa i to: Na kanna i yegl: Na mambuno boglmara moglka te dundumara moglka, te na gogltre ana aglke andigl kor-moglka.

Ka Teke Pangwa 21:6

Te na ama yegl dinarkwa, “Taragl prapra plaudi kondungwa. Na Gumamugl moglka te Yaglemugl moglka, te na Taragl Mambuno Boglmara moglka te Dundumara moglka. Yomba ta nigl gogltre ninambuka eran ana niglmaugl mina ongo bogl ungwa kor aimande nigl i teimbo ana ye topo tekre yoko ninambuka.

Ka Teke Pangwa 22:13

Na Gumamugl moglka te Yaglemugl moglka, te Taragl Mambuno Boglmara moglka te Dundumara moglka.

Ka Teke Pangwa 3:14

“Ene ka tau pepa muno bogl Leodisia kamun God yombama angelono moglkwa i to. Ye kamo i yegl: Ye eremogl God kamo pinande ere ana ka kaima ditongwa, ye mem mambuno bogl pango ana God taragl kanekane ere yongwa.