Jems 4:6 - Yesus kamo wakai

⁶ Ba God ye tau wakaimo merkinde norkwa. Ipre kamambuno pepa mina okuna muno yegl beglko pangwa: “Yomba yene dembino singwa yomba God kunda ikine eretongwa ba yomba yene kangino ake atne endingwa i God ye wakaimo tongwa.”

Jems 4:6 ပူးပေါင်းရင်းမြစ်များ

Matyu 13:12

Te yomba taragl ta ake moglkwa pre ana God taragl tau ama akiye tenan, ana ye taragl merkinde pai tenambuka. Ba yomba taragl i ta ake moglkrambuka, ana ye kurita ake moglkwa, i God i-eglke endinambuka.

Matyu 23:12

Ana yomba ta ye yene kangiye ake mitna ende morambuka, ye kangiye ende atne unambuka. Ana yomba ta ye yene kangiye ake atne ende morambuka, ye kangiye kande inambuka.

Kamambuno Wakai Luk Muno Boglkwa 1:52

Ye yomba kande king botno mina ake atne endungwa, ba yomba yene pre pir yangingwa yomba i ye akepledi mitna endungwa.

Kamambuno Wakai Luk Muno Boglkwa 14:11

Yeglpre, yomba yene ta kangiye akepledi mitna endinan God ye ake atne endinambuka ana yomba yene ta kangiye ake atne endinan, ye kangiye God akepledi mitna endinambuka.”

Kamambuno Wakai Luk Muno Boglkwa 18:14

“Na ene diteinga, yagl takis yungwa i ye ende ikine yungumugl enan, ana ye God ongumuglo mina yomba du-wakai morambuka, te yomba prapra yene kangino ake mitna endingwa i God ake atne endinambuka, ana yomba ta yene kangiye ake atne ende wangwa i God ake mitna imbo endinambuka.”

Jems 4:10

Yaglkande ongumuglo mina enene pre pirimbi atne eran ana Ye ene ake mitna endinambuka.

1 Pita 5:5

Kuno yegl keunde ana yagl gakmugl wagle ene ende okuna eingwa yomba ye mina atnekra molo. Ene prapra akiye atne undre angro ambaro ta bogl nomano suwara yei molo. Sraglpre, “Yomba yene nangino dembiye singwa i God ake atne endungwa, ba yomba yene pre pirko atne orkwa i God wakaimo tongwa.”